هل تستحق عبير ان تسفك الدماء من اجلها؟!!

**heshamzaky** · 11-05-2011 02:13 PM

المشاركة الأصلية كتبت بواسطة نور القمر

ياريت نسمع الفيديو تاني
عبير زهقت من جوزها وملقتش حل غير بتغيير الديانة
وهربت من بلدها مع ياسين
عبير قالت ان ياسين مش جوزها
ومتفقين على الجواز بعد ما تخلص اجراءات الطلاق من جوزها المسيحي
يعني الشخص اللي استنجدت بيه وهي محبوسة واللي لم الناس لا هو جوزها ولا يمت لها بصلة

على فكرة انا كنت قلت من فترة ان ابن عمي تزوج مسيحية
ومجتش فرصة ان احكي تطورات زواجهم
اتجوزوا عرفي من اهل الطرفين
اهلها عرفوا الاول حالوا يخلوا الولد يتنصر والحمد لله كان اقوى منهم ورفض
وبعدها اهله عرفوا وخافوا عليه ليضعف امام اغرائاتهم المادية
حاولوا يقنوعه بتركها رفض هو والبنت وكانوا متمسكين ببعض
فلحل المشكلة البنت اشهرت اسلامها واتحجبت وتزوجوا شرعي واهلها تبرأوا منها وخبوا الموضوع عن كل الناس خوفا عليها من الكنيسة
بعد شوية البنت زهقت من العيشة ولقت ان الحب مش بيأكل عيش حاف
سابت الولد ورجعت لاهلها ولدينها !!!!

طب معلش سؤال صريح وواضح . هل الموضوع كان مستاهل كل الى حصل فى أمبابة أو غير أمبابة .
أنا الى اعرفة ان الى بيغر ملتة يبقى عن اقتناع تام و لازم يكون قارىء جيد جدا و لقيت ردود أن محدش دخل فى قلبها و عرف نيتها ما الست كلامها واضح جدا واحدة عاوزة تتطلق و عندها مشاكل تقوم تغير ديانتها علشان تتطلق و بعدين يحصل مشكلة
مش قصة عبير كدة و لا أنا فاهمها غلط

**windofchange** · 11-05-2011 03:01 PM

المشاركة الأصلية كتبت بواسطة عمرو عمارة

سبحان الله العظيم !!!

تركنا الجاني ونستجوب المجني عليه...بل ونستنكر عليه أيضاً !!!

أصبح الإعلام كالسوس في عقول الناس

وهل دخل الصحابة والعبيد وأهل قريش الإسلام في عهد نبينا محمد صلى الله عليه وسلم بعدما قرأوا عن الإسلام وتقفوا فيه ؟...أم وجدوا في الإسلام العدل والمسواه والسماحة......ألم يدخل عبيد قريش الإسلام لما وجدوا فيه لهم من الحرية والعدل وخرج منهم الصحابة والفرسان والمجاهدين

ولو إفترضنا صدق هذا الكلام......عبير ببساطتها وفطرتها السليمة وجدت بالإسلام الحرية من قيود الظالمة المفروضة عليها......وجدت العدل في قضيتها.......سبحان الله !!!....أليس الإسلامُ دينُ عدلٍ وحرية للبشرية !!!؟؟

ولكن الإعلام القذر والقائمين عليه ألبسوا هذه القضية لباس المكر والخبث والدهاء ليصبح شعارها " هل تستحق عبير كل هذا من سفك دماء الأبرياء "
وبداء في قلب الرأي العام ضدها بهذا الشعار الخبيث

تركنا السبب والمسبب في المشكلة وإستنكرنا على الضحية
كان الأحق القول لها " إنتي إيه إلي خاليكي تخشي في الإسلام....هو الإسلام ناقص "
إنا لله وإنا إليه راجعون

