تحب تعيش حر ولا تحب تعيش عبد!!!

**hazem_khidr** · 05-06-2007 04:45 AM

أنا مش بقول كدة لأني شغال في الغربة بمسح جزم أو بغسل صحون زي ما المحترم جدا بيقول

يا اتاذ يونس ارجو ما تحورش الكلام انا مش بقول ان الكل بيمسح جزم و دا واضح جدا من كلامي اللي كاتبه يا ريت تفهمه قبل ما تتريق و تندفع في ردك علشان شايف من كلامك اسلوب تريقه انا ما اقبلهاش و يا سيدي انا بطرح فكره او موضوع عاجبك تقول رايك سواء باليجاب او النفي قول مش عاجبك ما تغلطش في حد

العبد هو الشخص الي عايش في بلده بيمص دماء الأخرين و هو عبد لطمعه و جشعه و أنانيته و إنعدام ضميره و إنعدام إنسانيته و أظن الأمثلة عندنا كثيرة و لامجال هنا للحصر

يعني المفروض نفهم ايه من الكلمه دي لو بمقاييس حضرتك يبقي افهم ان كل اللي عايشين في مصر جشعين و ما عندهومش ضمير ولا حضرتك تقصد ايه؟

يعني لما حضرتك سافرت ...باين من كلامك ان الدنيا مكانتش حلوه...من الاخر مجالكش عائد يسد مكان الغربه او علي الاقل جزء....مش يكون فاضــــــــــــــي
يعني من الاخر الدنيا لو كانت مشيت معاك حلو...مكنتش جيت مصر المحروسه اصلا ولا كنت كتبت الموضوع ده اساسا.....

الحمد لله كنت مشرف مبيعات و كنت بقبض كويس و كنت بجرب في الاول و الاخر و اللي حضرتك ما تعرفوش اني رجعت لما هما قالولي تاخر اجازتك شويه ما تنزلش في العيد روحت سايب البلد كلها و نازل علشان حسيت انهم ممكن يتحكموا فيا لكن و الحمد لله كنت عايش كويس و بقبض كويس و راكب عربيه و مش في حاجه نقصاني و الحمد لله لما نزلت هنا ربنا وفقني برضه و بقي ليا مشروعي الخاص اللي اقدر اني افيد بيه نفسي و افيد اللي حواليا و بيشتغل معايا كذا واحد فااتحيين بيوت يبقي انا كده ساغدت نفسيو ساعدت ناس من بلدي و بقي فيه لقمه عيش بناكلها سوا

**mohamed el hussien** · 05-06-2007 04:48 AM

بلا حر بلا عبد بلا كلام فارغ بقي
شوف الناس هنا بتعمل اية في بعض
كل واحد بياخد الكلام علي جوة
وتلقيح كلام
ودماغ صغيرة
وكل واحد يقتبس موضوع التاني ويفصصة كلمة كلمة علي حسب فهمة
اية اللي بيحصل دة

احنا المفروض ناس محترمة وبنقدر بعض
ولا دة كلام نضحك بية علي بعض
وكل واحد يغلط وبعد كدة يقول انا محترم وطيب
اززااي بقا يعني

اللة يرحم ايام كونتاكت
كان عمر ما مشكلة بتستمر اكتر من كام ساعة
والنفوس في الاخر هادية وزي الفل
انا عموما من اوائل منتدي كونتاكت
واللة كانت كونتاكت في الاول تحفة قبل الرمرمة
وانا عارف ان الكلمة دي وحشة
ومش اسف عليها

**memo_hefnawy** · 05-06-2007 08:09 AM

يا ريت يا جماعه نبطل كلام فى الموضوع ده لأنه من الأول الإختيارات المطروحة فيه غير منطقية بالمرة
==================

يعنى مش كل واحد عايش فى بلده حـــر و مش كل واحد متغرب عبد

ياريت نقدر نميز عندما نطلق صفه أو وصف فإنه من الصعب جدا إنى أقول ده المنايفه دوول بخله ده الشراقوه كرمه ...كل ده من باب التهريج و بعيد كل البعد عن الواقع نفس الشئ ليس كل مصرى مغترب بعبد و ليس كل مصرى محلى بحر

