الموضوع: لماذا اضراب الاطباء مش مطلب فئوى و لمصلحة المريض اولا و اخيرا

المشاركة الأصلية كتبت بواسطة korkor

لامؤاخذه كل اللى حضرتك قولتوا مطالب فئويه وحتى حكايه تحسين خدمه المستشفيات هتعود على الشعب والكلام ده يكمن يكون حقيقى بس كل حاجه فى البلد حالتها زفت ولو كل العاملين بيها عملوا زى حضراتكوا وقالوا ده لمصلحه البلد محدش هيشتغل ولا هنلاقى ناكل ولا نشرب وانتوا نفسكوا مش هتلاقى حد تعالجوا لان الناس كلها هتكون ماتت

بالنسبه لفساد الوزير عندكوا ادله ومستندات حقيقه قدموها للنائب العام رئيس الجمهوريه السابق بيتحاكم مش هيحاكموا حته وزير صحه

اما بقى اكتر حاجه غايظنى موضوع المقارنه بمهندسين البترول او شركات البترول وموضوع الاجور هو لامؤاخذه فى حد فى مصر بيكسب زى الدكاتره اقل دكتور دلوقتى اللى هو اسمه اقتصادى وشعبى الفيزيتا بتاعته 60 جنيه وقوائم الانتظار والحجز والتأخير من الدكاتره علشان الكام مستشفى والكام عياده اللى شغال فيهم يادكتور اعتبروا ان العمل فى المستشفيات الحكوميه ده زكاه عن اموالكوا وصحتكوا وماتدوروش على الكام ملطوش بتاع الحكومه وسيبوا الفلوس للناس اللى فعلا محتاجينها

لامؤاخذه لا تعليق

المشاركة الأصلية كتبت بواسطة korkor

لامؤاخذه كل اللى حضرتك قولتوا مطالب فئويه وحتى حكايه تحسين خدمه المستشفيات هتعود على الشعب والكلام ده يكمن يكون حقيقى بس كل حاجه فى البلد حالتها زفت ولو كل العاملين بيها عملوا زى حضراتكوا وقالوا ده لمصلحه البلد محدش هيشتغل ولا هنلاقى ناكل ولا نشرب وانتوا نفسكوا مش هتلاقى حد تعالجوا لان الناس كلها هتكون ماتت

بالنسبه لفساد الوزير عندكوا ادله ومستندات حقيقه قدموها للنائب العام رئيس الجمهوريه السابق بيتحاكم مش هيحاكموا حته وزير صحه

اما بقى اكتر حاجه غايظنى موضوع المقارنه بمهندسين البترول او شركات البترول وموضوع الاجور هو لامؤاخذه فى حد فى مصر بيكسب زى الدكاتره اقل دكتور دلوقتى اللى هو اسمه اقتصادى وشعبى الفيزيتا بتاعته 60 جنيه وقوائم الانتظار والحجز والتأخير من الدكاتره علشان الكام مستشفى والكام عياده اللى شغال فيهم يادكتور اعتبروا ان العمل فى المستشفيات الحكوميه ده زكاه عن اموالكوا وصحتكوا وماتدوروش على الكام ملطوش بتاع الحكومه وسيبوا الفلوس للناس اللى فعلا محتاجينها

واضح ان حضرتك متعرفش حاجة عن الدكاترة و ظروفهم ....... و بتهاجم وخلاص و بتقول كلام مش حقيقى
وقد صدرت فتوى ان الاطباء يجوز عليهم الزكاة لانهم يعتبروا من الفقراء و المساكين
و الدكاترة اللى حضرتك بتقول عليهم دول قلة قليلة مننا و ده مجال شغلى وانا عارف انا بقول ايه كويس


