نوع الكاوتش

**kamatsho** · 21-05-2011 02:05 AM

المشاركة الأصلية كتبت بواسطة thediesel

يــــا أفندم الإستبن ما بتنزلهوش غير لو لاقدر الله في عجله فرقعت او اتخرمت و بتصلح العجلة البايظة و بترجعة علطول ... مش معمول علشان تشغله كتير أساسا

و كمان نوعه مش هيفرق كتير لإنه المفروض يادوبك تمشي بيه المسافة لحد أقرب بنزينه او متخصص كاوتش ... و بترجع الأصلي ... بس بما إن الناس بتقول بلاش نسر كبر دماغك من النسر خـــالص

أنا شخصيا السنة الجاية او كمان سنة و نصف هأنزل أشتري كاوتش و الغالب هأجيب بريدجستون .. و أنصحك تجيب بريدجستون للعجل الي شغال بيه و الاستبن اي حاجة رخيصة مش هتفرق

على فكرة يا باشا انا بمشى عـلى الإستيبن ومش بفرق بين استبين وعجله اساسيه نهائى لأن كتير بتحصل معايا وعجله من العجل بتنام خالص بسبب اى اخرام ... فـ بضطر انى اركب العجله الاستيبن وبمشى بيها ومش بغيرها حتى بعد ما اصلح العجله اللى اتخرمت ..

اللى عايز اقوله .. متسترخصش وتشترى نوع اى كلام للإستيبن لأنه ضرورى مثله مثل باقى العجل

بالتوفيق ان شاء الله

**a7madramadan** · 22-05-2011 02:05 AM

والله الي أعرفه ان العربيات الحديثة بينزل معاها 4 جنوط بمقاس عريض .. و واحدة حديد أقل عرضا من الي عالأرض ... و العربيات القديمة نسبيا او القديمة الي مازالت بتنتج لحد دالوقتي (شاهين و لادا على سبيل المثال) بينزلوا بخمس فرد كاوتش زي بعض .... و يفضل ان كل عجلتين جنب بعض يكونوا متطابقين ... هافترض معاك و هاتكلم بفلسفة عميقة شوية لو حضرتك مشيت حوالي 10000 كيلو بالأربع عجلات الي عالأرض و اضطريت تنزل بالاستبن و قررت تقعد بيها شوية هتلاقي في انحرافات خفيفة في الدورانات بسبب ان الكاوتش جديد و معاه الي عالجانب الآخر كاوتش مستهلك و راحت كثير من الخطوط الي فيه على مر 10000 كيلو .. طبعا نسبة الإنحرافات دي بسيطة مش حاجة عظيمة يعني بس للأهمية وان البعض ممكن ياخد على الكلام ده وهوه مسافر و مايكونش عنده المعلومة لازم نقول ان ضروري تتصلح و تركب مكانها

اتمنى اني اكون وضحت وجهة نظري و اكون افدتك