بخصوص شكوى غلاء قطع الغيار .. الكل يدخل

**mosomodo** · 22-05-2011 02:38 PM

حصل خير ياجماعه

**faresattar** · 22-05-2011 03:11 PM

المشاركة الأصلية كتبت بواسطة wassim_nasser

استاذ فارس انا لم اسخر منك بأي طريقه انما قصدت السخرية من نظام التوكيل .. لأن الرد اللي وصلك هو نفسه اللي وصل لباقي الاعضاء و بنفس الصيغة .. وانا حاسس انهم بيخدرونا و يوهمونا انهم مهتمين بمشاكلنا .. المهم هل استقبلت أي رد منهم ولا الحكاية طلعت اشتغالة؟

أوكي يا دكتور .. صافي يا لبن
عموما هما كلموني وكان ردهم ان قطع الغيار بتاعتهم جودتها عاليه وعليها ضمان واسعارهم مرتبطة بالشركة الأم ويعني كلام من هذا القبيل .. وانا اتناقشت مع المهندس اللي كلمني ووصلتله استياء ملاك العربية من ارتفاع الاسعار وطبعا الكلام ده مش في صالح السيارة ، بس حسيت أنه مجرد موظف بيؤدي اللي عليه ومش هايقدر يعمل حاجه ..

أنا شايف ان اقتراح ابو مريم هو الحل ... نتعامل مع المحلات بره التوكيل وربنا يسهل . وصدقوني انتشار قطع الغيار لازم يكون من المستوردين والتجار اللي بيشتغلوا في التقليد .. علشان السوق عندنا في مصر مش سوق توكيلات ، السوق عندنا سوق المضروب .. وكله ماشي واهم حاجه تريح الزبون .. واغلب قطع غيار اللانوس اللي في السوق مضروبه وبرضه شغاله !!

ولا ليكم رأي تاني .... انا متابع

**gebreel** · 22-05-2011 03:16 PM

ممكن ايميل التوكيل لأني معرفوش

و موافق على موضوع المقابلة اللي تتعمل في التوكيل و لو فيه حد يعرف حد في فرنسا ممكن يبعت يسلم الشكوى في فرع الشركة نفسها هناك

كنت انا و خالد ايمن في اوبل كتبنا شكوى علشان واحد في المانيا يسلمها في الشركة الام بنفسو و عملت مفعول السحر و اتحلت مشاكلوا بنسبة 90 او 95%

**wassim_nasser** · 22-05-2011 03:55 PM

المشكلة مش قصة جودة قطع الغيار أو قصه اسعار الشركة الأم .. القصة قصة انك دايما بتحس ان اتنصب عليك ف أي حاجه .. طب بالله عليكم يعنى ايه طاسه ب 100 جنيه؟ حته بلاستك مفرغة ب 100 جنيه؟ دي لو فضة مش هاتعمل الاسعار دي .. اعتقد ان الحلين اللي قدامنا حاليا هو التعامل مع محلات قطع غيار الرينو .. وبالمناسبه انا امبارح اتصلت بمحلات شارع دمشق اللي كان الاستاذ محمد ابراهيم حاطط ارقامهم ولقيت عندهم طقم طاسات رينو ب 150 جنيه بس طبعا مش نفس شكل طاسات اللوجان .. والحل التانى يمشى برضه و هو اننا نرشح 4 5 اعضاء مننا يروحوا التوكيل يوصلوا وجهة نظرنا ..

**wassim_nasser** · 22-05-2011 05:33 PM

ماهو ده يا استاذ أحمد اللي بقوله .. الوكيل عارف انه محتكر السلعة .. و هو كده كده مش خسران حاجه لأنه محمل رواتب الموظفين و المهندسين وكل حاجه علينا و ياريتهم بيخدمونا .. ومهما اشتكيت لموظف (حتي ان كان سنيور) هايقولك أنا عبد المأمور وماليش غير مرتبى .. لكن لو اجتمعت بالوكيل نفسه ممكن توصل لحل .. انت عارف لو كل واحد فينا عمل دعاية سلبية للعربية ولعب علي حته قطع الغيار هانوقف سوقها ف 3 شهور .. وافتكر الوكيل ممكن يراجع نفسه ف حاجه زي دي

**harizy** · 23-05-2011 05:53 AM

أنا شايف إن الدعاية السلبية أقوى من الوقفة فى المقطم، لأن كده الخسارة أكيدة لا قطع غيار بتتباع ولا العربية نفسها ده غير ان الدعاية السلبية تمتد إلى الموديلات الأخرى للرينو مش اللوجان بس، فلو ما استجابوش شوية دعاية سلبية فى المنتدى وعلى الفيس كمان، ويبقى تمام.

**hassaan** · 23-05-2011 11:15 AM

الدعاية السلبية مش في صالح ملاك اللوجان يا شباب لانك كدة بتوقف سوق العربية والتجار مش هيتشجعو انهم يشتغلو في عربية مش بتتباع او يستوردوا قطع غيارها .. رايي تعالو نبعت تاني لرينو فرنسا بس تبقي رسالة واحدة نكتبها بعد يومين من النهاردة بعد ما كل اللي في المنتدي يكتبوا ارقام شاسية العربية لكل عضو ونبعت الشكوي بارقام الشاسية علشان يتاكدو اننا مش بنهزر ولا بنبعت شكاوي كيدية مثلا دة راي ادوني رايكم انتم لو ممكن نعملة الموضوع دة ولا لا ؟