وصحيح اللى ايدوا فى المية مش زى اللى ايده فى النار

يادكتور صدقنى مش انتم بس الى اتظلمتم او اتهدر حقكم
وكللنا عارفين انتم بتتعبو اد ايه فالدراسه اولا والحياه العمليه ثانيا ( انا بتكللم عن الدكاتره العاديين الى مش حيتان وشغالين فى 20 عياده ومستشفى وكشفهم وصل 200 جنيه بقوائم انتظار )
كل الى مكنش ليه واسطه او مسنود اتظلم بشكل او بأخر السنين الى فاتت سواء دكتور او غيره
لكن دا مش وقت اضرابات او اعتصامات او لوى دراع للحكومه لانها لو تفتكر هى فالاساس حكومة تسيير اعمال مش حكومة مستديمه
زود على كده كم المشاكل الى بتواجهها
رأييى المتواضع ورأى ناس كتير هنا بالنسبه لمطالبكم
لو عندكم قرائن وادله ضد وزيركم يبئى المفروض طريقها النيابه مش الاضراب
من حقكم طبعا المطالبه بتحسين اوضاعكم طبقا لخبراتكم والمجهود الى بتبذلوه فى مشوار حياتكم انما دا وقت اعادة ترتيب البيت مش وقت لوى دراع زى ماقلت
بالنسبه لمطلب الموازنه فدا محدش يقدر اصلا يقول موازنة السنه الجايه هتتعمل ازاى ومين هيعملها ومين هيوافق عليها وايه هى ايرداتنا وانفاقنا خلال العام القدم
ياريت ندى الحكومه فرصه لانها فعلا مش هتلاحق علي الطلبات ومسيرها تنهار لو ظل الامر يسير فى الطريق دا

المشاركة الأصلية كتبت بواسطة enas75

مستشفي اسماعيليه حصل فيه اعتداء من اهالي المرضي علي المعتصمين بسبب توقف العيادات الخارجيه
ده اولا
ثانيا....انا لو رحت بابني لغايه مستشفي وهو سخن او تعبان واتقالي معلش مش النهارده انهارده اضراب...وحالتك ابنك تعتبر حاله بارده....غالبا حخلي اللي قلي الكلام ده حالته ساخنه جدا....
يادكتور التصنيف بتاعك ده ينفع في مؤتمر صحفي....لكن في ارض الواقع واغلب المتعاملين مع مستشفيات الصحه هما من الفئه الفقيره جدا......كلامكم بتاع احنا بنضرب كي نحسن الصحه لكم والمستشفيات ...ده ممكن يسمعوه في التلفزيون بس بعد ما يوصل المستشفي كل اللي يهمه يلاقي دكتور يلحقو
انا ليا في العيله 5 دكاتره شباب متعينين في الصحه وياما قالونا علي المهازل اللي بتحصل
ومتفهمه مطالبكم المشروعه....بس للاسف لم احترم توقيتكم في عمل الاضراب
من الاخر يادكتور انتم كمان بالمشرط ساهمتم في نزيف مصر.....بدل ما تصبرو حتي نعلم راسنا من اقدامنا وساعتها ماكنش انتم بس اللي حتضربو والمرضي حيتضامنو معاكم
بس مهما قلت فهي مطالب فئويه

طب هسأل حضرتك سؤال
هو الدكاترة دول اولاد ستين فى سبعين
بمعنى انك مش موافقة ان الحالات الباردة نمتنع عن الكشف عنها
و موافقة ان يتم الاعتداء علينا بشكل يومى من المواطنين منذ الثورة الى الان


طب حضرتك شايفة ايه الحل عشان نحافظ على حياتنا و كرامتنا؟
ملحوظة : الاعتداءات اغلبها يحدث نتيجة عدم وجود امكانيات فى المستشفيات و ده احنا ملناش ذنب فيه ؟



ومين قال لحضرتك ان المرضى الفاهمين مش متضامنين معانا

و الله يا جماعة خلاصة الكلام عشان ورايا امتحان بعد يومين و هقوم اذاكر شوية

لو الثورة اللى احنا عملنها دلوقتى فى القطاع الصحى منجحتش
ارجوكم محدش يجى يشتكى من مستوى الطب فى مصر
لان انتوا راضيين بكده
وافتكروا ان فيه بعض الدكاترة حاولوا يصلحوا منظومة الصحة فى مصر لكن الناس كانت بتقول مش وقته - مع العلم اللى بيقول مش وقته ده معندوش مشاكل مادية و عارف يعيش و بيكشف فى العيادات الخاصة و عمره مبيتعالج فى مستشفيات الغلابة -


تحياتى