ماشاء الله عليك يااستاذ عمرو الله يبارك فيك ويفتح عليك وفعلا وللأسف احنا كمسلمين محتاجين نزود ايماننا بدل بمنهاجم اخواتنا من غير حتي منتأكد ونشوف هما كانوا صح ولا غلط بننسي الهجمة الشرسة اللي فالاعلام علي ديننا ولكنها ليست صريحة لأن الشيطان مش بيجيللك مرة واحدة ويقلك اكفر لأ خطوة خطوة لغاية مالناس تكره الملتزمين بالدين او المسلمين عموما او نفسهم كمسلمين
وده رابط يثبت انها اسلمت فعلا http://www.facebook.com/photo.php?fbid=191966234183198&set=a.1830103617454 52.40542.179369898776165&type=1&ref=nf#!/photo.php?fbid=191966234183198&set=a.1830103617454 52.40542.179369898776165&type=1&pid=515756&id=1793 69898776165

**heartbreaker** · 11-05-2011 03:02 PM

المشاركة الأصلية كتبت بواسطة heshamzaky

طب معلش سؤال صريح وواضح . هل الموضوع كان مستاهل كل الى حصل فى أمبابة أو غير أمبابة .
أنا الى اعرفة ان الى بيغر ملتة يبقى عن اقتناع تام و لازم يكون قارىء جيد جدا و لقيت ردود أن محدش دخل فى قلبها و عرف نيتها ما الست كلامها واضح جدا واحدة عاوزة تتطلق و عندها مشاكل تقوم تغير ديانتها علشان تتطلق و بعدين يحصل مشكلة
مش قصة عبير كدة و لا أنا فاهمها غلط

يا باشا قصة عبير كده و نص كمان و معلش يعني اللي عاملي فيها بتاع حقوق انسان و بيدافع عن حرية العقيدة يروح يجيب اللي هدوا كنيسة صول و يحاكمهم الأول !!!!

**heshamzaky** · 11-05-2011 03:09 PM

المشاركة الأصلية كتبت بواسطة heartbreaker

يا باشا قصة عبير كده و نص كمان و معلش يعني اللي عاملي فيها بتاع حقوق انسان و بيدافع عن حرية العقيدة يروح يجيب اللي هدوا كنيسة صول و يحاكمهم الأول !!!!

أنا مش بقول عن حقوق أنسان و لا عن هد كنيسة أو جامع .
الى بسأل علية لماذا أسلمت تلك السيدة لان أسلامها لا حا يزود المسلمين و لا حا ينقصهم
الى بقصدة قبل أتخاذ خطوة زى دى من شخص لازم يكون قرأ الانجيل كويس جدا جدا و قرأ المصحف كويس جدا جدا و بعد كدة يختار لكن مش علشان تهرب من مشكلة أجتماعية تغير ديانة و بعد كدة تحصل مشكلة ما بين مسلمين و مسيحين
العنف مبدأ مرفوض تماما من أى جانب من الطرفين

**otefa** · 11-05-2011 03:11 PM

المشاركة الأصلية كتبت بواسطة heshamzaky

طب معلش سؤال صريح وواضح . هل الموضوع كان مستاهل كل الى حصل فى أمبابة أو غير أمبابة .
أنا الى اعرفة ان الى بيغر ملتة يبقى عن اقتناع تام و لازم يكون قارىء جيد جدا و لقيت ردود أن محدش دخل فى قلبها و عرف نيتها ما الست كلامها واضح جدا واحدة عاوزة تتطلق و عندها مشاكل تقوم تغير ديانتها علشان تتطلق و بعدين يحصل مشكلة
مش قصة عبير كدة و لا أنا فاهمها غلط

