الموضوع: بلال فضل عن صبحي صالح يتحدث : حسبى الله ونعم الوكيل

المشاركة الأصلية كتبت بواسطة hagan

حينما يتحدث صبحي صالح في ندوة فأكيد اللي حاضرين له من اتباعه
و اكيد هو بيوجه كلامه لناس عارفين ما قبل الكلام ايه و ما بعده ايه
و لما يقول ان فيه بعض الشباب اللي من شباب ( الاخوان ) يعني كلامه لا يعني بلال و لا غيره لا ينتمي للاخوان
الراجل بيوجه كلامه لشباب الاخوان بدليل انه بيقول انه بيجيله و احد ( فلوطة ) يقول له انا هخطب واحدة ( اكيد يعني علشان حبها ) و قال له انها مش من الاخوات بس هتبقي منهم ( يعني هتنضم للجماعة ) بعد خطبتها له و هوه بيستنكر ده لانه مش شرط البنت تنضم للجماعة بمجرد ارتباطها بالفلوطة اللي هوه ( اخ من انصار الاخ صبحي صالح )
يعني الموضوع لا يهم احد من خارج الجماعة المعروفة بأسم الاخوان المسلمين و اي فطن اكيد يستنتج ان الكلام كان علي ان بنات كتير من بنات الجماعة اللي هما طبعا معروفين و مزينين ( اي جامعة بخمارهم او نقابهم ) و طبعا السلعة دي اليومين دول لا تجذب شباب كتير علي شاكلة فكر ناس زي بلال فضل فهو كاتب سيناريو سينيمائي و غيره كاتب قصص بتاعة كذا و كذا
زي بالظبط لما جد شاب بضفيرة و سلسلة في رقبته يجمع الابناء و الاحفاد و يقول لهم يا ولاد ( كذا ) لو واحد فيكم خرج بره و اتجوز واحدة مش من بنات عمكم و الله لاحرمه من الميراث منطق الراجل ايه دي مش بتاعتنا ( هوه حر هوه و ابنائه و احفاده ) هما اللي ينتقدوه او يجرموه لان كلامه ليهم همه مش لحد تاني
يجي بقي جارهم اللي سمع الموضوع يدخل و يقول له يا اخي اتقي الله انته ظالم بنقول عليه ايه الجار ده بنقول عليه ( حشري ) و غتت و بيدخل نفسه فيما لا يعنيه ( هوه ماله ) الراجل و ولاده و براحتهم مع بعض و عندهم ناس مثقفين ايضا زي جارهم الفاضل اللي اتحشر بدون لازمة لان الجار ده اصله مش شيخ الجامع يعني
ارجو بقي من كل واحد مش من داخل الجماعة الا يتدخل في كلام ناس جالسة في ندوة تخصهم و بيهبلو مع بعض و بلاش نفسنة من الاعلام علشان كل شوية تيجي سيرة الاخوان و السلفيين في اي موضوع غريب و السلام
و لو الناس اللي تتبع هذه الجماعات و منضمين لها صدقا لو ركزو لمنتقديهم في كلامهم و حياتهم و الله ليطلعولهم بلاوي سودة
فأرجو ان يهتم كل انسان بشؤونه الخاصة و بسلبيات الفكر الذي ينتهجه و يحاول ان يصلح منه و يبطل الاعلام بقي تسليط الضوء علي الاخوان و السلفيين و يهتمو بالبناء في البلد
ارحمنا يا رب من الهم ده بقي

م.حاتم السباعي

أول حاجة ....... هو قال بنفسه واحد فلوطة يقولي فيه واحدة كويسة و متدينة و بنت ناس ...... يعني هو بنفسه قال إن المعيار مش التدين ولا كونها بنت ناس ..... لأ المعيار هي من الاخوان ولا لأ


«أَتَسْتَبْدِلُونَ الَّذِى هُوَ أَدْنَى بِالَّذِى هُوَ خَيْرٌ» ...... يعني المتدينة بنت الناس إلي مش من الاخوان في مرتبة أقل ..... من إلي المتدينة بنت الناس إلي من الاخوان



تاني حاجة ...... سقراط بيقول تكلم حتى أراك ....... دة شخصية عامة ...... و قيادي في جماعة شهيرة و عريقة ...... يعني كلامه محسوب عليه ......


