تجربه قياده تيدا .....!

**WalidAdel** · 10-05-2011 02:34 AM

المشاركة الأصلية كتبت بواسطة no comment

بس هتكون من وليد بحكم انه جرب عربيتى قبل كدة ... وكمان لانى مجربتش سواقة الميجان قبل كدة .

لأ كله الا كده اوعي الميجان انا بذات نفسي مش بسوقها ولا حتي باشوفها كمان انما الصني انت تأمر لكن الميجان ماوعدكش خاااااااااالص

المشاركة الأصلية كتبت بواسطة bassamhafez

يا ريت يا وليد ويا احمد نرتب الموضوع في اقرب وقت
13000

انا ماعنديش مشاكل طبعا بس المكان هايبقي في الربوه ولا حاجه علشان تبقي منطقه وسط مابينا كلنا و علي الدائري شارع التسعين مش هايبقي مريح بالنسبالي

المشاركة الأصلية كتبت بواسطة egypt0777

وليد

ممكن تعمل مقارنة بين سواقة الصنى و التيدى

بما انك جربت الاتنين

انت عايز توقعنا في غلط مع الناس بتوع التيدا ولا ايه ياباشا بس بيني و بينك كده صعب بس هاقولك حاجه اسهل شوف في كلامي علو العربيه عامل ايه في السواقه مش هتلاقيه في الصني لان الارتفاع واضح بين الاتنين سواء الارتفاع عن الارض او الارتفاع الكلي و اوعي حد من ملاك التيدا يعرف انا بقوك اهو و بعدين انت اسمك ايه ياعم ايجيبت 0777

**BassamHafez** · 10-05-2011 03:52 PM

المشاركة الأصلية كتبت بواسطة walidadel

انا ماعنديش مشاكل طبعا بس المكان هايبقي في الربوه ولا حاجه علشان تبقي منطقه وسط مابينا كلنا و علي الدائري شارع التسعين مش هايبقي مريح بالنسبالي

ما فيش مشاكل الربوة شغال

شوف امتى وانا جاهز

واحمد جاي ولا الدور الجاي

**egypt0777** · 10-05-2011 09:25 PM

المشاركة الأصلية كتبت بواسطة walidadel

انت عايز توقعنا في غلط مع الناس بتوع التيدا ولا ايه ياباشا
علو العربيه عامل ايه في السواقه مش هتلاقيه في الصني لان الارتفاع واضح بين الاتنين سواء الارتفاع عن الارض او الارتفاع الكلي

[OVERLINE]
اه كده واضح انك حتزعل بتوع التيدا
الطيب احسن
احنا مش قد زعل العمده مننا
[/OVERLINE]
سمك ايه ياعم ايجيبت 0777

[OVERLINE]
تقدر تقلى ابو عبدالله
[/OVERLINE]

**Ali_Abo_Amr** · 11-05-2011 12:07 AM

ايه ده هو ارتفاع العربية بقى عيب ولا ايه يا جماعة ؟؟؟
ده انا شايفه من اكبر مزايا التيدا ...
انا كنت ماشى ورا واحد زميلي معاه سيفيك فى شارع مليان مطبات صناعية وغير صناعية ومطبات لولبية .. مش عايز اقولكم هو صعب عليا قد ايه صراحة ... كان بيعمل افلمانات علشان يعدي المطب ....

**No Comment** · 11-05-2011 12:32 AM

المشاركة الأصلية كتبت بواسطة ali_abo_amr

انا كنت ماشى ورا واحد زميلي معاه سيفيك فى شارع مليان مطبات صناعية وغير صناعية ومطبات لولبية .. مش عايز اقولكم هو صعب عليا قد ايه صراحة ... كان بيعمل افلمانات علشان يعدي المطب ....

آآآه أنت هتقولى ... على الرغم من انى هونداوى لاكن بعض اصحابى اللى معاهم هوندا مبحبش امشى وراهم ابدأ بسبب الموضوع ده .
بس فى مقابل انخفاض العربية ده ... الثبات لا اروع منه على السرعات العالية .

**WalidAdel** · 11-05-2011 02:23 AM

المشاركة الأصلية كتبت بواسطة peaceman

هي الحاجه اللي اخدتها علي العربية هي ان القاعدة في الكنبة الخلفية مريحة جدا جدا لكن معتقدتش انها هتكون مريحة لثلاثة اشخاص بجانب بعض
ولا ايه رأيك ؟

للاسف مجربتش القاعده ورا بس شكل الكنبه مريح حتي لو تلاته انما الصني و عن تجربه 2 شباب و راجل كبير (ابويا) طبعا مقعد ابويا في اليمين علشان انا عارف اللي قاعد في النص هايتعب اوي و فعلا نزل بيقولي العربيه مش مريحه من ورا خااااالص ل 3 افراد

المشاركة الأصلية كتبت بواسطة no comment

بس فى مقابل انخفاض العربية ده ... الثبات لا اروع منه على السرعات العالية .

دي اهم من اني اعرف امشي في المطبات و لازم حاجه فعلا تيجي علي حساب حاجه بس لو جت علي كده انا مش مضايق
بس معلومه كده السيفيك مش واطيه اوي كده لاني ركبتها و سوقتها هو بس الناس بتتخض انها واظيه لكن هيا في العادي انا شوفت واحد راكب سفيك بياخده كروس و العربيه بعيده فحت عن المطب بصيتله كده اللي هو يابني انت بتزاول نفسك و خلاص