الموضوع: بخصوص شكوى غلاء قطع الغيار .. الكل يدخل

المشاركة الأصلية كتبت بواسطة wassim_nasser

---------

استاذ فارس .. الموضوع مش مستاهل توجيه أي سخرية ليا .. حضرتك بتكلم صيدلي مش شيال ف محطه مصر وبالنسبه لموضوع ترتيب الوظايف و شيرمان وباتمان دي مجرد مسميات شيك لشوية ناس قاعدين علي مكاتبهم وبيقبضوا في الشهر 5 6 تلاف جنيه من دم قلبنا وفي الأخر احنا اللي بيتخرب بيوتنا ف قطع الغيار .. أما بالنسبه لموضوع نية الحكومة تطوير الصعيد فياريت حضرتك تنزل اسيوط أو سوهاج وتشوف بقيت عاملة ازاي .. يعنى انا مش جاي من الريف للتكيف عشان حضرتك تقولي (الشركات الكبيرة هاتدخل الصعيد و هاتعرف الكلام ده) .. بس برضه أنا ماعترضتش علي كلامك وقلت خلينا نجرب السكه دي مش هانخسر .. أنا حبيت اقول رأيى واخلق حل عملي للمشكله بدل التليفونات والمسجات بس مادمت حضرتك شايف ان كلامي كلام صعايده ف انا هاكتفي بالمشاركه لحد كده واتابع في صمت .. تقبل تحياتي

لابد ان تشارك و لا تصمت و أنا متفق معك فى رأيك و اعتقد ان اعطاء معلومة من شخص ما ثم يزيل المعلومة باستخفاف او تريقة فانما يدل على ضعف المعلومة.

السادة الافاضل التوكيل مش هيحل و لا هيربط انا بقترح ان كل من يعرف مكان يبيع قطع غيار لوجان يقول علية و كل واحد يعرف مكان ميكانيكى أو كهربائى أو .......... يقول علية
العنوان - رقم التليفون - السعر ( كل البيانات )
هتقولوا عليا متشائم هقولكم السبب . من 6 أشهر اشتريت ستائر و المجرى البلاستيك بتاعها و قلت اشترى شبكة للوجان سالت عليها التوكيل 800 + 80 = 880 ليــــــــــــــه
المهم اشتريت الستاير و أخذت تاكسى لنقل الحاجة للبيت المهم بعد كدة لقيت موقع على النت لرينو فية سعر الشبكة باليورو لما حولتها للمصرى طلع اكتر من 880 جنية يعنى من الاخر الاسعار دى عالمية بس علشان الجنية بعافية شوية بنلاقى السعر تضاعف أبو مريم

آسف يا جماعة مش قصدي أوجه اي اهانة لأي حد .. كلكم ناس محترمين فعلا ... بس الاستاذ وسيم استفذني بالرد الساخر على المشاركة وكان لازم الرد عليه يكون بنفس الأسلوب .. عموما ياريت لما يكون فيه مناقشه في موضوع مهم يكون الرد جاد علشان الاستفادة تعم الجميع ... والصعايدة على راسي من فوق ..