نكاد نكون فى بلدنا المحروسة عايشين على مبدأ إمشى جوه الحيط لحد ما الحيط وقع علينا كلنا تقريبا و بره محدش يقدر يجمع و يقول إن بره الناس كلهم أحرار أو عبيد

العملية نسبية جدا و بترجع لشخصية كل واحد و بالتالى يبقى الكلام ميكونش كده خالص

أنا على سبيل المثال شايف إن العيشة فى مصر دلوقت أصبحت تقرف الكلب فما بالك بالإنسان !!!

و مش هاتطرق للسياسة كثير بس كلكم عارفين

نفس الشئ بالنسبة للدول الأخرى هناك من يعيش ملك نفسه طليق و هناك من يعيش مرعوب و كل يوم فى إستجوابات من بعد 11 سبتمبر

كل مكان فيه ده و فيه ده فياريت منجمعش عشان نكون أكثر منطقيه و موضوعيه . :arrow:

**Driver** · 05-06-2007 08:16 AM

اعتذر عن المشاركة....نظرا لسخافة الموضوع والاستفتاء....بغض النظر عما حدث بين الأعضاء....

05-06-2007 01:27 PM

الاستاذشريف سيد انا لم اغضب منك نهائى بالعكس حضرتك ذكرت كلمة فى منتهى الاهمية ومتداولة هنا فى المجتمع الاوروبى وهى انك تعمل معهم ولا تعمل عندهم -وهذة الجملة اكررها لكل من يعمل معى خاصا المصريين منهم نظرا لحساسيتهم المفرطة-واعترف انة كان هناك بعض الردود الغير مناسبة بالمرة على صفحات المنتدى وعذرى انها ردود --وللاسف اصحاب المواضيع يتمتعون بحصانة ممنوع الاقتراب او اللمس-ولكن انا لن ارد مرة اخرى على هذة المواضيع -استاذ حفناوى- بدل ما نبطل كلام فى الموضوع دة ممكن حضرتك تحذفة خاصا وانك على يقين انة كتب بغرض اهانتى--وهناك اتلكثيرين من الاخوة معترضين على صيغة الاستفتاء وهناك من يملك ضميرا حيا وقالها صريحة اننى المقصود يبقى لماذا السكوت ولماذا لم تردوا على شكوايا فى رووم الشكاوى وتركتم من هو ليس مسئول ان يرد--نما الى ذهنى انكم--اى الادارة - تنتظرون لى غلطة حتى تكونون اصحاب حق وتقومون بحذفى من الموقع-ولهذا تتركون صاحب الموضوع يقول ويفعل ما يشاء حتى يتمكن من استفزازى وارد علية بردود غير مناسبة ويكون قراركم وانا لن افعل ذلك مهما حدث--يا ريت تثبت يا استاذ حفناوى عكس ذلك وحضرتك مسئول فى الادارة-ولو انة هناك حل افضل يعفى الادارة من اى احراج وهو نشر رسالة بها قرار حذفى او وقفى او كما تشأون-ونبقى بالطريقة دية ارحنا الاعضاء من وجع الدماغ دة اللى انا واثق انهم زهقوا منة--واذا كان العضو صاحب الموضوع لا يمتلك الشجاعة الادبية ليعلن صراحة اننى المقصود بهذا الموضوع فيكفينى ضمائركم والجميع يعرف انة يقصدنى انا ولا دخل هنا بسؤ او حسن النوايا لان كل شىء واضح منذ عشرة ايام قبل كتابة هذا الموضوع -واعدكم ان اتتنى الفرصة ان اسرد لكم هنا بالتفصيل كيف اعيش فى اوروبا حتى يعرف الجميع اذا كنت عبدا ام اننى انسان حر واعامل بمنتهى الادمية-

