الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

ياسيدي أرجوك لا تربط بين الجلابية و بين عدم التحضر....

ببساطة أنا واحد من الناس مبعرفش ألبس جلاليب..ومبحبش ألبسها حتى، ولكن هدافع عن اللي عايز يلبسها لحد اخر نقطة دم فيا "بتصرف من فولتير".

طيب مهو على نفس المبدأ ولو هنمشي الموضوع أهواء شخصية، النقاب شكله مش حلو ومش حضاري..وكذلك اللي بيلبس لبس مش من التوكيلات مهواش حضاري لأنه مش لابس براند نيم وبيلبس من مصانع تحت السلم..وممكن نخترع لبعض من هنا للصبح حاجات شكلها مش حضاري زي مثلا الشنب اللي مهواش حضري، والسوالف الطويلة اللي مبقتش من الحضارة، او البناطيل التشيلستون اللي كانت موضة وانتهت ومبقاش شكلها حضاري ولا على الموضة...وهكذا.

يافندم ما يحدد معيار الحضارة هو الناس نفسها مش الغرب ولا الشرق ولا أي مكان تاني..الناس عايزة تلبس جلاليب يبقو يلبسوا جلاليب هما أحرار ومحدش شريكهم من الأخر.

ونرجع ونقول، النادي دا مهواش ملكية خاصة لحد عشان يمنع فلان او علان يلبس جلاليب..من الأخر لابد من اخذ اصوات المهندسين و يقولوا رأيهم، والله لو هيسمحوا بحاجة زي دي يبقوا براحتهم....عارضها الأغلبية يبقى نحترم رأي أغلبية روّاد المكان و مش هنلبس الجلابية طالما بتدايقهم.

انما مجرد ان واحد يحط حكم كدا يلزم بيه الناس يبقى هيافة و فكر طفولي وغير ملزم على الناس.

اللي عايز أقوله ان المفروض يكون لنا ثقافتنا الخاصة بالفعل ومحدش يجبر حد على حاجة..وهقول مثال اخير ارجوا انه يتفهم صح :

يعني مثلاً في بعض السيدات مبيحبوش يلبسوا غير ملابس قصيرة و بتبين مفاتن جسمهم..هل ينفع اقولهم اصل دا مش دارج في الحضارة السعودية وعشان كدا لازم تلبسوا الحجاب والنقاب عشان نبقى زيهم؟

منقدرش...حريتهم و هما حرين فيها، وزي ماهندافع عن الراجل إنه يلبس الجلابية برضو هدافع دفاع شرس ومستميت عن الست اللي حابة تلبس قصير وهيحاربها تيار ديني شرس و لكن من حقها تلبس اللي هي عايزاه طالما إنه مش ضد قوانين الدولة ولا العرف العام.

وبرضو كان لازم النادي يعرف الناس قبل ما يشتركوا ان النادي بيمنع الجلابية، مجيش بعد مااشترك افاجئ بكدا.




وعلى فكرة، مش عيب ابدا في ايطاليا انك تلبس جلابية..وفي هناك عرب بيلبسوها

أى حد مشترك فى نادى أو دخل نادى عارف كويس جدا جدا أنة ممنوع الدخول ب الجلباب , أنت مش حا تقلد الغرب و المصرين الزى الرسمى مش الجلابية . و لا الاجانب الزى الرسمى عندهم القصير و لا كل الاجانب من الهيبز و لا عايشين حياة بوهيمية فية منهم ناس عادية جدا جدا جدا زى مصر
اللبس الصح أنة يكون لبس محتشم مش ندخل فى موضوع فرعى و نقول الحضارة لبس قصير و لا لبس شارل ستون . الفكرة ألبس الملابس الملائمة للمكان الى أنت داخلة . معلش سؤال شخصى حضرتك لما كنت فى الكلية أو لو لسة بتدرس ممكن تدخل الجامعة ب الجلابية مهو مش مكتوب على الباب ممنوع الدخول ب الجلابية بس معروف جدا أنة ممنوع .
و مين ذكر و قال أنة لو لابس جلابية يبقى مش متحضر عادى جدا جدا جدا جدا دكتور جامعة و لا طبيبو لا محاسب يلبس جلابية بس ما يخرجش و يدخل بيها نادى و نقول دة حضارى هو لما بيروح الجامعة يدرس للطلبة و هو من محافظة ما يعنى مش جامعة فى القاهرة فى أقصى مكان داخل جمهورية مصر العربية ممكن يدخل الجامعة و يدى محاضرة للطلبة و هو لابس جلابية . و لا بيلبس بدلة .
و لا تقيس فى حالة التعليم الازهرى لانة ممكن يلبس عباءة و دى زى رجال الدين

المشاركة الأصلية كتبت بواسطة ahmed1981

الحرية في اللبس طالما محترم مش من حق حد يمنعه من لبسه
أضف إلى ذلك إن الجلبية أحد الأزياء المصرية المعروفة والتي كان الجميع الجميع الجميع يرتديها قبل الإستعمار
والآن لو ذهبت للقرى فستجد أغلب الناس يرتدون الجلباب سواء مسلمين أو مسيحيين

