فروق بين السيارات اليابانيه

**أبو عبدالله** · 15-05-2008 01:10 AM

ما هو المشكلة يا شيكو
انه حاسس بالمؤامرات كامن في موضوع اليابان
وبيقولك بروبوجاندا علشان العامل عاوز يروح يشتغل

المشكلة ان دكاترة الادارة اللي قابلتهم كلهم اكدوا ان العامل اياباني كان بيعمل كده
مش هبل وخلاص
لأ
لأن الادارة بتاعتهم بتخلي العامل مش محتاج اي حاجه فبيحس ان الشركة دي لما تتقدم هو كمان هيتقدم لأنها عامله مستشفى ومدرسه لأولاده ونادي للعائلة ومأمنه حياته كلها

مش عارف اصدق الأستاذ فادي واكذب عيني وحسي اللي طول الأيام ليل ونهار بيثبت عكس ذلك

واكذب الدكاتره اللي اضحك عليهم حتى لو كانو سافروا اليابان نفسها ولكن اضحك عليهم برضه

مش عارف المهم ان كل اللي سافروا هناك بيأتوا يحكولي نفس الكلام
ولكن يظهر انهم هناك بيعرفوا يضحكوا على الناس صح
ومتهيألي اكيد دي الميزه الوحيده لهم هناك

مش كده ولا ايه

اطلع بينا يا ابني

**فادى** · 15-05-2008 06:59 AM

المشاركة الأصلية كتبت بواسطة Chicco

منور يا فادي باشا

على فكرة أنا شفتها بعيني يا فادي يا أخويا ....أغسطس ٢٠٠١ و أنا في اليابان ....الناس طلعت مظاهرة عشان الحكومة زودت يوم اجازة ورا الويك اند .....بيسموه long weekend يعني الاتنين اجازة بعد السبت و الأحد
أما عن حب الشغل و الانهماك فيه ....فبجد حاجة مش طبيعية .....مدمنين شغل = workoholic
نفسي يا فادي باشا تروح اليابان مرة كده و اشوفك بعديها ......أكيد حتغير كتير من أفكارك :)

يا أستاذ شيكو يعنى هما ناس من كوكب تانى غير الأرض.
المظاهرة طبيعية فى أى مكان لأنو يوم أجازة اضافى معناه تقليل المرتب بطريقة مباشرة أو غير مباشرة.
مثلا فى فرنسا, كانت حملة ساركوزى الانتخابية الناجحة, تقوم على مبدأ تعديل قوانين العمل, على أساس "اعمل أكثر, اكسب أكثر", لأن الشعب الفرنسى كان احدى أكثر الشعوب المدللة, فهم يعملون 6 ساعات فى اليوم فقط, و حتى هنا فى مصر, لو قالولى اعمل 12 ساعة فى اليوم و هتاخد المقابل معنديش مانع أموت نفسى شغل, ده طبيعى يا شيكو و على فكرة أنا مثلا لما بروح مواقع الحفر فى عملى ممكن أطبق على الشغل, لكن باخد المقابل:D.

**Chicco** · 15-05-2008 03:47 PM

^^^^^^
فادي باشا أنا طبعا ما دخلتش في أعماق نفسيتهم عشان أعرف دوافع المظاهرة بس اللي أقدر أقوله انهم شعب مختلف عن بقية الشعوب اللي شفتها .....ثقافة الشعب ككل مش أفراد بس
حكاية إدمان العمل و الاستغراق فيه ده حقيقة لدرجة إن فيه مؤسسات بتعمل برامج إعادة تأهيل و مساندة نفسية لمدمنين العمل !!!!!!!!!!
إدمان العمل بيسبب مشاكل أسرية و صحية و عكس شعوب العالم الحكومة عايزة تقلل ساعات العمل عشان زيادة الانتاج ممكن يقلل سعر المنتجات اليابانية لو فاض الانتاج عن حاجة السوق
يبقوا مختلفين بقى و لا لأ :)

**tutankhamoun** · 15-05-2008 07:49 PM

مواصفات الشعب الياباني

شعب مُنظم جدا ......... و دقيق جدا
صفات منتجات اليابان
تتصف المنتجات اليابانية بالجودة عموما و خصوصا في فترة السبعينيات و الثمانينيات عندما كانت الخامات رخيصة

