الموضوع: لماذا اضراب الاطباء مش مطلب فئوى و لمصلحة المريض اولا و اخيرا

سيدي الفاضل لك مني كل التحية و الاحترام و لكل الاطباء و لكن:

من حقك انت و جميع الاطباء اقالة هذا الوزير لو ثبت كل ما تقول و انا متأكد من ذلك لأن الباشا كان بيقول الستاذ/جمال ربنا يفك سجنه

ثم يا سيدي الفاضل هل لما تبقى ميزانية الصحة 15% الدكاترة هتقعد في المستشفيات الحكومية و مش هتمشي بدري علشان العيادة الخاصة بتاعته

ثم سؤال من غير زعل بجد لو مريض جالك عيادتك الخاصة ممكن تقوله معلهش انا عامل اضراب؟ انا سمعت في راديو اف ام واحد بيكلم بيقول ابنه عنده 15 شهر و راح بيه المستشفى و ما رضيوش يعالجوه و لما على صوته الممرضات اللي عالجتهز طيب دا اسمه كلام

: ثم من قال لحضرتك ان شركات البترول بتوزع ارباحها على العاملين فيها؟ و من قال ان مرتب صديقك مهندس البترول 30 ضعف؟

على فكرة انا مهندس بترول ما انكرش ان مرتبي كويس الحمد لله بس مش لدرجة 30 ضعف

البلد مش مستحملة اضرابات دلوقتي بقالنا سنييين على الحال و ماكانش حد بيتكلم دلوقتي الناس كلها عاوزه المرتبات تزيد من غير ما تشتغل

عارف يا دكتور رئيس الوزراء عامل زي مايكون و احد بينادي عليه 100 واحد في وقت واحد. تعمل ايه لو انت مكانه

المشاركة الأصلية كتبت بواسطة tamatemo

مع مشروعية مطالبكم

برضوا مطالب فئوية

يا سيدي احنا عاوزين مستشفيات الصحة والتعليمية والجامعية تبقي كليفلاند او السعودي الالماني


عاوزين كمرضي الاقي تجهيزات نضيفة في قلب المستشفي
مش لما اروح مستشفي اخرج منها الف علي صيدليات وشركة مستلزمات علشان مفيش دوا او ادوات


كل دا جميل

بس برضو مطالب فئوية لانها تخص فئة الاطباء بمستويات عملهم وتحسين الناتج الاجمالي والفردي الخاص بيهم

فمتزعلوش اووي كدا لما نقلكم انها مطالب فئوية وكان ممكن تتاجل كام شهر

بعد كل اللى انا قولته ده و برده مطالب فئوية
لو حضرتك تعرف اننا اتعرض علينا رشوة فى صورة زيادة فى المرتبات عشان نسكت عن مطلب اقالة الوزير الفاسد و نسكت عن زيادة موازنة الصحة ...... و اللى حصل اننا رفضنا ده لان همنا الاول هو مصلحة المريض قبل مصلحتنا الخاصة ولا تهاون فى الامانة اللى ربنا حملهالنا و هى صحة المرضى

انا مؤيد جدا لإضراب الأطباء ، وشايف إنة من الحاجات اللى مينفعشي تنتظر

انا أختي دكتورة ، وبتحلفلي إنها أوقات بيجيلها ناس سايحين فى دمهم ومبتعرفشي تعملهم حاجه علشان مفيش أى حاجه فى المستشفى ، بيخيطوا للناس من غير بنج علشان مفيش بنج

فى الكلى مهازل ، كل المستشفيات تحولت لشبة خاصة

بالإضافة إن الإضراب للعيادات الخارجية ، لكن الإستقبال شغال عادي

بجد أدعوا المُعترضين إنهم يكلموا أى دكتور يعرفوة وينزلوا يقعدوا معاه ساعة ويوصفلهم الوضع عامل أزاي ، وفى النهاية الدكاترة هم اللى بيتضربوا علشان أهل المريض مُعترضين على الخدمات الصحية اللى هي مش فى أيدهم

