الموضوع: هل تستحق عبير ان تسفك الدماء من اجلها؟!!

مش عارف لية كل المصايب اللى حصلت ديما تلاقى واحدة فيها
سوزان. عبير. كاميليا وغيرهم

المشاركة الأصلية كتبت بواسطة نور القمر

عايزيين يمشوه ويجيبوا مين
يمكن ساويرس ؟!!!

يا أستاذة نور واحدة واحدة ... حضرتك برضو صدقتى موضوع ساويرس ده!

يا سيدتى الفاضلة, ساويرس ده بالنسبالنا زى أى حد تانى ... بالعكس فيه مواقف كتير منه كانت مش متوافقة مع الكنيسة ... مش فاهم ليه عاملين منه كده ... محدش من المسيحيين عمره طلب إنه يبقى رئيس وزراء ولا ياخد أى منصب حتى.
عشان هو مسيحى يعنى و غنى! دى مجرد حجة و أقاويل طالعه وسط الشائعات اللى كترت اليومين دول.
طب ما فيه رجال أعمال تانيين و يمكن أقرب للكنيسة و مبيطلعوش كل يوم بآراء غريبة كده لا توافق ديننا .. إشمعنا مسكوا فى ساويرس يعنى؟!

كلنا رافضين تزاوج المال و السلطة تانى ... كفايه اللى شفناه.

و أنا وضحت ليه الناس دى مش عاوزة شرف فى الرد السابق ... واجبنا إننا نقنعهم إن اللى حصل ده مش بسببه.


رسالة للجميع ... كلنا بالردود بتاعتنا و و قناعاتنا المبنية على شائعات حالياً و الإصرار على تصديق أى شىء يقال, بنزود مشكلة الطائفية أكتر.
لو عاوزين نحل يبقى بلاش نصدق كل الشائعات اللى بتتقال و مناخدش الأمور بظاهرها ... كل حاجة ليها ملابساتها
.... لو مش شايفين الحقيقة كاملة يبقى بلاش نكمّلها من دماغنا.

المشاركة الأصلية كتبت بواسطة otefa

كلام مش صحيح
هي لازم تقول نعم وأيوة أنا كنت محتجزة
الحدق يفهم واضح أنها خايفة من الموقف كله خايفة من النيابة وخايفة من الكنيسة
أسمع الفيديو تاني هاتلاقيها واضحة زي الشمس ............كانت محتجزة

أنا جالى الضغط بجد

و كاميليا برضه كانت مرعوبة و خايفة فى الفيديو ... ولا كانت متنومة مغناطيسى يمكن؟!
ليه كل فيديو نطلع فيه العجائب كده
ما هو لو كل حاجة طلعت هنطلعلها حجج, يبقى مش هنوصل لحل خالص! ....

يا ريت كلنا نصبر لحد ما التحقيقات تخلص
و أتمنى بعدها محدش يطلع يقول دول الظباط مرتشين و كده كده هما من عهد العادلى!

المشاركة الأصلية كتبت بواسطة نور القمر

مش دور الافراد ولا بالدراع ولا بالقوة
محدش فوق القانون
عبير اسلمت لقناعتها بالاسلام او للتخلص من زوجها والكنيسة احتجزتها يبقى نبلغ الجهات المختصة
الجهات المختصة تقاعست عن اداء مهمتها يبقى الذنب في رقبتهم
لكن مجمعش الناس وأأجج مشاعرهم واختنا عبير اختنا عبير وهنحرق كل الكنائس
في خطأ حصل من المسلمين يبقى نعترف بخطأنا ومندورش على مبررات ونتلاشاه في المستقبل
موضوع المسلمين والاقباط من اكثر المواضيع حساسية واخطر الفتن في مصر يبقى نبعد عن اي طريق ممكن يوصلنا ليها
قال المصنف رحمه الله تعالى:

قال: حدثني عكرمة، قال: حدثني عبد الله بن عمرو بن العاص قال:

بينما نحن حول رسول الله صلى الله عليه وسلم إذ ذكر الفتنة فقال: «إذا رأيت الناس قد مرجت عهودهم، وخفَّت أماناتهم، وكانوا هكذا. وشبك بين أصابعه. قال: فقمت إليه فقلت: كيف أفعل عند ذلك جعلني الله فداك؟ قال: إلزم بيتك واملك عليك لسانك وخذ بما تعرف، ودَع ما تنكر وعليك بأمر خاصة نفسك، ودَع عنك أمر العامة».

+1111111111111111111111111

من اول أحداث امبابة ...... و انا فى دماغى الحديث الشريف ده

ايام الثورة و موقعة الجمل ...... كان مغرق المنتدى

دلوقتى ولا حد فاكره ولا بيجيب سيرته

من الأخر ...... حكمة الموضوع

لما حد يكلمك و يقولك المسيحيين حابسين مراتى فى الكنيسة عشان اسلمت ...... خده و روح بلغ الشرطة و الجيش

المشاركة الأصلية كتبت بواسطة hobiko

+1111111111111111111111111

من اول أحداث امبابة ...... و انا فى دماغى الحديث الشريف ده

ايام الثورة و موقعة الجمل ...... كان مغرق المنتدى

دلوقتى ولا حد فاكره ولا بيجيب سيرته

من الأخر ...... حكمة الموضوع

لما حد يكلمك و يقولك المسيحيين حابسين مراتى فى الكنيسة عشان اسلمت ...... خده و روح بلغ الشرطة و الجيش

+1

عارف حضرتك لو نص الناس بس عملت بيه ... كل الإحتقان ده هيختفى.
مينفعش كل حد يقول حاجة نصدقها ... أنا عن نفسى لا أصدق أى شىء .... و مش مهتم إنى أعرف الحقيقة فى الأحداث دى و لا اللى فاتت ... لأن ده ظاهر المشكلة فقط و ده مش هنستفاد حاجة من علاجه لأننا لو عالجناه يبقى بنعالج الأعراض مش المرض ... الأحداث دى كلها نتيجة لمشكلة أكبر(الطائفية) لكن غير ظاهرة بوضوح زى الأحداث
المطلوب معالجة المشكلة الحقيقية.

--------------
للى مهتم يقرا دول
Sectarianism - Wikipedia, the free encyclopedia
ط·ط§ط¦ظپظٹط© - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©

و المقال ده موضح كل المشكلة تقريباً فى مصر لكن هو باللغة الإنجليزية فاللى يقدر يقراه أو يترجمه يتفضل ... رغم إنه طويل لكن يستحق القراءة.
http://www.sandmonkey.org/2011/05/10/offensive/

المشاركة الأصلية كتبت بواسطة otefa

يعني لما عبير تقول كنت في بيت تابع للكنيسة ممنوع أفتح شباك أو أطلع من باب البيت معناه أيه!!!!!!!!!!!!!!!!
ماهو المسجون في طرة بيقدمولو أكل وشرب وبيلعب رياضة كمان بس في الأخر مسجون(محتجز)

معناه ممكن برضه يكون إن أهلها (اللى أكيد مش عاوزينها تغير دينها زى كل الأهالى فى مصر مسلمين و مسيحيين) .. ودوها البيت ده عشان يمكن ترجع عن رأيها.
و هى فى البيت ده ولا إتعذبت و لا غصبت على شىء.

ممكن أسألك سؤال معلش لو هيضايقك.
لو فيه سيدة من عائلتك (أكتر من 21 سنة) طلبت تحول للمسيحية, أهل حضرتك هيسيبوها كده عادى؟!
مش عاوز إجابة ... بس الإجابة يمكن توضح لحضرتك ايه اللى ممكن يكون حصل فعلياً