بخصوص شكوى غلاء قطع الغيار .. الكل يدخل

**wassim_nasser** · 18-05-2011 03:16 AM

طيب ياجماعة مادمنا متفقين علي المبدأ انا عندي فكرة كويسة ممكن نجربها .. الفكرة دي انا اتعلمتها من الاخوة المحترمين اللي في قسم بروتون .. احنا نرشح 4 أو 5 اعضاء من وحوش اللوجان يتكلموا بإسمنا كأعضاء نايل موتورز (وأحنا برضه مش قليلين و بنجبلهم زباين جدد للوجان) و الاعضاء اللي هاننتخبهم يروحوا التوكيل يجتمعوا بالمهندسين المسئولين عن قطع الغيار في وجود واحد من رؤساء eim زي الباشمهندس خالد نصير (صاحب التوكيل) و نتناقش في موضوع اسعار قطع الغيار والمصنعيات .. بيتهيألي كده ممكن نوصل لحل

**MOUSTAFA_SAAD** · 18-05-2011 08:01 AM

المشاركة الأصلية كتبت بواسطة wassim_nasser

طيب ياجماعة مادمنا متفقين علي المبدأ انا عندي فكرة كويسة ممكن نجربها .. الفكرة دي انا اتعلمتها من الاخوة المحترمين اللي في قسم بروتون .. احنا نرشح 4 أو 5 اعضاء من وحوش اللوجان يتكلموا بإسمنا كأعضاء نايل موتورز (وأحنا برضه مش قليلين و بنجبلهم زباين جدد للوجان) و الاعضاء اللي هاننتخبهم يروحوا التوكيل يجتمعوا بالمهندسين المسئولين عن قطع الغيار في وجود واحد من رؤساء eim زي الباشمهندس خالد نصير (صاحب التوكيل) و نتناقش في موضوع اسعار قطع الغيار والمصنعيات .. بيتهيألي كده ممكن نوصل لحل

هو ده الكلام الصح والموضوع ملهوش علاقه بالاقدميه فى القسم لكن عاوزين ناس من اللى بتعرف تتحاور وتتكلم بدون عصبيه وبياخدوا وبيدوا فى الكلام بس لازم يكون الكلام ده بسرعه والموضوع سخن قبل ما الليله تبرد

**faresattar** · 18-05-2011 10:06 AM

المشاركة الأصلية كتبت بواسطة moustafa_saad

على فكره انا طلعت باعت الشكوى بس نسيت لانى دخلت على الايميل اددلوقتى لاقيت رساله ليهم من واحده اسمها نهى حسين بتطلب رقم تليفونى علشان تكلمنى وبتسال على اسعار قطع الغيار اللى بقول عليها غاليه
فشوف انت عاوزنى اقولها على ايه واكتبلى المكونات واسعارها
وبعدين ايه رايك اديها تليفونى ولا لا

تمام يا استاذ مصطفى .. هي نفسها اللي بعتتلي برضه وعلى فكره هي (سينيور) يعني المفروض انها موظفه مهمة في التوكيل ـ لما تكلمك فهمها ان الشكوى عامة من المنتدى مش شكوى خاصة ... وان زمايلنا في المنتدى بيقولوا ان علبة الدريكسيون بـ 7700 جنيه والكوبلن بـ 3600 جنيه .. وطبعاً الكلام ده مينفعش لعربية في الفئة السعرية دي ... لازم يكون فيه تصرف من الشركة بإيجاد بدائل رخيصة لقطع الغيار لو حتى من دولة تانية .. وشكرا لمتابعتك

**faresattar** · 18-05-2011 10:10 AM

المشاركة الأصلية كتبت بواسطة zico900

انا عملت زيك كده من اسبوع و حصل لي نفس الحصلك و كلمتني النهارده و قالتلي ربع ساعه و اخلي مدير مش عارف اه بتاع قطع الغيار يكلمك (استاذ محمد غالبا) و كلمتني بعديها قالتلي هيكلمك بكره علشان مجاش انهارده و تعبان....لما نشوف اخرتها

تمام ... أنا متابع وياريت تبقى تقولنا ردوا عليك قالولك ايه .. وكمان فهمهم ان الشكوى عامة من المنتدى علشان يتحركوا ..

**faresattar** · 18-05-2011 10:13 AM

المشاركة الأصلية كتبت بواسطة mosomodo

محترمين او مش محترمين ده مش مشكلتنا - مشكلة ارتفاع اسعار قطع الغيار و المصنعية فى التوكيل عايزة معالجة موضوعية من الوكيل و رد مباشر علينا بخطط مستقبلية على المدى القصير لتوفير قطع الغيار باسعار مناسبة لنا مع تخفيض المصنعية الغالية بتعتهم فورا و اعتقد ده مالوش دعوة بالدولار مع تحسين مستوى الخدمة.

وكدة كلنا هنحلف كمان انه توكيل محترم.

أصلي ....

**wassim_nasser** · 19-05-2011 01:20 AM

مش عارف ليه مش قادر أبلع حكاية التليفونات دي ! اعتقد اننا في الاخر لازم نختار أعضاء مننا يروحوا يناقشوا المسئولين عن التوكيل لأن غالبا السنيور هو شخص مكلف بجمع معلومات عن المشكلة عشان يردوا علي رينو فرنسا يعنى يأمنوا روحهم مش عشان خاطر سواد عيوننا .. عموما خلينا ورا السنيور (ولا اقول السنيورة) لحد باب التوكيل

**faresattar** · 19-05-2011 02:00 PM

المشاركة الأصلية كتبت بواسطة wassim_nasser

مش عارف ليه مش قادر أبلع حكاية التليفونات دي ! اعتقد اننا في الاخر لازم نختار أعضاء مننا يروحوا يناقشوا المسئولين عن التوكيل لأن غالبا السنيور هو شخص مكلف بجمع معلومات عن المشكلة عشان يردوا علي رينو فرنسا يعنى يأمنوا روحهم مش عشان خاطر سواد عيوننا .. عموما خلينا ورا السنيور (ولا اقول السنيورة) لحد باب التوكيل

أنا مكنتش عاوز اخرج على الموضوع الرئيسي .. بس عاوز اصحح معلومات سيادتك .. إن الـ Senior في الشركات الـ Multinational ـ يعني رئيس قسم في الشركات الحكومية ... والوظائف في الشركات الكبيرة بتترتب كالتالي :
الـ Chairman ـ يعني العضو المنتدب
الـ Manager ـ يعني المدير
الـ Senior ـ رئيس القسم
الـ Leader ـ قائد فريق العمل
الـ Spicialest ـ أخصائي
الـ Technician ـ فني

الـ Helper ـ يعني مساعد
الـ Operator ـ يعني عامل

عموما سياسة الحكومة حالياً تطوير الصعيد ... واكيد الشركات الكبيرة هاتدخل الصعيد وهاتعرف الحاجات دي

وسلملي على السنيورة

**m7mod68** · 19-05-2011 02:20 PM

المشاركة الأصلية كتبت بواسطة moustafa_saad

هو ده الكلام الصح والموضوع ملهوش علاقه بالاقدميه فى القسم لكن عاوزين ناس من اللى بتعرف تتحاور وتتكلم بدون عصبيه وبياخدوا وبيدوا فى الكلام بس لازم يكون الكلام ده بسرعه والموضوع سخن قبل ما الليله تبرد

أتفق مع حضرتك تماما