**محمدايهاب** · 05-06-2007 01:38 PM

أنا كنت عايش في الامارات و كان الدولة رغم أنها طبقية ( المواطن - الخليجي - العربي - غير العربي) إلا إنها كان كل واحد يأخذ حقه تالت و متلت

**أبو عبدالله** · 05-06-2007 01:43 PM

والله اه احنا مش فالحين الا في الكلام وبس
وانا لست اوجه كلام لأحد بعينه ولكن انا لم أشارك فب هذا الموضوع وانا متابعه من بعيد ولذلك وقع في قلبي ان ده هو حالنا
نتكلم نتلكم نتكلم ................. والمشكله قائمه لم نجد لها حل

انا لست معترض ولا موافق على اللي بنقولوه ولكن هو ده فعلا حالنا نمسك لبعض على كلمه ممكن يكون اللي قالها مش قصده المعنى اللي الناس بتتحاور عليها ولكن زي ما تقول كده مش عارفين نعمل حاجه في اللي قرفنا نقوم نعمل في اللي نقدر عليهم
لمؤخذه ما احنا ممكن واحد مننا يروح في اي مصلحه ويتبهدل ويتنيل ولا أحد يقدر يفتح بقه بكلمه والله ثم والله هذا يوميا يحدث في بلدنا العزيز وكم من شخص أخذ حقه ولا يستطيع ان يفتح بقه ..........

وانا لن انتكلم مره اخرى وارجوا ان لا يزيد الكلام عن حدوده

**memo_hefnawy** · 05-06-2007 03:13 PM

السيد جنيدى بجد أنا مش متصور إن الموضوع كده أساسا و أكيد أستاذ حازم مش يقصد حضرتك بالموضوع لأن مش إنت بس إللى بره مصر ده إنت و أهله نفسهم كانوا بره أو مازالوا و كثير مننا سافر أو أهله سافروا أو مازالوا بالخارج

يبقى أكيد أستاذ حازم مش يقصد المعنى إللى سيادتك فهمته دى واحده

الواحده التانية و المهمه أوى و إللى لازم حضرتك تشيلها من دماغك إن محدش مستنيلك تلكيكه عشان يشطب عضويتك !!
ولا سيادتك ولا غيرك إحنا بنحاول نحافظ على الأعضاء جميعا مش نقللهم !!

أما إللى أنا مش فاهمه ليه حضرتك حاسس بده ؟ محدش مضطهضك ولا حد مستنيك تغلط و لو فعلا كنا عايزين نشطبك كان ده حصل مع المشاكل السابقــة و مش مستهله كل ده
لا إحنا فاضيين للحاجات دى ولا إمخاخنا فيها مكان لأفكار ذى دى نهائى

إللى بيغلط هو إللى بيتحمل غلطه سواء إنت أو غيرك و لا إحنا بنكيل بمكيالين ولا بتلاته وذى ما شكوتك متردش عليها شكوته هو كمان متردش عليها

و عن عدم الرد على شكوتك أو شكوت حازم -- كلا من الشكوتين لم يتم الرد عليهم و ذلك لأن كلا منكما مخطئ و ياريت الموضوع ده إنتم الإثنين تنسوا إللى فات فيه و تبتدوا صفحة جديدة بدل ما الموضوع بوخ أوى و زاد عن حده و شكلكم إنتم الإثنين أصبح مش ظريف خالص لدرجة رد أعضاء جدد بإندهاش عليكم

يبقى عفى الله عما سلف و إنتم الإثنين أكبر من كده و نعدى لبعض الحاجات دى و خلاص

و سبق و وضحت وجهة نظرى فى الموضوع أعلاه مفيش حاجة إسمها إن كل إللى فى مصر أحرار و مفيش حاجة إسمها كل إللى بره مصر عبيد
ماذا و إلا حد يقولى المعتقلات إللى مصر بتعمل إيه !!!! و نفس الشئ حد يقولى جوانتانموا بيعمل إيه و الحوادث و الأدله كثير
و محدش يقول حاجة مطلقه مفيش فى الموضوع ده حقيقه مطلقة و ذلك لوجود كلا النوعين فى الداخل و الخارج