المشاركة الأصلية كتبت بواسطة enas75

حضرتك رديت علي احد الزملاء بنفسك وقلتله الناس ممكن تستحمل تقعد من غير كهرباء او مياه لكن متقدرش تقعد من غير ما تتعالج وان الوقت بيفرق....في بعض المستشفيات توقفت الخدمه في العياده الخارجيه علي اساس انه مريض حالته بارده كما تقولون
بس اهل المريض مالهموش دعوه ...فيه كتيير منهم بيقضي الليل صاحي من وجع ..حتي لو مغص عادي بس مبينيموش ...مش معقوله يروح وهو بيتوجع للمستشفي يقولولو اسفين عاملين اضراب....
مطالبكم مشروعه وحقيقيه....لكن للاسف زيكم زي اي مطالب تانيه ( ماهو كلها برضه مشروعه) ..منها معادله الاجور ( مطلب فئوي)
تغيير الوزير واتهامه بالفساد ...لو عندكم مستندات قدموها للنائب العام ولو حقيقيه اكييد حيتاخد بيها
ميزانيه الصحه ....معلش هل انتم عندكم اي خبر عن ميزانيتكم الجديده ايه ....حد اصلا عنده اي خبر الموازنه الجديده ايه
الموضوع مش سهل وماهواش اي كلام وخلاص والا انتم عايزين يقوللكم حاضر ومفيش حاجه تحصل( زي العهد البائد)
..................
اسفه ياسياده الدكتور ....برغم معرفتي التامه باوضاع مستشفيات مصر وحالتها اللي تحت الصفر .....وبرغم مشروعيه طلباتكم ...ولكني لم استطع ان اجد عذر واحد ممكن ان اسوقه لاي مريض يذهب للمستشفي ولا يجد طبيب والسبب الاضراب
الناس مش ناقصه انكم انتم كمان تكملو عليهم ..........
لكن مايحدث لايفرق نهائي عن اي مطلب فئوي لاي جهه اخري....في النهايه نلحق قبل الموازنه الجديده نفكرهم بينا

زى مقولت قبل كده
اضرابنا جزئى و مستحيل اى حالة محتاجة تدخل عاجل و نرفض استقبالها و التعامل معاها و الوحيد اللى يقدر يحدد ده هو الطبيب ..... هديكى مثال عشان الصورة توضح اكتر
حالتين الاتنين يعانوا من فتىء اربى
الحالة الاولى لا يعانى من اى مشاكل و لا يعانى من اى مضاعفات و قرر انه يروح يكشف عشان يحدد معاد مناسبه لعمل العملية سواء بعد شهر او عشرة مش هتفرق معاه و فيه ناس بتعد بالفتىء ده تلاتين سنة بدون ما يعمل العملبة ....... دى اللى بنسميها حالة باردة و من الممكن تأجيلها لما بعد الاضراب
الحالة التانية عنده برده فتىء لكنه مسببله انسداد معوى ....... ده بيدخل العمليات طوارىء و بتتعمل على طول وتسمى حالة ساخنة اى لا تستطيع الانتظار


لو ركزتى الاتنين نفس الحالة بس كل واحد وضعوا مختلف
وهو ده الاضراب الجزئى

المشاركة الأصلية كتبت بواسطة م/مصطفى محمود

انا مؤيد جدا لإضراب الأطباء ، وشايف إنة من الحاجات اللى مينفعشي تنتظر

انا أختي دكتورة ، وبتحلفلي إنها أوقات بيجيلها ناس سايحين فى دمهم ومبتعرفشي تعملهم حاجه علشان مفيش أى حاجه فى المستشفى ، بيخيطوا للناس من غير بنج علشان مفيش بنج

فى الكلى مهازل ، كل المستشفيات تحولت لشبة خاصة

بالإضافة إن الإضراب للعيادات الخارجية ، لكن الإستقبال شغال عادي

بجد أدعوا المُعترضين إنهم يكلموا أى دكتور يعرفوة وينزلوا يقعدوا معاه ساعة ويوصفلهم الوضع عامل أزاي ، وفى النهاية الدكاترة هم اللى بيتضربوا علشان أهل المريض مُعترضين على الخدمات الصحية اللى هي مش فى أيدهم

كلام مظبوط

واحب اضيف انكوا لو فكرتوا بتعمق شوية و بصيتوا للموضوع على المدى البعيد هتعرفوا ان لو اهدافنا اتحققت ...... ان ده مش فى مصلحتنا المادية

اقولكوا ازاى

تخيل معايا ان كل مطالبنا اللى فوق اتحققت ........ ايه اللى هيحصل....... الخدمة فى مستشفيات الحكومة هتبقى احسن من الخدمة فى المستشفيات الخاصة و مجانا لكل الشعب ..... و هتكون اعم واشمل و هتشمل مصر كلها ...... بالطبع اى مواطن سواء كان غنى او فقير هيتجه لمستشفيات الحكومة و يسيب المستشفيات و العيادات الخاصة اللى هى مصدر الدخل الاساسى للاطباء


