الموضوع: هل تستحق عبير ان تسفك الدماء من اجلها؟!!

لا واتفرجو على حلقة ابراهيم عيسى امبارح الى كان جايب فيها الشيخ الى كان مسئول عن عقود اشهار الاسلام فى المشيخة وكلامة الى قال فية ان حوالى 60 % من البيشهرو اسلامهم بيكون حلا لمشكلات اجتماعية زى العاوز يخلص من مراتة مثلا او طمع فى حاجات مادية ( بيبقو فاكرين انهم هياخدو فلوس وشقة والى ما ذالك و حاجات تانية لو دخلو الاسلام ) وعلى الجانب الاخر ذكر انة فى دراسة للدراسات العليا قرا او درس كتاب عن التبشير والاستشراق كتبة شخص مسئول عن التبشير فى الشرق الاوسط كلة قال اننا انفقنا كثير من المال فى دعوتنا للدين المسيحى و معظم الى غير ديانتة الى الديانة المسيحية كان لسبب من اثنين
1- يا اما مالوش دين اصلا ولا يفرق معاة يبقى دينة اية
2- او شخص مش اشخاص معدمين الهدف من اتباعهم للدين انة عاوز فلوس وخلاص

يعنى الخلاصة الموضوع كلة على بعضة مش حقيقى والقليل بس هما الى بيغيرو دينهم عن اقتناع وفهم ودراسة

يعنى القصة قصة تعصب على الفاضى

وارجو من الناس المتشددة من الجانبين لا دخول شخص للاسلام او المسيحة هيزود ولا ينقص

وفى الاخر احنا عاوزين نعيش فى بلدنا ونربى ولادنا ونعبد ربنا سواء مسلم ولا مسيحى وبلاش التشدد الاعمى الى مالوش لزمة

كنا فى وفاء قسطنطين وكامليا وبعدين عبير والدور جاى على مين ان شاء الله سوسو ولا نادية ولا اية كفاية بقى

وحاولو تتفرجو على الحلقة دة للى مشفهاش لانى عن نفسى حسيت ان اول مرة يطرح الموضوع بالجراة والصراحة دى

الى بينت الامور والمشكلة اكتر

وشكرا




وشكرا

المشاركة الأصلية كتبت بواسطة ahmedbatoos

اقسم برب الكعبة . . الي راحوا للكنيسة راحوا بعد استنجاد جوزها المسلم الي متجوزها عرفي لحد ما تخلص اوراق فك الارتباط بزوجها النصراني من مسجد جمب الكنيسة
اقسم بللة وكل شهود العيان ووزير الداخلية قالوا احنا قبل ما نروح اتصلنا بلشرطة وكانت معانا قوة صغيرة

واسمعوا شهادة حتي المتحدث باسم الداخلية

الفتنة الي عملها المتطرف والارهابي الي بيستخدم العنف . . مش الي بيطلع في مظاهرات متحضرة وبكل سلمية اي كان مطلبة . . ومطلبة في قمة العدل واحدة نخطوفة !! فين ادعياء حقوق البتنجان !!! الي قارفين دماغنا بحجاب النبت والست تبقي رئيس والست تبقي مش عارف اية !!!


شوية انصاف . . . مين الي سبب الفتنة الناس الي راحت علي نجدة واحد ميعرفهوش بكل احترام ومعاهم الشرطة ولا الي ضرب نار في المسلمين !!!!

ومفيش فخ ولا حاجة الفكرة كلها في الفخ الاعلامي الي مبيخلص الجهلانين العرب وسذاجة عقولهم واهدافهم . . اي مشكلة حتي لو مش طائفية بيهاجموا التيار الاسلامي وخلاص . . كل هدفهم تشوية الاسلام والمسلمين . . .

