سؤال بسيط: ليه الفرامل متمسكش فى الاربع عجلات بدل العجلتين الاماميتين !!!!

**Mahmoud Nagieb** · 24-05-2011 10:52 PM

أستاذ MMamdouh ..... بحيى حضرتك طبعا جدا جدا على الافادة والمعلومات الجامدة اللى حضرتك قولتها بس انا ليا كام تعقيب:

المشاركة الأصلية كتبت بواسطة MMamdouh

نيجى للحتة المهمة... ليه عجل ورا مش بيقفش زى قدام؟؟

دة عنصر امامن مهم فى العربية... لو عجل ورا قفش قبل عجل قدام حيبقى اكنك رفعت الهاند بريك و انت ماشى... فى الحالة دى بيبقى العجل الخلفى متوقف عن الدوران و بالتالى مش بيوجة مؤخرة العربية للامام و ضهر العربية بيبقى عندة حرية انة يتحرك بعيدا عن الخط المستقيم اللى العربية كانت ماشية فيه و دة اللى بنقول علية "ضهر العربية بيعوم" و بيبقى خارج عن السيطرة و ممكن يسبب ان العربية تلف حوالين نفسها

طبعا فقد التوجية دة بيحصل لما العجل المامى بيقفش برضة بس هنا العربية بتكمل فى خط مستقيم لان مازالت العجلات الخلفية بتلف و بتفرمل فى نفس الوقت فا بتحافظ على السير فى خط مستقيم لكن لو العجلات الخلفية قفشت و عجل قدام مفرمل العربية حتلف منك اكن ضهر العربية بيحاول يسبق مقدمتها و طبعا دى حالة خطيرة ممكن تؤدى الى حوادث وخيمة

MMamdouh

اعتقد انه من الصعب ان عجل ورا يقفش قبل قدام لان ضغط الزيت هيوصل لفرامل العجل الامامى قبل الخلفى (بفرق صغير طبعا) وده بحكم طول مسافة وصلة الفرامل الخلفية

انا الحالة التانية ده مش متخيلها بصراحة ... لان العجل الخلفى اساسا اتجاه ثابت وهو خط مستقيم ... ولما يجى يقفش مع الفرامل الامامية ساعتها مش هيكون فيه توجيه علشان العجل الامامى متوقف عن الحركة وبرضه الخلفى متوقف عن الحركة وساعتها العربية هتمشى فى اتجاه القصور الذاتى بتاعها .... يبقى لما الفرامل الامامى تقفش ساعتها مش هتفرق العجل الخلف قافش او لا .. صح كده ؟

**MMamdouh** · 25-05-2011 02:17 PM

المشاركة الأصلية كتبت بواسطة essamenen

مفيش اى مشكله يا جما عه الإختلاف في الرأي لا يفسد للود قضية انا فعلا ماخدتش بالى من موضوع انحراف العربيه لو ماشيه على التراب والاسفلت اى فيهم الى هتقفش بس فعلا انتا معاك حق فى ذلك بس انا برضو بتكلم فى موضوع فرق الاحتكاك بين الارض الكوتش وعلاقتهم بانغلاق الفرامل انا احترم رائكما لكن غير مقتنع بيه (الموضوع لها علاقه بقوانين نيوتن ) انا اسف اذا كنت ضايقت اى احدا و الى القاء فى مشاركه اخرى

طيب ليه مش عايز تكمل معانا الحوار و توضح الاسباب اللى مخلياك مقتنع بوجهه نظرك؟؟؟... مهو دة الهدف من المنتدى فى الاصل و الافادة بتيجى من عرض و تبادل وجهات النظر... صح ولا انا بتكلم غلط؟

MMamdouh

**MMamdouh** · 25-05-2011 02:19 PM

المشاركة الأصلية كتبت بواسطة Mr_7oda

بما انى عرفت ان الفرامل بتمسك الاربع عجلات يبقى فعلا المفروض ان الهاند بريك لما يترفع وانا دايس على الفرامل ملهوش اى تأثير ..... بس انا حصلى موقفين على الواقع وكان ليا تأثير لما رفعت الهاند ... اخرها لما كنت باللوجان وكبست فرامل لما شفت مطب وبعديها بفترة قليلة روحت رافع الهاند العربية ساعتها هدت جامد ... وكان فيه برضه موقف مشابه بالعربية الشاهين وبرضه لما برفع الهاند بحس ان الفرامل الخلفية بتمسك اكتر ... ازاى معرفش

رفع الهاند بيقوى الفرامل الخلفية لان هنا انت بتاثر ميكانيكيا على الفرملة الخلفية بشكل مباشر على عكس فرامل الرجل اللى بيحصل تعديل لضغط الزيت اللى رايح لفرامل ورا عشان العجل ميعملش lock بالتالى بيبقى فيه فرصة انك تزود القوة الفرملية اللى بتولدها العجلات الخلفية من خلال رفع الهاند الا ان دة فيه خطورة كبيرة