فلو الاطباء كانوا يريدون مصلحتهم الشخصية مكانوا يوفقوا على زيادة المرتبات و برده شغاهم الخاص ماشى
لأ احنا رفضنا عشان دى رسالة و صحة مصر امانة فى اعناقنا


معلومة عالسريع ...... كل دول العالم الاساس فى تقديم الخدمة الصحية فيها هى المستشفيات الحكومية و ليست الجهات الخاصة

هل احنا غلطانين اننا عايزين نرجع الميزان تانى معدول و بنطالب بتوفير خدمة صحية ادمية و لائقة بكل المصريين

كلام مظبوط ازاي يعني قطاع البترول او الصيدلة او اي قطاع يعمل اضراب جزئي و مصالح الناس تمشي ازاي.
هو كل قطاع بيحللها لنفسه بالطريقة اللي هو عاوزها وخلاص.
يعني انا شركتي بتنتج 150 الف برميل يوميا نيجي مثلا في يوم و نقول هننتج 50 الف برميل بس و دا الاضراب الجزئي
او قطاع الكهرباء او المياه يعمل زيكو بالظبط هتبقى فوضى
لما تبقى اكبر فئة متعلمة بتعمل كدة مالومش على اي حد بعد كدة
وزي ما انا سألت سؤال العيادات الخاصة شغالة ولا فيها اضراب

المشاركة الأصلية كتبت بواسطة eng:ahmed

سيدي الفاضل لك مني كل التحية و الاحترام و لكل الاطباء و لكن:

من حقك انت و جميع الاطباء اقالة هذا الوزير لو ثبت كل ما تقول و انا متأكد من ذلك لأن الباشا كان بيقول الستاذ/جمال ربنا يفك سجنه

ثم يا سيدي الفاضل هل لما تبقى ميزانية الصحة 15% الدكاترة هتقعد في المستشفيات الحكومية و مش هتمشي بدري علشان العيادة الخاصة بتاعته

ثم سؤال من غير زعل بجد لو مريض جالك عيادتك الخاصة ممكن تقوله معلهش انا عامل اضراب؟ انا سمعت في راديو اف ام واحد بيكلم بيقول ابنه عنده 15 شهر و راح بيه المستشفى و ما رضيوش يعالجوه و لما على صوته الممرضات اللي عالجتهز طيب دا اسمه كلام

: ثم من قال لحضرتك ان شركات البترول بتوزع ارباحها على العاملين فيها؟ و من قال ان مرتب صديقك مهندس البترول 30 ضعف؟

على فكرة انا مهندس بترول ما انكرش ان مرتبي كويس الحمد لله بس مش لدرجة 30 ضعف

البلد مش مستحملة اضرابات دلوقتي بقالنا سنييين على الحال و ماكانش حد بيتكلم دلوقتي الناس كلها عاوزه المرتبات تزيد من غير ما تشتغل

عارف يا دكتور رئيس الوزراء عامل زي مايكون و احد بينادي عليه 100 واحد في وقت واحد. تعمل ايه لو انت مكانه

بص يابشمهندس

1- فكر بتعمق شوية و بص للموضوع على المدى البعيد هتعرف ان لو اهدافنا اتحققت ...... ان ده مش فى مصلحتنا المادية

اقولك ازاى

تخيل معايا ان كل مطالبنا اللى فوق اتحققت ........ ايه اللى هيحصل....... الخدمة فى مستشفيات الحكومة هتبقى احسن من الخدمة فى المستشفيات الخاصة و مجانا لكل الشعب ..... و هتكون اعم واشمل و هتشمل مصر كلها ...... بالطبع اى مواطن سواء كان غنى او فقير هيتجه لمستشفيات الحكومة و يسيب المستشفيات و العيادات الخاصة اللى هى مصدر الدخل الاساسى للاطباء


فلو الاطباء كانوا يريدون مصلحتهم الشخصية مكانوا يوفقوا على زيادة المرتبات و برده شغاهم الخاص ماشى
لأ احنا رفضنا الرشوة دى الى فى صورة زيادة مرتبات عشان دى رسالة و صحة مصر امانة فى اعناقنا ولازم باقى المطالب تتحقق اللى هى بتصب فى مصلحة المريض فى الاساس