فلا يصح أن نستعر من أصلنا ونقول عليه شكله غريب شوية

برضة الجلابية غريبة

طيب والشبشب إيه مشكلته مع حضرتك
أحياناً الشبشب بكون أغلى من 100 جزمة
فلا تفرض النظريات وكأن ما ليس على هواك هو نشاز وما على هواك هو اللائق
كثير من الناس لا يخرج لأي مشاوير خارج العمل إلا بالشبشب وليس من حقك أن تمنع حريتهم في ذلك
لأنهم وقتها سيقفون لك بالمرصاد ويمنعون حريتك أيضاً مما لا يروق لهم وتدخل نفسك في متاهة بسبب تدخلك في حرية الناس

وبالنسبة للحلل والفسيخ
حضرتك لماذا تخلط الأوراق
هل الجلابية لازق فيها حلة
واللي لابس الجلابية مش حقير ولا قذر
وهو زيك تماماً محترم
بمعنى لو هو هيدخل بفسيخ فهذا ينطبق عليك أيضاً
فلا تخلط بين الزي وبين ما يصطحبه الناس معهم
الموضوع يتحدث عن الزي فلا داعي لخلط الأوراق

وبخصوص الشغل (حد بيروح الشغل لابس جلابية )
كل شغل له زيه لأنه زي العمل
الشرطة لها زي بدلة الشرطة
والأزهر له زي وهو الجلبية والقفطان
والكنيسة يرتدون عباية القساوسة وهي جلابية برضه
يعني في ناس شغلها بيتراح بالجلابية

لكن الفكرة هو هل النادي نذهب إليه بزي الشغل
طيب بزي أي شغل
الشرطة ولا الأزهر ولا على هوى مدير النادي

الحقيقة أن النادي هو مكان ترفيهي ولابد فيه من نوع من الحرية المحترمة وكل حر فيما يلبس في حدود الأحترام

وبخصوص الفرح الناس هتلبس إيه
حسب نوع أهل الفرح ونوع لبسهم
وهذا أيضاً بعيد عن موضوعنا

أول حاجة أديك قولت مش الزى الرسمى يعنى مصر مش الزى الرسمى فيها الجلابية زى ما كان اليابانين القدامى بيلبسو ال ((( كيمونو ))))
زى ما ذكرت لو ذهبت للقرى ستجد ان الناس يرتدون الجلاليب مش عيب دة سلو بلدهم كدة زى البدو ما بيلبسو غطرة فى القاهرة لو لبست عقال و غطرة على الراس حا يبقى شكل غريب شوية
أعتقد بالنسبة لموضوع الشبشب محدش حا يقول علية عادى حضرتك ممكن تروح للعمل لابس شبشب و لا ما ينفعش و ما ليش دعوة بثمنة شكلة أية فى النهاية لما تروح بية الشغل ينفع و لا ما ينفعش
بالنسبة أن كل عمل و شغل لة ملابسة دة صحيح و يؤكد أن الشبشب ما ينفعش تروح بية الشغل الا لو واحد شغال فى مكان يسمح بهذا الشكل العام لكن لو موظف بيتعامل مع جمهور فية أداب عامة يراعيها لو عندة محل خاص بة ممكن يلبس الى هوة عاوزة
بالنسبة لزى رجال الدين سواء مسلم أو مسيحى دة لبس مخصص شوية و لة طبيعة معينة
بالنسبة لظابط الشرطة النوادى المحترمة حا تمنع الظابط من الدخول الى النادى و هو لابس ميرى و دة معروف برضو جدا

المشاركة الأصلية كتبت بواسطة ahmed1981

وبالنسبة للحلل والفسيخ
حضرتك لماذا تخلط الأوراق
هل الجلابية لازق فيها حلة
واللي لابس الجلابية مش حقير ولا قذر
وهو زيك تماماً محترم
بمعنى لو هو هيدخل بفسيخ فهذا ينطبق عليك أيضاً
فلا تخلط بين الزي وبين ما يصطحبه الناس معهم
[[/color]

ممكن تحدد تحديدا مكان المشاركة الى أنت فهمت منها أن الشخص الذى يرتدى جلابية حقير و قذر و دة الى انت كاتبة فى مشاركتك و تحدد بالظبط أو فهمت اية علشان ترد على الجزئية و تقول أن الجلابية لاذق فيها حلة و أنة لازم يدخل معاة فسيخ .
أعتقد كلامى كان واضح جدا فى المشاركة الى كتبتها أنا
أنا كتبت حا يروح واحد و يقولك أنا حر و يدخل ب جلابية و التانى يقولك أدخل لابس شبشب بيرح رجلى و التالت عاوز ياكل و ياخد حلة لية أنت ربطت أنهم شخص واحد الى هوة لابس جلابية .
المشاركة أهية

المشاركة الأصلية كتبت بواسطة heshamzaky

لو تقدمت بشكوى و طالبت ان الاعضاء ممكن أى واحد يدخل بأى لبس بص النتيجة الحتمية حا تلاقى الناس راحتب الجلابية و بعد كدة الاعضاء رايحة بشبشب و بعد كدة الناس حا تدخل معاها حلل أكل و مش حا يبقى مكان لة رونقة حا يتحول الى مركز شباب و ساحة شعبية ز صدقنى أى نادى مينفعش تدخل ب جلابية حتى لو لابس جلابية تمنها اغلى من البدبى ب 10 مرات ز هو فية حد بيروح الشغل لابس جلابية .

كل واحد يلبس الى يريحة دة ماشى مش عيب بس برضو أنت لو رايح فرح حا تلبس جلابية و لا حا تطقم للمنظر العام