فروق بين السيارات اليابانيه

**ferfsh** · 09-10-2008 07:20 PM

I am with you 100%

**ouba2** · 18-10-2008 11:46 PM

طبعا مختلفين عن بعض

**youssefmustang** · 23-11-2008 12:26 PM

طبعا من الاحصائيات الامريكية ان السوبارو هى احسن السيارات اليابانية بدليل ان الوكيل اللى فى امريكا بيقول ان مبيعات سوبارو رهيبة مش لاحقيين على الزباين

**amr_naser** · 13-07-2014 06:39 AM

انا ليا رأى مع احترامى الشديد للجميع وهو ان كل عربية وليها شخصية مستقلة لكن لو ركبت اليابانى من اصغر عربية لاكبر عربية تلاقيهم متشابهين جدا وحتحس انهم واخدين من بعض وشبة بعض مع بعض الاختلافات اللى بتدى تميز للعربية اما الالمانى فده تحفة بجد كل عربية احسن من اختها والامريكى متشابهة جدا جدا اما من ناحية الاعتمادية فهو اليابانى ومن ناحية الرفاهية والتكنولوجيا فهو الالمانى ومن ناحية الراحة والقوة فهو الامريكى وبصفة عامة لو عاوز تحكم على عربية شوفها فى دول الخليج لأنهم بيهرسوا فى العربيات ويبهدلوها مع اهمال فى الصيانة تلاقى العربيات المعمرة جدا وحمالة الاسية هى اليابانى وتلاقى العربية اللى بتتلكك عشان تقف هى الامريكى

**kantofanto** · 15-07-2014 01:18 AM

المشاركة الأصلية كتبت بواسطة أبو عبدالله

مقولة دي ياباني اللي الناس زاعلانه منها هنا في المنتدى مقولة صحيحه لعدة اسباب
اولها ان المشكلة مش في العربيات
المشكلة في ان الادارة اليابانية من اكفأ الادارات في العالم واحنا لما درسنا الادارة عرفنا ان اليابانيين هما اللي بيصدروا الادارة للعالم وسمعنا قصص عن العامل الياباني بيعمل ايه في اجازاته وبيبقى عاوز يشتغل ده كله علشان الادارة جيده
وبما ان الادارة جيده ولا تتنازل عن مستوى معين للجوده ولا يسعون لكسب المال بطريقه مباشره يعني يحصل دلوقتي وبعد كده مش مشكله
فده من اسباب وجود مقولة كهذه ان دي ياباني زي كلمة دي الماني
وبعيد عن السيارات
انا عاوز حد يجيبلي حاجه ياباني مش من العربيات
مثلا من الاجهزة الكهربائية او اي حاجه تانيه ويقولي دي طلع فيها عيب او قعدت سنه وباظت
متلقيش
حاجاتهم معمره جدا
واسأل اللي كانو في الخليج من السبعينات والثمانينات وعندهم أجهزة ياباني لحد دلوقتي شغله

طيب انا هقولك
احنا اشترينا ثلاجه سانيو من سنه 1982
الثالجه دي بتعمل بنظام النو فروست يعني نظام هواء ساقع وليس ثلج
الثلاجه دي معرفنهاش في مصر الا في اواخر التسعينات كده
والثلاجه لو شفتها وشوفت تقفيلها وخاماتها والله هتفتكر انها بكثير بقالها سنتين ثلاثه فقط

وبرضه عندنا ماكينة خياطه برضه تويوتا اشتريناها في نفس السنه تقريبا برضه
الماكينه دي بتعمل كل حاجه تخطر على بالك في الخياطه لحد تركيب الازرار
بتركبلها اقراص زي الأسطمبه كده وهيا تشتغل عليها
مش هقولك على خامتها عامله ازاي
لأ اسمع صوتها وهيا بتشتغل بس
حاجه تحفه

طيب دول من سنه كام وشغالين لحد دلوقتي ازاي

والله انا عندي قطار صغير مكتوب عليه صنع في الياباني ايام ما كانت في العاب ياباني
القطر ده بيعمل حاجه غيربه جدا ولحد دلوقتي مش عارف ايه سرها ومش بتوقف ولا تخلص
القطر ده لما يمشي بيعمل دخان من المدخنه بتاعته
ازاي مش عارف
طيب من سنة 80 لحد دلوقتي الدخان ده مش بيخلص او يقف لا
طب ليه برضه مش عارف طب ازاي مش عارف برضه

فبعد ده كله وحد يقولي مفيش حاجه اسمها ياباني
يبقى معلشي لم يجرب اي حاجه ياباني لفترات كبيره

**ahmzd** · 29-07-2014 05:46 PM

أعتقد أن الاختلافات بين السيارات اليابانية لا تذكر
ربما تكون الاختلافات واضحة أكثر في السيارات الأوروبية عموما والألمانية خصوصا اللهم إلا التوائم مثل السي إيليزيه وال 301 ، وكذلك توائم فولكس مثل التوليدو والبولو سيدان والرابيد
إنما إذا تمت المقارنة بين المرسيدس والبي إم والأودي كشركات ألمانية صِرْف سنجد اختلافات كثيرة جدا .. والله أعلم.