حضرتك بتقول لو زودوا الميزانية بتاعة الصحة 15% الدكاترة هيسيبوا المستشفيات الحكومية و يروحوا عيادتهم
اقولك ان ببساطة زى مشرحت فوق ان المريض مش هيحتاج يروح العيادة الخاصة لان الخدمة متوفرة فى المستشفى اللى جنب بيته ....... فالنتيجة العيادات هتقفل

واحب اضيف ان الاطباء اللى كلنوا ضد الاضراب هما نفسهم الاطباء اللى كشفهم 300 جنيه و اللى عندهم مستشفيات خاصة و ان النتائج اللى ممكن تتحقق من الاضراب ضد مصلحتهم الشخصية عشان كده كانوا بيحاربوه و على رأسهم حمدى السيد نقيب الاطباء المخلوع


ثم سؤال من غير زعل بجد لو مريض جالك عيادتك الخاصة ممكن تقوله معلهش انا عامل اضراب؟ انا سمعت في راديو اف ام واحد بيكلم بيقول ابنه عنده 15 شهر و راح بيه المستشفى و ما رضيوش يعالجوه و لما على صوته الممرضات اللي عالجتهز طيب دا اسمه كلام


زى ما وضحت كتير اضرابنا جزئى ولا يشمل الحالات الطارئة و الاخ اللى بيشتكى ده غالبنا ابنه حالته باردة ولا تستدعى التدخل العاجل

: ثم من قال لحضرتك ان شركات البترول بتوزع ارباحها على العاملين فيها؟ و من قال ان مرتب صديقك مهندس البترول 30 ضعف؟

على فكرة انا مهندس بترول ما انكرش ان مرتبي كويس الحمد لله بس مش لدرجة 30 ضعف

اللى قالى هما قرايبى و زمايللى اللى شغاليين فى وزارة البترول واللى بيقبضوا مبالغ و مكافأت خيالية لمجرد انها وزارة بتطلع بترول ....... للعلم البترول ده مش بتاع الوزارة البترول ده بتاع مصر والمفروض ارباحه كاملة تخش خزينة الدولة ...... و لو حضرتك مش مقتنع بكلامى فسرلى ليه وزارة البترول من اكتر الوزارات فى المرتبات


الثورة قامت لعدة اسباب منها تحقيق العدالة الاجتماعية...... مش من العدالة الاجتماعية ان حضرتك تعيش كويس و توصف مرتبك انه كويس وانا على نفس درجتك المالية و مرتبى ميكفيش عيش حاف!!!!!!!!!! فين العدالة الاجتماعية بقى ....... ولو ملهاش لزمة يبقى الثورة على بعضها ملهاش لزمة ...... يبقى قامت ثورة ليه من اساسه

البلد مش مستحملة اضرابات دلوقتي بقالنا سنييين على الحال و ماكانش حد بيتكلم دلوقتي الناس كلها عاوزه المرتبات تزيد من غير ما تشتغل

من الفئات القليلة اللى مسبتش اماكنها و جريوا يستخبوا خوفا على ارواحهم ايام الثورة...... هما الاطباء
فلا نحتاج مزايدة على موضوع عايزين فلوس من غير منشتغل
احنا عمرنا مبطلنا شغل ولا هنبطل
وفى الايام اللى حضرتك بتبقى فيها فى اجازات او الساعة 3 الفجر بتكون نايم فى بيتك ......... احنا بنكون بنشتغل ......... و ايام الاعياد والعطلات الرسمية و الجمعة و غيرو و غيرو
فمعدقش اننا محتاجين حد يقولنا عايزين فلوس بدون متشتغلوا


عارف يا دكتور رئيس الوزراء عامل زي مايكون و احد بينادي عليه 100 واحد في وقت واحد. تعمل ايه لو انت مكانه
فعلا معاك حق الله يكون فى عونه
بس لما يكون عنده وقت يعد مع اتحاد الكورة و يناقش اذا كان الدورى يقف ولا نكمل ......... اعتقد ان صحة المصريين اهم من الكلام الفارغ ده كلوا ........ بل ان المفروض ان من اولويات اى حكومة هى الارتقاء بالمنظومة الصحية

لو انا مكانه مع انى متمنهاش ارتب المواضيع حسب الاولوية و الاهمية و اشتغل فيها ......... واعتقد الصحة هتبقى منهم