و مقولة " دي ياباني " لم أسمعها في حياتي غير في مصر

و صحيح اليابان بتنتج حاجات حلوة كتيرة
و برضة بتنتج منتجات معيبة زيها زي أي دولة
و السوني أكبر مثال على المنتجات المعيبة و كان فيه موديل لاب توب أتسحب من السوق الأوروبي علشان كان فيه مشكلة
و المشكلة أنه كان بيولع بسبب سوء تصميم البطارية
و تم سحب كميات كبيرة جدا من هذا الجهاز و كان صناعة ياباني بالكامل

و برضه التوشيبا كان فيه بعض المشاكل منها

اليابان دولة تشتهر بالجودة ........... نعم ...
و لكن ليس وحدهم
اليابان دولة متقدمة جدا جدا جدا و لديها أبحاث علمية كثيرة
و برضه مش لوحدهم

و مبيعات اليابان في أوروبا من السيارات قليلة
و الأسواق الرئيسية للمنتج الياباني
هي الولايات المتحدة الأمريكية ..... و ده راجع للإتفاقات الخاصة بنهاية الحرب العالمية الثانية و بناء العديد من مصانع الشركات اليابانية على أرض الولايات المتحدة

و السوق الثاني المهم هو سوق الصين
و السوق الثالث هو سوق الشرق الأوسط و أفريقيا و من ثم أوروربا

إنما كلمة دي ياباني .......... بتضايق خصوصا لما تكون بتقارن منتجين ببعض و يكون الغير ياباني أفضل
و تلاق واحد يقولك لاءة الياباني أحسن
طيب ليه يا عم
علشان ياباني ؟ بس ....
مفيش أي أدلة علمية على الكلام
فده اللي بيضايق

و بالمناسبة يا أبو عبد الله
أنا جربت منتجات يابانية عديدة و منها تليفزيونات سوني
و الله العظيم التليفزيون جولدي أحسن منه
السوني أستقباله زبالة وبعد سنة و نصف ضرب ألوان و كان استخدامه قليل جدا جدا
و هناك العديد من المنتجات اليابانية الممتازة .......... و القليل السئ و لكنه موجود ........
بس هي دي النظرية
و على فكرة المنتجات الأمريكي أكثر تحملا من الياباني و لكنها لا تأتي إلى مصر لأنهم بيركزا في تصدير الحاجات الكبيرة ( الات عسكرية مثلا .......... و هكذا )
و المنتجات الإنجليزي .............. روعة و جودة عالية جدا و أكثر من الياباني ....... و برضه تسويقهم ضعيف لإرتفاع ثمن المنتج

يعني اليابان ممتازة و لكنها ليست وحدها

و بالنسبة للموضوع
طبعا في أختلاف
مينفعش أقارن تكنولوجيا هوندا بأي شركة يابانية تانية
و يمنفعش أقول أن سوزوكي تتساوى مع تويوتا مثلا
فيه مقامات لكل شركة

**Chicco** · 15-05-2008 10:43 PM

توت يا أخويا أخبارك إيه :)
بص يا سيدي إنت راجل ثقافته أوروبية فحكاية الياباني ديه مش فارقة معاك و ديه طبعا ميزة لأنك بتتحرر من الأفكار المسبقة و بتاخد قرارك من غير إنحياز (bias)

مقولة "ديه ياباني" ديه سمعتها في ٣ مناطق ...أول حاجة في اليابان نفسها ....... تاني حتة في الأمارات.... تالت حته هنا في كندا ......أمريكا الشمالية كلها العربيات الياباني .....هوندا و تويوتا تحديدا بفروعهم...... في مكانة مختلفة عن بقية العربيات بيقولوا عليهم (a class of their own)

**mo7amed_omara** · 15-05-2008 11:16 PM

ان فاتك اليابانى مش حيرجع تانى

**tutankhamoun** · 16-05-2008 07:35 AM

المشاركة الأصلية كتبت بواسطة Chicco

توت يا أخويا أخبارك إيه :)
بص يا سيدي إنت راجل ثقافته أوروبية فحكاية الياباني ديه مش فارقة معاك و ديه طبعا ميزة لأنك بتتحرر من الأفكار المسبقة و بتاخد قرارك من غير إنحياز (bias)