بعدين محدش لية بيتكلم عل يمظاهرات ماسبيروا برغم العنف الي حصل فيها
محدش لية اتكلم علي مظاهرات النصاري الدائمة علي اختفاء زوجات الكهنة من ايام عهد مبارك وينادوا بتدخل امريكا و و و وكان كلة عادي وجميل ومش مهم لكن مسلم يطلع لقضية عادلة بكل وطنية واحترام يبقي عايز فتنة !!1

دة ساويرس المتطرف العميل طلع يقول المسيحين كدة هيتسلحوا ومحدش اتكلم عبد المسيح بسيط القمس قال نفس الكلام المسيحين كدة هيتسحلوا وكلة بيعدي وكلة في سبيل مليارات الدولارت الي بتدخل مصر من جمعيات تبشيرية او مجلس الكنائس العالمي او او . . وكلها سبوبة وتورتة كبيرة كلة بياكل منها

طيب ما النصاري بيتظاهروا في اسكندرية ويعتدوا علي المارة المسلمين بقاهلم 3 ايام !! ولا حس ولا خبر ولا الاعلام اتكلم طبعا لان الفاعل غير مسلم

لو الفاعل مسلم كان العالم كلة اتحرك !!!


اللهم اهلك كل من اراد بلمسلمين سؤ . . اللهم وحد صفوف المصرين الشرفاء اي كان دينهم

مشهد من امبابة

يا سيدى الفاضل تخيل معايا المنظر دة كدة فى خيالك الاخ الى واخد اصحابة وقوة من الشرطة بكل ادب واحترام ورايحين على كنيسة فى منطقة شعبية زى امبابة ومعظم الى فى الشارع وشيفنهم وهما رايحين ودخلين على الكنيسة ناس جهلة وانصاف متعلمين وسواقين تكتك والشباب الصيع الى على النواصى الى مش لقين حاجة يعملوها غير شرب المخدرات والناس الى فى المناطق الشعبية المزدحمة الى الحل والربط عندهم بالصوت العالى والخناق ومبدا القوة وانت عارف المناطق الشعبية دى عاملة ازاى وسهل جدا جدا يحصل فيها خناقة ولما يشوفو خناقة الكل بيبقى عاوز يجامل الناس و تتلم بكل سهولة وكلمة من هنا وكلمة من هنا خلاص ولعت الحكاية


وخد بالك كويس قوى انا بحكى فى المشهد مش رايحين لية اصلا ولا اية المشكلة ولا مسيحى ولا مسلم ولا غيرة


بالله عاليكو اقرو الى انا كتبة دة وتخيلو المشهد هيبقى عامل ازاى

المشاركة الأصلية كتبت بواسطة أشرف العدوي

للأسف معلومات حضرتك بالنسبة للموضوع ده مغلوطة إلى حد ما
لان محدش اجج مشاعر حد محدش جمع الناس و قال أختنا عبير و هنحرق كل الكنائس
الموضوع كان في الاول ماشي منطقى و على اكمل وجه
شيخ قابل قسيس و الشيخ بلغ ان في واحدة في الكنيسة و راحو الكنيسة و حصل الي حصل و واضح انه كان مدبر و الدليل على كدة انهم في الكنيسة رفضوا يدخلوا قوة الشرطة كلها و دخلوا واحد بس !!!!!!!!!!!!!!!!!!!!
و بعد كدة ضرب النار من الجانب المسيحي ابتدى

علشان الموضوع يتحل و الفتنة تنتهي لازم كل الامور توضح و بالبلدي كدة الورق كله يبقى مكشوف و اللي ليه حدق ياخده .

لا حضرتك تأجيج مشاعر المسلمين بدأ من قبل عبير بفترة
كاميليا المختفية من 9 شهور كل الناس افتكرتها في الفترة الحرجة دي في مصر !!
القنوات الفضائية الصحف ومواقع النت والاعتصامات امام الكاتدرائية لموضوع كاميليا كان تأجيج لمشاعر المسلمين
وجات عبير كانت بمثابة الشرارة على البنزين
اشهر شيخ بامبابة وهو نفسه قال في الفيديو التاني ان كلمته مسموعة ومؤثرة في اهل امبابة هو اللي قال منبقاش رجالة لو محرقناش كل الكنائس
صحيح هو صور الفيديو ده بعد المجزرة ما تمت بس في كل الاحوال موقف يتحسب ضدنا وبلاش ندافع عن الغلط او نبرره احنا ممكن نلتمس العذر لثقتنا في حسن نوايا المتجمهرين