نوع الكاوتش

**emadelmahdy** · 19-05-2011 08:41 PM

انا نازل اشترى كاوتش للستبن ومعى ماركة نسر فى 4 عجلات والعربية لادا 2107 موديل 2009 انا مشتر ىها كدة المهم الموضوع انا عايز اعرف الرقم كام بتاع الكاوتش الادا وسعر الكاوتش والنوع الكاوتش بس ميكونش فى اى مشكلة للعربية وشكرا ومنين لو تكرمتوا

**emadelmahdy** · 19-05-2011 11:34 PM

اية الاخبار مفيش رد على الموضوع لية

**tifa55555** · 19-05-2011 11:51 PM

مقاس 13
70/175

**emadelmahdy** · 19-05-2011 11:52 PM

وبعدين الرد يا اهل الخبرة

**blazer** · 20-05-2011 01:03 AM

اشترى اى نوع للاستبن
بس نصيحه متشتريش نسر دا نهاااائى
اى وع تانى احسن منه
ناشف جدا وبيخلى ثبات العربيه صفر وفرامل زباله الزباله
وصوته عالى جدا

**mrastra** · 20-05-2011 02:10 PM

المقاس 13×175×70
الانواع كتير جدا لو لقيت ماكسس ماشي
جى تى
باروم
سوموتومو
اى حاجة ماشي الحال فيها
الاهم هو تاريخ انتاج الكاوتش ودة تعرفة من الرقم اللى بعد كلمة dot وهو بالاسبوع على فكرة

**emadelmahdy** · 20-05-2011 05:02 PM

طيب شكرا على الرد بس عايز اعرف اى نوع كاوتش ممكن يقصر على 4 عجلات فى العربية ول عادى هو اشغالة استبن فقط

**a7madramadan** · 20-05-2011 07:54 PM

يــــا أفندم الإستبن ما بتنزلهوش غير لو لاقدر الله في عجله فرقعت او اتخرمت و بتصلح العجلة البايظة و بترجعة علطول ... مش معمول علشان تشغله كتير أساسا

و كمان نوعه مش هيفرق كتير لإنه المفروض يادوبك تمشي بيه المسافة لحد أقرب بنزينه او متخصص كاوتش ... و بترجع الأصلي ... بس بما إن الناس بتقول بلاش نسر كبر دماغك من النسر خـــالص

أنا شخصيا السنة الجاية او كمان سنة و نصف هأنزل أشتري كاوتش و الغالب هأجيب بريدجستون .. و أنصحك تجيب بريدجستون للعجل الي شغال بيه و الاستبن اي حاجة رخيصة مش هتفرق

**emadelmahdy** · 20-05-2011 10:29 PM

انا مش عارف اقولك اية بس اجابة مفيدة جدا يعنى الاستبن مش هيقصر فى العربية لو حتى رحت لاقرب واحد بتاع تصليح كوتش

**a7madramadan** · 21-05-2011 01:56 AM

بافتراض يعني ان حضرتك لا قدر الله الكاوتش بتاع واحدة من العجلات فرقع ... و العجلات الأربعة من نوع طري شوية و مكتوم الصوت الى حد ما ... والاستبن ناشف عالآخر ... ممكن تتوقع انه يحصل انحرافات خفيفة مع السرعة و الحودانات الكبيرة .... انت اساسا لما تلاقي كاوتش قام ضارب عندك و ركبت استبن بتسوق بالراحة خالص ودي حاجة نفسية مش أكتر بيجيلك احساس انك هتقوم مفجر الأربع كاوتشات في لحظة واحدة ... و ممكن لو انت عارف انك دوست على كمية زجاج فالأرض بتتوقع ان في كسور زجاج ممكن تكون متواجدة بين خطوط باقي العجلات و في احتمال انها تقوم خارماه برضه ... فانت مطلوب منك تهدي شوية بس ما تجريش بسرعة بلا مبرر ... اعتقد قيود السرعة الرسمية كافية جدا جوا البلد يعني 60 كيلو معقول لو ماشي باستبن بس لو لاقدر الله على السريع تاخد حارة يمين و تمشي على 80 ... دا مش جبن بس يعني لو لا قدر الله في كاوتش تاني فرقع في نص طريق سفر مش هيبقى معاك استبن أساسا هتتصل بخدمة الطرق و نجدة وليييلة ....

لو عاوز الكلام المفيد

ما تديش للموضوع أكتر من حجمه ... تكون متأكد كل شهرين من ضغط الاستبن و مايكونش قاعد في العربية سنتين من غير ما يمشي ... و لو عندك كاوتش فرقع هدي السرعة بالراحة خالص بدون كبس فرامل .... وغير الكاوتش بروقان و سوق عالهادي لحد أقرب بتاع كاوتش و صحبتكم السلامة :)

الموضوع: نوع الكاوتش

LinkBack

أدوات الموضوع

عرض

-

-

-

-

المواضيع المتشابهه

الفرق بين الكاوتش التيوبلس و الكاوتش الداخلى و ايهم افضل

الكاوتش انفجر مباشره بعد لحام الكاوتش .. الاسباب ؟؟

ايه الفرق بين الكاوتش الناشف و الكاوتش الطرى و انهى احسن للعربية؟

ايه الفرق بين الكاوتش الناشف و الكاوتش الطرى و انهى احسن للعربية؟

محل الكاوتش اللى فى شارع السودان بيخرم الكاوتش

الكلمات الدلالية لهذا الموضوع

المفضلات

المفضلات

ضوابط المشاركة