رابطة مالكي وعشاق التمبرا (الجزء الخامس)

**bestmoahmed201** · 05-09-2011 12:02 AM

السلام عليكم ورحمة الله وبركاته عندى سؤال فى المطبات باسمع صوت خبط او تكتكة وانا لسه مغير مساعدين قدام وورا وخليت بتاع العفشة يبص عليها قال لى كويسة مفيهاش حاجة يا ترى الصوت ده منين واعالجه ازاى

**star88** · 05-09-2011 01:09 AM

المشاركة الأصلية كتبت بواسطة bestmoahmed201

السلام عليكم ورحمة الله وبركاته عندى سؤال فى المطبات باسمع صوت خبط او تكتكة وانا لسه مغير مساعدين قدام وورا وخليت بتاع العفشة يبص عليها قال لى كويسة مفيهاش حاجة يا ترى الصوت ده منين واعالجه ازاى

بص ياباشا ممكن تكون العربية وطية على الارض ممكن تعليها
المسعدين الامامى سست كام لفة5او 6

**bestmoahmed201** · 05-09-2011 02:25 AM

المشاركة الأصلية كتبت بواسطة star88

بص ياباشا ممكن تكون العربية وطية على الارض ممكن تعليها
المسعدين الامامى سست كام لفة5او 6

شكرا على الرد يا باشا عامة انا مش متذكر لكن حابص عليها وارد عليك

**BIG** · 05-09-2011 03:19 AM

يا استاذ محمد جبتهم منين وبكام ونوعهم ايه اخوك ايمن من اسكندريه

**aymanamr** · 05-09-2011 05:30 AM

المشاركة الأصلية كتبت بواسطة bestmoahmed201

السلام عليكم ورحمة الله وبركاته عندى سؤال فى المطبات باسمع صوت خبط او تكتكة وانا لسه مغير مساعدين قدام وورا وخليت بتاع العفشة يبص عليها قال لى كويسة مفيهاش حاجة يا ترى الصوت ده منين واعالجه ازاى

وعليكم السلام
بص يابشا اغلب الظن الصوت ده من المقصات الجلب بتاعتها نشفت فبقت تتكتك معاك مع المطبات خلي حد يبصلك علي المقصات القصه دي حصلت معايا وبعد تغير المقصات كله بقي تمام بس اتاكد انها من المقصات سواء الجلب او بيض المقص بقي وحش وفي الحالتين هتجيب مقص كامل عشان الجلي مش بتتياع لوحدها ولو لقتها هتلاقي تمنها قريب من المقص علي بعضه فالاحسن يتجاب المقص علي بعضه

**aymanamr** · 05-09-2011 05:36 AM

المشاركة الأصلية كتبت بواسطة big

يا استاذ محمد جبتهم منين وبكام ونوعهم ايه اخوك ايمن من اسكندريه

اهلا بيك يا باشا في الرابطه هو انا مش استاد محمد بس بالنسبه للمساعدين فيه انواع كتير قوي موجوده في التوفيقيه وشارع دمشق معرفش بالنسبه لاسكندريه ايه الوضع فيه تركي وارجنتيني والماني وبيقولوا ايطالي مع اني بقلق من اي حاجه بيتقال عليها ايطالي لان كتير بيكون صيني مكتوب عليه ايطالي والسلام ومعظم الانواع دي في حدود من 400 م 500 جنيه الجوز الامامي لاكن افضل نوع موجودين في السوق هم المنرو ودول عاملين 600 جنيه وادائهم اكتر من رائع وبيتابعه عند غبور هو وكيلهم في مصر وهتلاقيهم عند اي مركز بيع من مراكز غبور وفيه واحد في شارع دمشق وفي وسط البلد واكيد فيه عندكوا يابشا في اسكندريه واسف علي الاطاله :)

**ledw100** · 05-09-2011 03:48 PM

سوال بسيط للاستاذ مايكل
عربية لانشيا موديل 91 والكهربائى قالى انه واسع من عند العداد وانة مش ماسك كويس
والسلك واقف مش شغال و رحت اسال عند الكيلانى كان سعره 90 جنيه
وقالى هو هو بتاع التمبرا هل ده صحيح ولا لا واكون شاكر لو رديت عليا

**sohagy** · 05-09-2011 04:04 PM

السلام عليكم جميعا .. يا رب الجميع يكون بخير .. وكل سنة وانتم طيبين

**ledw100** · 05-09-2011 04:26 PM

سوال بسيط للاستاذ مايكل
عربية لانشيا موديل 91 والكهربائى قالى ان سلك السرعة واسع من عند العداد وانة مش ماسك كويس
والسلك واقف مش شغال و رحت اسال عند الكيلانى كان سعره 90 جنيه
وقالى هو هو بتاع التمبرا هل ده صحيح ولا لا واكون شاكر لو رديت عليا

**bestmoahmed201** · 05-09-2011 10:31 PM

المشاركة الأصلية كتبت بواسطة aymanamr

وعليكم السلام
بص يابشا اغلب الظن الصوت ده من المقصات الجلب بتاعتها نشفت فبقت تتكتك معاك مع المطبات خلي حد يبصلك علي المقصات القصه دي حصلت معايا وبعد تغير المقصات كله بقي تمام بس اتاكد انها من المقصات سواء الجلب او بيض المقص بقي وحش وفي الحالتين هتجيب مقص كامل عشان الجلي مش بتتياع لوحدها ولو لقتها هتلاقي تمنها قريب من المقص علي بعضه فالاحسن يتجاب المقص علي بعضه

شكرًا على الرد ولو ممكن اسال حضرتك سعرهم كام وايه النوع الكويس وولو بيض المقص يتغير لوحده ولا هوه مع المقص ولا اجيب استيراد شكرًا يا باشا