ببساطة ...... كلام صبحي صالح إنعكاس لفكره و مبادئه و لفكر و لمبادئ الجماعة إلي بينتمي ليها ...... إلي بتمارس التمييز و الإقصاء ...... حتى في الجواز


إلي مش معنا ...... حتى لو مسلم متدين ...... أقل مننا ...... و إلي ضدنا ....... علماني


و بعدين مش فيه مواضيع هنا في المنتدى ...... هاجمت شخصيات عامة بمنتهى العنف ...... عشان بس قال رأيهم و ذكروا الاخوان في كلامهم


خلاص ..... حرية ...... من حقي أنا كمان انتقد مواقف الشخصيات العامة


و فعلاً ارحمنا يا رب من الهم دة ...... أمين

المشاركة الأصلية كتبت بواسطة hagan

اقسم بالله ان المسجد اللي كنا بنصلي فيه في رمضان اللي كان ناوي يعتكف مثلا كام يوم يجب ان ترسل قائمة بالاسماء لامن الدولة و لو اللي معتكف تحت الخمسين بيتعمل عليه تحريات لحد عمله او لو شاب في الجامعة بيتعمل ملف ليه و غيره و غيره

م.حاتم السباعي

مش الاخوان بس يا م.حاتم الي كان بيحصل فيهم كدة ...... هما أكتر طبعاً من أي حد


بس أنا نفسي كانو بياخدوا كل بياناتي قبل كل إعتكف في رمضان ...... و في سنة من السنين محضرتش رمضان عشان كنت مسافر برة مصر


وصلني انهم سألوا علي ماجتش ليه السنة دي ...... أحسن أكون رحت جامع تاني ولا حاجة :)))))))


كانت أيام سودة ...... ربنا ما يرجعها أبداً ...... قول أمين المرة دي :)))))