مقولة "ديه ياباني" ديه سمعتها في ٣ مناطق ...أول حاجة في اليابان نفسها

....... تاني حتة في الأمارات.... تالت حته هنا في كندا ......أمريكا الشمالية كلها العربيات الياباني .....هوندا و تويوتا تحديدا بفروعهم...... في مكانة مختلفة عن بقية العربيات بيقولوا عليهم (a class of their own)

شيكو باشا .... أنا الحمد لله كويس
يا باشا الياباني في أمريكا الشمالية بينافس مين
بينافس أساسا العربيات الأمريكاني يبقى لازم يقولوا عليه كدا و بالفعل هو أحسن من العربيات الأمريكاني تصميما و توفيرا في البنزين فلازم يكسب و بمراحل
إنما في أوروبا الوضع مختلف تماما
تقريبا ممكن تقول وجوده شبه منعدم
لا تراه في الشوارع إلا نادرا .... و ده مش بيقلل منه و لكن المنافسة هناك صعبة قوي مع الحاجات الأوروبي
و بعدين الإمارارات شعب عربي .......
كندا جزء من أمريكا الشمالية و بيعتبروا جزء من الولايات المتحدة من ناحية الثقافة ( أعتقد ) و حضرتك ممكن تصححني إذا كنت غلط
المهم العربيات الياباني من الأخر .......... ممتازة .... بس مش لوحدها

**فادى** · 16-05-2008 08:27 AM

المشاركة الأصلية كتبت بواسطة tutankhamoun

شيكو باشا .... أنا الحمد لله كويس
يا باشا الياباني في أمريكا الشمالية بينافس مين
بينافس أساسا العربيات الأمريكاني يبقى لازم يقولوا عليه كدا و بالفعل هو أحسن من العربيات الأمريكاني تصميما و توفيرا في البنزين فلازم يكسب و بمراحل
إنما في أوروبا الوضع مختلف تماما
تقريبا ممكن تقول وجوده شبه منعدم
لا تراه في الشوارع إلا نادرا .... و ده مش بيقلل منه و لكن المنافسة هناك صعبة قوي مع الحاجات الأوروبي
و بعدين الإمارارات شعب عربي .......
كندا جزء من أمريكا الشمالية و بيعتبروا جزء من الولايات المتحدة من ناحية الثقافة ( أعتقد ) و حضرتك ممكن تصححني إذا كنت غلط
المهم العربيات الياباني من الأخر .......... ممتازة .... بس مش لوحدها

أتفق معاك با أستاذ توت فى بعض ما ذكرت,
السيارات اليابانية فعلا لا وجود لها فى أوروبا تقريبا,
الولايات المتحدة هى سوقها الأساسية.
بس منقدرش نقول انها أحسن من الأمريكانى الا على صعيد توفير الوقود, و ده لأن محركاتها فى العادة أصغر.
لكن السيارات الأمريكية أفضل منها على صعيد المتانة و التحمل(أقول التحمل و ليس الاعتمادية) و القوة بالطبع.
و المحركات الكبيرة التى نجدها فى السيارات الأمريكية لا نجدها عادة فى بقية السيارات.
و صنع محركات كهذه ليس سهلا كما يظن البعض, بل ان صنع محرك كبير فقط هو معضلة تقنية, لهذا تفخر الشركات الأمريكية بذلك, و تدلل دائما على قدرتها على صناعة هذه المحركات, مثل محرك كاديلاك سيكستين الضخم الذى يتكون من 16 اسطوانة.
و تواجه الشركات الأمريكية ضغوطا كبيرة للتخلى عن هذا المنحى, على اعتبار أن النفط قد قارب على النفاذ, لذا فانه من غير المعقول أن نصنع سيارات تساعد على استهلاكه, بالاضافة الى تلويث البيئة بالطبع.
لكن للشركات الأمريكية نظرة أخرى, فهى تقول أنه مادام النفط قد قارب على النفاذ, فان فرصة قيادة سيارات مزودة بمحركات ضخمة و قوية لن تصبح متوفرة فى المستقبل القريب, لذا فعلينا أن نستمتع الأن, لأن الوقود الذى سوف يأتى مكان البترول, أيا كان, لن يوفر لنا القوة و المتعة التى يوفرها محرك البنزين الكبير.
و لذا تتعرض بعض سيارات هذه الشركات للنقد, فمثلا, و حسب ما عرفت من بعض أقاربى الذين يعيشون فى الولايات المتحدة, يوصف من يقود سيارة هامر الضخمة بأنه شخص غير متحضر و "أنانى" لأنه لا يعنى سوى بمتعته الشخصية و لا يهتم بمقدار استهلاك الوقود أو البيئة.
لكن مازالت الشركات الأمريكية تحارب للدفاع عن مبدأ القوة الأمريكية.
و عموما هناك سيارات يابانية لا بأس بها, مثل اللاندكروزر مثلا, فليست كل السيارات اليابانية سيئة, لكن الشركات اليابانية فى رأيى سيئة و تعتمد على الغش و الخداع و سرقة أفكار الأخرين, و لذا لا أحب شراء سيارة يابانية.

