بخصوص شكوى غلاء قطع الغيار .. الكل يدخل

**faresattar** · 16-05-2011 05:00 PM

طبعاً انا بعت الشكوى الخاصة بغلاء اسعار قطع الغيار لصفحة رينو الفرنسية وذلك تضامناً مع أخونا أبو مريم وشكواه من أسعار قطع الغيار المبالغ فيها ...
النهاردة جاني تالت ميل بس المره دي من رينو مصر من الـ ( Senior Customer Care ) وطلبوا رقم شاسيه العربية ورقم الموبايل .. أنا هابعتلهم البيانات وهاكتبلكم اخر التطورات .. بس رجاء من كل اعضاء المنتدى يكتبوا ردود فعل الشركة تحت المشاركة دي علشان نعرف بالضبط كام واحد بعت الشكوى وعدد الاستجابات قد ايه .. وفي النهاية كله في صالح اعضاء المنتدى وملاك السيارة ..

واحقاقا للحق ... الاستجابة السريعة للشركة والرد على الايميلات .. يدل فعلاً إن التوكيل ده محترم وان شاء الله العربية هاتكمل المسيرة وهاتكتسح ومش هانندم اننا اشتريناها ...

**faresattar** · 17-05-2011 05:42 PM

هو مفيش حد بعت الشكوى ولا ايه

**MOUSTAFA_SAAD** · 17-05-2011 08:46 PM

انا بعت الشكوى للشركه الفرنسيه مش التوكيل فى مصر
ادينى الايميل بتاع التوكيل علشان ابعت عليه ونص الشكوى اللى انت عاوزنى ابعتها

**MOUSTAFA_SAAD** · 17-05-2011 08:54 PM

على فكره انا طلعت باعت الشكوى بس نسيت لانى دخلت على الايميل اددلوقتى لاقيت رساله ليهم من واحده اسمها نهى حسين بتطلب رقم تليفونى علشان تكلمنى وبتسال على اسعار قطع الغيار اللى بقول عليها غاليه
فشوف انت عاوزنى اقولها على ايه واكتبلى المكونات واسعارها
وبعدين ايه رايك اديها تليفونى ولا لا

**mosomodo** · 17-05-2011 08:59 PM

انا ايضا بعت.

**tamer61** · 17-05-2011 09:57 PM

يا جماعه توكيل رينو فعلا محترم جدا وده من تعاملاتنا معاهم في كتير من المواقف وإن شاء الله كل حاجه حتبقى تمام.

**mosomodo** · 17-05-2011 10:50 PM

محترمين او مش محترمين ده مش مشكلتنا - مشكلة ارتفاع اسعار قطع الغيار و المصنعية فى التوكيل عايزة معالجة موضوعية من الوكيل و رد مباشر علينا بخطط مستقبلية على المدى القصير لتوفير قطع الغيار باسعار مناسبة لنا مع تخفيض المصنعية الغالية بتعتهم فورا و اعتقد ده مالوش دعوة بالدولار مع تحسين مستوى الخدمة.

وكدة كلنا هنحلف كمان انه توكيل محترم.

**wassim_nasser** · 18-05-2011 01:37 AM

المشاركة الأصلية كتبت بواسطة moustafa_saad

على فكره انا طلعت باعت الشكوى بس نسيت لانى دخلت على الايميل اددلوقتى لاقيت رساله ليهم من واحده اسمها نهى حسين بتطلب رقم تليفونى علشان تكلمنى وبتسال على اسعار قطع الغيار اللى بقول عليها غاليه
فشوف انت عاوزنى اقولها على ايه واكتبلى المكونات واسعارها
وبعدين ايه رايك اديها تليفونى ولا لا

‏;‏ ; ; ; ; ; ;

والله يا أستاذ مصطفي انا رأيى ان اللي طلبت نمرتك دي سكرتيرة أو تيليسيلز ( telesales ) يعنى بإختصار واجهة انيقة لا أكتر ولا اقل وان كنا عايزين ننجز المصلحة لازم نكلم واحد افندي محترم له سلطه الحل والربط .. انا حبيت انبهك عشان ماتتوقعش منها انها تهد الدنيا عشان خاطرنا .. عموما جرب مش هانخسر حاجه وعلي رأي المثل كل الطرق تؤدي إلي العصافرة

**ahamed7405** · 18-05-2011 02:06 AM

المشاركة الأصلية كتبت بواسطة wassim_nasser

‏;‏ ; ; ; ; ; ;

والله يا أستاذ مصطفي انا رأيى ان اللي طلبت نمرتك دي سكرتيرة أو تيليسيلز ( telesales ) يعنى بإختصار واجهة انيقة لا أكتر ولا اقل وان كنا عايزين ننجز المصلحة لازم نكلم واحد افندي محترم له سلطه الحل والربط .. انا حبيت انبهك عشان ماتتوقعش منها انها تهد الدنيا عشان خاطرنا .. عموما جرب مش هانخسر حاجه وعلي رأي المثل كل الطرق تؤدي إلي العصافرة

هو ده الكلام الصح فعلا

-

الموضوع: بخصوص شكوى غلاء قطع الغيار .. الكل يدخل

LinkBack

أدوات الموضوع

عرض

-

-

-

-

المواضيع المتشابهه

الكل يدخل يسمع

عاجل بعد غلاء البنزين ياريت الكل يدخل

استفتاء رقم 2 ؟؟؟؟؟؟؟؟؟؟؟؟؟؟ الكل يدخل

استفتاء ؟؟؟؟؟؟؟؟؟؟؟؟؟؟ الكل يدخل

الكلمات الدلالية لهذا الموضوع

المفضلات

المفضلات

ضوابط المشاركة