المشاركة الأصلية كتبت بواسطة hagan

اخي الكريم
تشبيه حضرتك اتوقع مبالغ فيه جدا و يتنافي تماما مع الواقعتين
اولا الراجل بتاع الداخلية يعمل لدي الشعب
ثانيا هوه سب و قذف الشعب
و قالها صريحة بعد كل هذا ان الشرطة سيد الناس باين
( يعني سب و قذف صريح يعاقب عليه القانون )
( بيتحدث عن الشعب و كأنه حشرة و يجب ان يضرب بالجزمة )
بعد اذن حضرتك ايه اللي جاب السب و القذف و الكلام البذئ ده
لرجل يتبع جماعة معينة
يتحدث لشباب هذه الجماعة و يدعوهم و يحثهم بطريقة ظريفة او فيها استظراف انهم ينتبهو لبنات الجماعة اللي هما اولي لهم
و ليه اولي يا اخي الفاضل ( هشرح لحضرتك و جهة نظري )
شاب مثلا عاوز يتجوز واحدة منتقبه ( هوه كده متربي علي كده اهله و علمه قالولو كده و اكيد دي مش قضيتنا ) لما يجي يدور يروح يدور في النوادي و الشوارع علي بنت متبرجة بدون حجاب حتي بس مسلمة و موحدة بالله و قريبة من الله حتي اكثر من المنتقبة يروح يدور هناك و يقول مهو بعد لما اخطبها هتبقي تنتقب طيب لو لم تنتقب يا عم هترضي بيها كده ( طبعا لا ) يبقي الموضوع اكيد هوه اللي حكم عليه الاول بالفشل
كذلك هؤلاء الناس كانو بيسمو بالجماعة المحظورة و الله الذي لا اله الا هو انهم كانو بيستباحو من مندوبين الشرطة حتي و المخبرين و اي واحد معدي امام القسم ( رجال نساء ) يجي بقي الشاب من دول يروح يحب علي النت او في الجامعة او في الاسرة و يرتبط بأنسانة علي خلق و كل حاجة بس لا تعرف يعني ايه ان ممكن زوجها و هوه مروح يتمسك بالليل في كمين و يروح علي القسم كده غلاسه و لا انه معمول له حاجه اسمها ( ملف ) و لا هيترقي في عملة لدرجات معينة و لا هيسمح له انه يعيش عيشة كريمة كل هذا ليه
لانه في حاجة اسمها جماعة الاخوان المسلمين او شاب بيتبع المنهج السلفي يا اخي الكريم
اقسم بالله ان المسجد اللي كنا بنصلي فيه في رمضان اللي كان ناوي يعتكف مثلا كام يوم يجب ان ترسل قائمة بالاسماء لامن الدولة و لو اللي معتكف تحت الخمسين بيتعمل عليه تحريات لحد عمله او لو شاب في الجامعة بيتعمل ملف ليه و غيره و غيره
كل ده اهل الشباب و الشابات اللي في الجماعة متعايشين معه ليل نهار و عارفين كويس اوي تبعات الانضمام لمثل هذه الجماعات و لن تغضب البنت من خطيبها لو اتعمل ليها و لاهلها ملف لو اتخطبت لفلان لان اصلا اما هيا نفسها ليها ملف في الجامعة او بتروح مركز زي الارقم تحفظ قرأن مثلا فأيضا بيكون ليها ملف و غيره و غيره
عارف حضرتك الاعتراض علي كلام الراجل ده بصراحة في غير محلة
يعني عمرنا مثلا ما سمعنا الاخ بلال فضل بيعترض علي الفتانة فلانة و لا الراقصة زفتانا و هيا بتقول انا لما هتنيل اتجوز لازم اتجوز من الوسط ( ليه يا ست ) علشان انا فنانة و لازم يقدر تعبي و فني و لو مش من الوسط مش هيبقي متفهم ده
هوه فيه ايه يا جماعة هوه احنا بندور ليه علي بعض
اي انسان مهما بلغ علمه له اخطاء و الا لما سميت دنيا
و اي عالم دين حتي سلفي و لا ازهري و لا اخواني و لا وسطي
اكيد عنده غلطات كتير لا تعد و لا تحصي
احنا لا نأله احد و لا ننكر الصح
و لو الاخ صبحي كان غلط و الله كنت هقول انه غلط او علي الاقل لا اعلق علي غلطه
انما اني ادير و جهي للحقيقة علشان انا مش من الناس دي فهذا هو التحيز الغير مقبول
عموما انا شرحت لحضرتك وجهة نظري
و ايضا لا اوافق ابدا علي المقارنة اللي حضرتك و ضعتها
و لك خالص الشكر
و نسيت اقول لحضرتك اني غير اخواني و لكني كنت اري زملائي ايام الجامعة في كلية الهندسة و اعلم يعني ايه ان تكون بنت من الاخوان
و المتحدث اللي هوه صبحي عارف ده كويس و العجيب ان اللي جالس امامه في الندوة عارفين كويس

م.حاتم السباعي

يا افندم أنا انتقدت الرأي القائل بوجوب عدم التعليق على ما يقال بالمجالس التي لا يحضرها سوى أعضاءها، ده أولا

موضوع طبيعة الكلام اللي اتقال في حد ذاته دي قضية أخرى كان واجب عليه أن يراعيها إذ أنه وفقا لما تفضلت حضرتك بشرحه من المضايقات الأمنية التي كان يتعرض لها الإخوان المسلمين فإنه لن يكون أمام الشاب الإخواني غير أن يتزوج من فتاة إخوانية حتى يمكنها تحمل أسلوب حياته الذي يغلب عليه الاعتقال والاحتجاز والملاحقة، يعني الموضوع مش محتاج إنه يوصيهم بكده، ثم إن فتيات الإخوان لما يتصفوا به من أخلاق لن يبورن إذا عف عنهم شباب الإخوان بل سيجدن الكثير من الشبان غير الإخوانيين الذين يطمحون فيهن كزوجات بسبب خلقهن وحسبهن وعلمهن

يبقى بالتالي كان الواجب عليه يعرف إن كلامه محسوب عليه وحتى لو عاوز يهزر ينقي كلامه، هذا هو الموضوع لا أكثر ولا أقل وهو انتقاد موجه لشخصه وليس للجماعة التي ينتمي إليها ولا غضاضة في الاعتراف به - سواء منه أو من الإخوان أو حتى ممن يميلون إليهم سياسيا -

نقطة ليه بلال فضل لم ينتقد كلام فلانة أو علانة: أعتقد لإن دول ناس ساقطين أصلا، ولا يعلق على (تصريحاتهم)، إنما التعليق يكون على كلام الناس اللي لها وزن فعلا