ياهشام بيه مش مشكلتنا خالص أسلمت عن قناعة أو لسبب ما المهم أنها أسلمت
وبعدين القضية أكبر من أسلامها أو مسيحيتها
القضية أرهاب وتقييد حريات حتى لو كانت مسيحية فهي أنسانة حرة وتقييد حريتها لايتم ألا بأمر قضائي غير كده ده أسمه فتونة على الدولة
وشوف الموضوع ده هايوضح جذور المشكلة منين وحل الجزئية دي مش في أيدينا لأننا لانتدخل في أديان الأخرين هم أدرى بالحلول الممكنة لقضاياهم
http://www.nilemotors.net/Nile/218727-a.html

**windofchange** · 11-05-2011 03:11 PM

طبعا اللي هددوا كنيسة صول من المسلمين(جاهل بدينه) لازم يتحاكموا باسرع وقت والقانون علي رقبة الكل وده اللي مكنش موجود في عهد البائد مبارك

**otefa** · 11-05-2011 03:16 PM

المشاركة الأصلية كتبت بواسطة windsofchange

طبعا اللي هددوا كنيسة صول من المسلمين(جاهل بدينه) لازم يتحاكموا باسرع وقت والقانون علي رقبة الكل وده اللي مكنش موجود في عهد البائد مبارك

**نور القمر** · 11-05-2011 03:17 PM

وهل من الايمان المزايدة على ايمان الاخرين او الاتهام بكراهية الملتزميين دينيا لمجرد الاختلاف في الرأي !!!!

**heshamzaky** · 11-05-2011 03:18 PM

المشاركة الأصلية كتبت بواسطة otefa

ياهشام بيه مش مشكلتنا خالص أسلمت عن قناعة أو لسبب ما المهم أنها أسلمت
وبعدين القضية أكبر من أسلامها أو مسيحيتها
القضية أرهاب وتقييد حريات حتى لو كانت مسيحية فهي أنسانة حرة وتقييد حريتها لايتم ألا بأمر قضائي غير كده ده أسمه فتونة على الدولة
وشوف الموضوع ده هايوضح جذور المشكلة منين
http://www.nilemotors.net/nile/218727-a.html

فاهم قصدك يا باشا بس الى عاوز أوضحة . لو السيدة دى مقتنعة تماما ب اسلامها و اسلمت عن قناعة تامة و حصل أكراة لها يبقى دة غلط و مش مفروض يحصل
أنا مش ببص للأمر من زاوية واحدة بس من عدة زوايا لو هى مقتنعة تماما و اسلمت لانها تريد اعتناق الدين الاسلامى عن قناعة أقول ماشى كدة أحميها بس فى حالت السيدة أنا حاسس أنها واحدة سيدة مسيحية عاوزة تتطلق و تخلص من جوزها و لآن المسيحية لا تسمح ب الطلاق راحت قلبت الموازين و اسلمت علشان تهرب من مشكلتها خالص و يبقى مستحيل الجواز بتاعها يستمر
لكن لو هى أسلمت لانها عاوزة الدين الاسلامى لحبها فى هذا الدين و متمسكة بة حا أكون فى صفها ان مفيش حد يجبرها على العودة مرة أخرى و اقول هى أسلمت عن قناعة تامة
و مش معنى كلامى أنى بقول ترجع للمسيحية تانى و مالناش دعوة بيها

الكلام الى بقولة بناء على الكلام الى الست قايلاة بلسانها مش أفتراض منى بنيتها

**otefa** · 11-05-2011 03:26 PM

((فاهم قصدك يا باشا بس الى عاوز أوضحة . لو السيدة دى مقتنعة تماما ب اسلامها و اسلمت عن قناعة تامة و حصل أكراة لها يبقى دة غلط و مش مفروض يحصل))

أحتجازها رغما عن أرادتها هو جوهر موضوعي لايجوز سواء كانت مسيحية أو مسلمة
حلينا قضية تجاوز القانون بأحتجاز الناس بدون وجه حق يبقى مش هايبقى في حاجة أسمها أكراه جسدي وهايبقى حرية الأديان مكفولة 100% ويبقى قفلنا أحد الأبواب الرئيسية للفتنة