**tutankhamoun** · 16-05-2008 09:03 AM

فادي باشا .... منور

هو بس أنا ليه تعليق صغير

أنا مش بحب العربيات الأمريكاني خالص
طيب هاسألك سؤال
أيه فايدة عربية 4000 سي سي هاتوصلني لنفس المكان اللي هاتوصلني فيه عربية 1000 سي سي
خصوصا لو أنا مش محتاج القوة بتاع العربية

الأمريكان دول شعب مبذر جدا و أناني جدا و أستهلاكهم لكل شئ عالي و خصوصا البترول
و الإستهلاك العالي بيضر البيئة جدا و بيعمل على نفاذ ما نملكه من طاقة في وقت أسرع

و بعدين في حاجة أحنا كلنا مش واخدين بالنا منها
إن العربيات دلوقتي و خصوصا في أوروبا و أمريكا و اليابان عمرها لا يزيد عن 10 إلى 15 سنة و بعدين يتم تكهينهها
يبقى أنا أستفدت أيه من العربيات الأمريكاني اللي أنت بتقول مصنوعة من خامات أفضل من الياباني
أدام أن كدا كدا هارميها بعد 10 سنين ؟
يبقى لما أقارن عربية ياباني أو كوري بعربية أمريكاني
و ألاقي إن الياباني مثلا أنعم و موتورها بيوفر في البنزين عن الأمريكاني و تكييفها أفضل و خصوصا لو كنت في بلد حر
يبقى أشتري المناسب لأحتياجاتي بغض النظر بقى إن أمريكا هي اللي بتنافس ادام اليابان
صح و لا أنا غلطان يا باشا ؟؟؟
عموما أختلاف الآراء لا يُفسد للود قضية
و أنا برضه معاك إن فيه بروباجندا على الياباني
بس بروباجندا على تضخيم جودته امام الحاجات التانية و إنما يجب أن نعترف أنه الياباني جودته عالية .... علشان لازم الحق يتقال و لا نبخس الناس حقهم في ابداء رأي حقيقي بشأنهم
لأن اليابانيين كويسين في الصناعة و إن كانوا ليسوا الأفضل و لكنهم من الصانعين الممتازين

و شكرا مرة أخرى على سعة صدرك

**فادى** · 16-05-2008 09:58 AM

المشاركة الأصلية كتبت بواسطة tutankhamoun

فادي باشا .... منور

هو بس أنا ليه تعليق صغير

أنا مش بحب العربيات الأمريكاني خالص
طيب هاسألك سؤال
أيه فايدة عربية 4000 سي سي هاتوصلني لنفس المكان اللي هاتوصلني فيه عربية 1000 سي سي
خصوصا لو أنا مش محتاج القوة بتاع العربية

الأمريكان دول شعب مبذر جدا و أناني جدا و أستهلاكهم لكل شئ عالي و خصوصا البترول
و الإستهلاك العالي بيضر البيئة جدا و بيعمل على نفاذ ما نملكه من طاقة في وقت أسرع

