بخصوص شكوى غلاء قطع الغيار .. الكل يدخل

**harizy** · 23-05-2011 05:38 PM

الدعاية السلبية دى طريقة شمشون يعنى {على وعلى أعدائى} ........... {لا إحنا ولا هما} ......... إذا كانوا مش عايزين يتفاهموا بالعقل ويعترفوا بالواقع يبقى مفيش قدامنا غير كده نهد المعبد.
وهما الخسرانين كمان وأكثر مش إحنا بس.

**hysagm** · 23-05-2011 09:02 PM

طيب ليه منعملش وقفه احتجاجيه امام التوكيل ولو قريتو الجريد المصرى اليوم كانو جيبين خبر عن وقفه احتجاجيه امام توكيل كيا علشلن العربيات السراتو الى بتتسرق وبيتهمو االتوكيل بتهريب شفره المفتاح يعنى الحرامى جى بمفتاحه المهم الوقفه شكله حلواحنا كمان نقف قدام توكيل العبور والمقطم ومحدش يعمل حاجه غير انه يجى بعلابيته ويفتح الكبوت ةيكتب يفطه على الماتور لو بوظت اصلحك بكام

**MOUSTAFA_SAAD** · 23-05-2011 09:15 PM

انا مش مع الدعايا السلبيه لانها بتضرنا احنا كمان

**harizy** · 23-05-2011 09:38 PM

طيب ماهى الوقفة الاحتجاجية دى دعاية سلبية برضه؛ طيب إحنا واقفين أمام التوكيل ليه بنطالب بإيه ؟؟؟؟؟؟؟؟؟؟؟؟
بالعكس الدعاية السلبية أشد وقعاً وأكثر تأثيراً ولو جابت نتيجة ممكن بمنتهى السهولة ترجع تانى إيجابية زى ما كانت.
يعنى الطريقتين واحد بس الوقفة الاحتجاجية دى محدش هيحس بيها لا من التوكيل ولا من الغير إنما الدعاية السلبية غير كده خااااااااااااااااااااالص.

وأخيراً عايز أعرف الوقفة الاحتجاجية بتاعة الكيا دى خلصت على إيه .......... ولا حاجة مش كده ونتيجتها إيه .......... دعاية سلبية ضد التوكيل أن شفرة المفتاح اتسربت من عنده يعنى هى هى بس الدعاية السلبية زى ما قلت ممكن بعد كده تتحول إيجابية زى ما رفعنا مبيعات العربية من الأول ,,,,,,,,, أتمنى تكون فكرتى وضحت.

**ahmed76** · 24-05-2011 12:57 AM

المشاركة الأصلية كتبت بواسطة moustafa_saad

انا مش مع الدعايا السلبيه لانها بتضرنا احنا كمان

+1111111111111111

لان الانتشار فى صالحنا يا جماعه لانه هايخلى مستودين قطع الغيار يزيدوا

**wassim_nasser** · 24-05-2011 02:28 AM

احنا ننتخب بعض وحوش اللوجان يروحوا التوكيل يعرضوا وجهة نظرنا وان لقيوا الدنيا مقفوله نهدد بكارت الدعاية السلبية .. ولازم نلعب بالكارت ده لأن الوكيل تاجر يعنى مش هايفهم غير لغه الارقام وان كنتم شايفين ان الدعاية السلبية هاتضرنا طب ماتشوفوا الضرر اللي واقع علينا دلوقتى

**MOUSTAFA_SAAD** · 24-05-2011 08:15 AM

المشاركة الأصلية كتبت بواسطة wassim_nasser

احنا ننتخب بعض وحوش اللوجان يروحوا التوكيل يعرضوا وجهة نظرنا وان لقيوا الدنيا مقفوله نهدد بكارت الدعاية السلبية .. ولازم نلعب بالكارت ده لأن الوكيل تاجر يعنى مش هايفهم غير لغه الارقام وان كنتم شايفين ان الدعاية السلبية هاتضرنا طب ماتشوفوا الضرر اللي واقع علينا دلوقتى

ما هو ده اللى قولت عليه ياريت تعمل موضوع بالكلام ده ولازم لما نروحلهم نعرفوا احنا عملنالهم دعايه مجانيه بالملايين فى نايل موتورز وانا قولتلهم الكلام ده برده على الفيس بوك

**faresattar** · 24-05-2011 10:49 AM

المشاركة الأصلية كتبت بواسطة hysagm

طيب ليه منعملش وقفه احتجاجيه امام التوكيل ولو قريتو الجريد المصرى اليوم كانو جيبين خبر عن وقفه احتجاجيه امام توكيل كيا علشلن العربيات السراتو الى بتتسرق وبيتهمو االتوكيل بتهريب شفره المفتاح يعنى الحرامى جى بمفتاحه المهم الوقفه شكله حلواحنا كمان نقف قدام توكيل العبور والمقطم ومحدش يعمل حاجه غير انه يجى بعلابيته ويفتح الكبوت ةيكتب يفطه على الماتور لو بوظت اصلحك بكام

تحياتي أستاذ هيثم ... خد بالك ان عصابة الكيا وصلت دمياط الجديدة ... والنهارده الصبح عربية جارتي اتسرقت من شارع الصعيدي الجديد (عربية كيا سيراتو) .. خد بالك من عربيتك لأن اللي سرق الكيا المشفرة هايسرق اللوجان برضه ...

**ahmed76** · 24-05-2011 11:01 AM

احنا بنتكلم كتير يا جماعه ولسه ما عملناش حاجه

اللى عايز يرشح نفسه وعنده من الوقت والخبره فى التفاوض يتفضل - وبعدين نبقى عارفين هانعترض على ايه على بالضبط
على طاسه ولا علبه دريكسيون ولا مرايه ولا فانوس ؟؟