MMamdouh

**MMamdouh** · 25-05-2011 02:39 PM

المشاركة الأصلية كتبت بواسطة Mr_7oda

اعتقد انه من الصعب ان عجل ورا يقفش قبل قدام لان ضغط الزيت هيوصل لفرامل العجل الامامى قبل الخلفى (بفرق صغير طبعا) وده بحكم طول مسافة وصلة الفرامل الخلفية

لو فراملك الخلفية دسكات و الارض بتزحلق سنة و فيه اى خلل فى بلوف تعديل الضغط حيحصل الكلام دة

الديسكات زى ما شرحنا اقوى من الطبلة و زحلقة الارض مع ميل وزن العربية للامام بيقلل تماسك العجل الخلفى و بيسهل فرصة حصول lock و لو البلوف فيها مشكلة و الضغط زاد عن اللزوم العجل ورا حيقفش

فرق المسافة بين الماستر العمومى و العجل المامى و الخلفى مش كفاية عشان يوازن بين توزيع الضغط بين عجل قدام وورا و الا مكنوش عملوا بلوف تعديل الضغط

انا الحالة التانية ده مش متخيلها بصراحة ... لان العجل الخلفى اساسا اتجاه ثابت وهو خط مستقيم ... ولما يجى يقفش مع الفرامل الامامية ساعتها مش هيكون فيه توجيه علشان العجل الامامى متوقف عن الحركة وبرضه الخلفى متوقف عن الحركة وساعتها العربية هتمشى فى اتجاه القصور الذاتى بتاعها .... يبقى لما الفرامل الامامى تقفش ساعتها مش هتفرق العجل الخلف قافش او لا .. صح كده ؟

[QUOTE]
كلامك صح نظريا بس عمليا جسم العربية مش خاضع لاى نوع من انواع التوجية بالتالى اى مطب صغير او شوية تراب او اى حاجة حتاثر على تماسك عجلة من العجلات حتخللى العربية تنحرف حوالين محورها فى اتجاة الناحية اللى تماسكها قل... صحيح هى مش حتلف حوالين نفسها بس حتنحرف شوية حواين محورها

بص من اول 2:36 عشان تشوف مثال للى قصدى علية... حتلاقى العربية عرضت شوية يمين و الاربع عجلات عاملين lock

YouTube - ‪Bosch ABS - The advantage‬&rlm;

MMamdouh

**MMamdouh** · 25-05-2011 03:03 PM

مثال اوضح لانحراف العربية لما الاربع عجلات تعمل lock... بص من اول الثانية 0:23

YouTube - ‪ABS‬&rlm;

MMamdouh

**ashouhdy** · 25-05-2011 03:18 PM

ممدوح فى الفيديو الاولانى انت بجد عقدتنى من عربيتى عشان مفيهاش abs !!!!!!!!!! مش حسوق تانى !!

ملحوظة كدة : بيضربوا فرامل غلط فى الفيديو .... انا عمرى ما بضرب دبرياج مع الفرامل خاااااالص حتى لو كبست فجأة .... ياترى اية العيوب و الممبزات ؟؟؟ انا بحس من غير دبرياج الفرامل اقوى

**MMamdouh** · 25-05-2011 03:51 PM

المشاركة الأصلية كتبت بواسطة ashouhdy

ملحوظة كدة : بيضربوا فرامل غلط فى الفيديو .... انا عمرى ما بضرب دبرياج مع الفرامل خاااااالص حتى لو كبست فجأة .... ياترى اية العيوب و الممبزات ؟؟؟ انا بحس من غير دبرياج الفرامل اقوى

هما طبعا بيضربوا فرامل بشكل خاطىء لان اولا محدش بيهبد فرامل بالمنظر دة و يعمل lock كدة... الفرملة الصح هى طريقة الthreshold braking:

YouTube - ‪ABS vs. No ABS - Episode 4‬&rlm;

هما بيتعمدوا يدوسوا دبرياج لانهم بيتعمدوا يفرملوا بقوة شديدة و يعملوا lock عشان يبان فرق الABS من عدم وجودة بالتالى لازم يدوس دبرياج عشان الموتور ميبطلش... و جزء برضة من القصة دى عشان يبينوا فرق فى مسافة التوقف بين الABS و عدم وجودة و على فكرة انا كاتب التعليق دة فى الفيديو اللى على يوتيوب... انزل تحت شوية حتلاقى التعليق باسم mmamdouh75

لكن بشكل عام الفرملة بدون ضغط دبرياج افضل عشان تستفيد من فرملة الموتور

MMamdouh

-

-

-

الموضوع: سؤال بسيط: ليه الفرامل متمسكش فى الاربع عجلات بدل العجلتين الاماميتين !!!!

LinkBack

أدوات الموضوع

عرض

-

-

-

-

-

-

-

المواضيع المتشابهه

سؤال بخصوص الفرامل ودواسة الفرامل؟؟؟؟

هل نظام abs يلزم وجود ديسكات فى الاربع عجلات؟؟

سؤال بسيط لخبراء الفرامل

سؤال : هو ايه الفرق بين الفرامل الديسك و الفرامل الطبلة ؟

بوش في العجلتين الخلفيتين.

الكلمات الدلالية لهذا الموضوع

المفضلات

المفضلات

ضوابط المشاركة