و بعدين في حاجة أحنا كلنا مش واخدين بالنا منها
إن العربيات دلوقتي و خصوصا في أوروبا و أمريكا و اليابان عمرها لا يزيد عن 10 إلى 15 سنة و بعدين يتم تكهينهها
يبقى أنا أستفدت أيه من العربيات الأمريكاني اللي أنت بتقول مصنوعة من خامات أفضل من الياباني
أدام أن كدا كدا هارميها بعد 10 سنين ؟
يبقى لما أقارن عربية ياباني أو كوري بعربية أمريكاني
و ألاقي إن الياباني مثلا أنعم و موتورها بيوفر في البنزين عن الأمريكاني و تكييفها أفضل و خصوصا لو كنت في بلد حر
يبقى أشتري المناسب لأحتياجاتي بغض النظر بقى إن أمريكا هي اللي بتنافس ادام اليابان
صح و لا أنا غلطان يا باشا ؟؟؟
عموما أختلاف الآراء لا يُفسد للود قضية
و أنا برضه معاك إن فيه بروباجندا على الياباني
بس بروباجندا على تضخيم جودته امام الحاجات التانية و إنما يجب أن نعترف أنه الياباني جودته عالية .... علشان لازم الحق يتقال و لا نبخس الناس حقهم في ابداء رأي حقيقي بشأنهم
لأن اليابانيين كويسين في الصناعة و إن كانوا ليسوا الأفضل و لكنهم من الصانعين الممتازين

و شكرا مرة أخرى على سعة صدرك

أنا معاك يا أستاذ توت, المحركات الكبيرة فى هذا الزمن لم يعد لها مجال كبير, خاصة و أنه و كما يقول المراقبون لم يعد أمامنا سوى 40 سنة على الأكثر كى نودع عصر البترول.
لكن محرك أكبر و سيارة أكثر ثقلا تعنى فى النهاية : رفاهية أكبر, راحة أكبر(كلما كانت السيارة أكثر ثقلا كلما كانت أكثر راحة), احساس أفضل بالقوة يعطى للسائق احساسا بالتميز و الفخر.
لكن بالنسبة لى, فأنا لا أفهم مثلا لماذا يقدم شخص على دفع مبلغ نصف مليون فى سيارة فارهة, بينما يمكنه أن يتنقل بشكل مريح أيضا, لكن بشكل اقتصادى.
فى النهاية فان شراء سيارة هو أقرب الى "زواج الحب" و ليس "زواج العقل" لكثير من الناس, فالعاطفة التى تثير فى الناس حب الظهور و شغف التباهى بالقوة و الحجم تتحكم فى الكثيرين عند شراء سيارة.
فمثلا لم تظن أن سيارات ال4*4 تنتشر بهذا الشكل؟! مع أننى متأكد أنه فى مصر على الأقل, لا يقدم 99% ممن يشترون هذه السيارات الى التنقل فى الصحراء؟! مع العلم أن هذه السيارات تستهلك الكثير من الوقود و لا تتمتع بأى أداء رياضى ملفت سواء على صعيد السرعة أو الثبات.
فقط حب الظهور فان حجم هذه السيارات الكبير يجذب العديد من الناس لشرائها فقط لكى يشعرون بالتفوق على غيرهم من أصحاب السيارات الصغيرة, و هو شعور انسانى طبيعى.
لكن بالنسبة لى فأنا لا أحب سيارات ال4*4 مادامت لا أنوى الخوض فى الطرق الوعرة. انها مسألة أذواق فى النهاية و هناك من يعشق القوة و الراحة القصوى.

مشاهدة نتائج الإستطلاع: هل يوجد اختلافات جوهرية واساسيه بين السيارات اليابانيه؟

الموضوع: فروق بين السيارات اليابانيه

LinkBack

أدوات الموضوع

عرض

-

-

-

-

المواضيع المتشابهه

عيب مشترك فى السيارات اليابانيه؟

السيارات اليابانيه وهوندا علي رأسهم لا تزال الاقل تعرضا للاعطال

مؤامره على السيارات اليابانيه

هل كل السيارات اليابانيه مؤشر حرارتها فى المنتصف؟

الكلمات الدلالية لهذا الموضوع

المفضلات

المفضلات

ضوابط المشاركة