مشكلة عندي في الكمبيوتر جننتني ... ياريت تفكروا معايا

**MRBEBO** · 14-05-2011 11:47 PM

المشاركة الأصلية كتبت بواسطة AmAhmed

المشكلة ممكن تكون بسيطة جدا كتغير احد كابلات الهارد او اكبر شوية و تحتاج تغير جزء اكبر سواء هارد او رامة او ماذربورد او باور سبلاي
لكن المؤكد نتيجة ظهور المشكلة قبل تحميل الويندوز ان لا علاقة لها بالسوفت وير و انها محصورة في الهاردوير

عن طريق حاجة اسمها Process of elimination
حتختبر جزء جزء من الهاردوير و تشيله من الجهاز و تشوف مدي استقرار الجهاز
و انصح انك تبدأ بعمل bios restore default ثم تعيد ضبطها من تاني

لو معملش حاجة و لسه فيه مشاكل فك الهاردين و شغل الجهاز لو بيشتغل باستقرار و بيدور علي الهاردات علشان يكمل تحميل
ركب هارد واحد لو رجعت المشكلة يبقي المشكلة محصورة في الهارد او الكابلات او البورت بتاع البوردة جرب تغيرهم مع الهارد التاني لحد ما تحاصر سبب المشكلة

طبعا حيساعد كتير في عملية الاختبار وجود جهاز تاني او قطع غيار يمكن تبديلها لمعرفة فيين القطعة المعيبة

علشان تختبر الباور سبلاي قلل الاحمال عليه بانك تفك كل شئ فرعي مالوش لازمة في الجهاز سواء سواقة اقراص او مرواح او كروت اضافية
و تشغل الجهاز بكارت الشاشة او بالكارت المدمج لو موجود في البوردة و هارد واحد لو حصل استقرار يبقي الباور علي اخره و مش قادر يطلع قدره اكبر و بتغييره تتحل المشكلة
و متابع معك اي تطورات في المشكلة

البيوس خلاص انا مستبعده

المشكلة اني مش عندي كابلات ساتا اضافية ... ممكن اعرف تمن الكبل كام ؟؟

الباور hec انا مستبعد يكون السبب نهائي لاني انا مضفتش اي اجهزة جديدة ممكن تكون عملت حمل على الباور

**MRBEBO** · 14-05-2011 11:51 PM

المشاركة الأصلية كتبت بواسطة aly_hosny

ركز مع الهارد
لو لاقيته بيفصل باور لحظة كدا و يقوم يبقى بوردته فيها مشكلة "غالبا دي سبب المشكلة لانها حصلت عندي"
الهارد بيقوم صوته يروح و يرجع مرة واحدة و لو دا حصل على اللوجو بتاع الويندوز و هو بيحمل هتلاقي وقف ثواني كدا و قام عامل ريستارت
و لو عملها في ال ستارت اب في الاول خالص هتلاقيه طول اوي و اوقات يدخل و اوقات لا
ولو عملها و الويندوز شغال هتلاقي كل حاجة في الكمبيوتر وقفت دقيقتين تلاتة "دا لو الهارد ال عليه الويندوز هو ال فيه المشكلة"

يا باشا هل معقول الهاردين باظوا في نفس اللحظة

لانه ساعات الاتنين مش بيتشافوا الا بعد الريستارت

فمستبعد انه يكون هارد لان على الاقل كان واحد هو اللي هيبقى عامل المشكلة

**AmAhmed** · 15-05-2011 12:05 AM

المشاركة الأصلية كتبت بواسطة mrbebo

البيوس خلاص انا مستبعده

المشكلة اني مش عندي كابلات ساتا اضافية ... ممكن اعرف تمن الكبل كام ؟؟

الباور hec انا مستبعد يكون السبب نهائي لاني انا مضفتش اي اجهزة جديدة ممكن تكون عملت حمل على الباور

اغلي كابل ب 5 جنيه
مش معقول بالفعل الاتنين باظوا في نفس الوقت الا في حالات نادرة و ان شاء الله ما تكونش حصلت عندك
علشان كده انت تجرب هارد واحد في كل مرة
و تبدل كابلاتهم مع بعض
يعني شغل اللي عليه السيستم و لو مش مستقر بدل بكابل الهارد التاني
او جرب تنزل سيستم علي الهارد التاني

**MRBEBO** · 15-05-2011 12:13 AM

المشاركة الأصلية كتبت بواسطة AmAhmed

اغلي كابل ب 5 جنيه
مش معقول بالفعل الاتنين باظوا في نفس الوقت الا في حالات نادرة و ان شاء الله ما تكونش حصلت عندك
علشان كده انت تجرب هارد واحد في كل مرة
و تبدل كابلاتهم مع بعض
يعني شغل اللي عليه السيستم و لو مش مستقر بدل بكابل الهارد التاني
او جرب تنزل سيستم علي الهارد التاني

الهارد اللي شغال عليه بشكل دايم الهارد 160 وعليه xp

والتاني انا منزل عليه 7 بس مش بدخل عليه الا نادرا

**mrwho1982** · 15-05-2011 12:14 AM

الناس ماسابش حاجة اقولها

بص يا سيدس في هارد عندك عامل مشكلة

قولي انت مركب هارد نوعو ايه او نوع الهاردات اللي عندك

وعلشان نقطع الشك باليقين

افصل الهاردين بور وشغل الجهاز لو الجهاز موقفش عند اللوجو بتاع المازر بورد

كده يبقي انت في مشكلة في هارد من الهاردات اللي عندك وبص علي كابلات باور الهارد ممكن تكون يتسقط باور

**MRBEBO** · 15-05-2011 12:18 AM

المشاركة الأصلية كتبت بواسطة mrwho1982

الناس ماسابش حاجة اقولها

بص يا سيدس في هارد عندك عامل مشكلة

قولي انت مركب هارد نوعو ايه او نوع الهاردات اللي عندك

وعلشان نقطع الشك باليقين

افصل الهاردين بور وشغل الجهاز لو الجهاز موقفش عند اللوجو بتاع المازر بورد

كده يبقي انت في مشكلة في هارد من الهاردات اللي عندك وبص علي كابلات باور الهارد ممكن تكون يتسقط باور

يا باشا موضوع الوقوف على اللوجو مش مستمر ده مرة ومرة

يعني مرة افتح يفتح عادي جدا

ومرة يوقف اعمل ريستارت يشتغل كويس

بجد انا اتخنقت منه على الاخر

الهارد 160 ماكستور والهارد ال 500 ويسترن

**dr.hazem** · 15-05-2011 12:26 AM

اخي العزيز
ممكن تكون كل المشكله في كبلات الداتا وكبلات البور
ودي بتعمل كده وابو كده كمان وحصلت معايا زمان في جهاز عندي
وانا برضو كان الباور بتاعي hec وعمل الحوار ده بعد 5 سنين شغل لكن اول عن آخر عملها وكل اللي عملته اني ظبطت كبلات البور عن طريق بنسه صغننه عدت على البنات بتاعة كل كبل (الكلام ده لكبلات الباور الداتا مش الساتا) ونظفت ريش الهارد اللي بيركب فيها البور

وكبلات الداتا ملهاش علاج ترميها وتجيب غيرها والكيبل كله ب جنيه ونص في باب اللوق مش هيزيد عن 5 جنيه لو هتجيبه من جنب البيت ومش هيخسر حاجه لو جربته

واخيرا اتأكد ان مروحة البروسيسور شغاله وسليمه وبتلف كويس
باذن الله المشكله هتكون محصوره في حاجه من دول

تحياتي