تقرير عن اسبرينزا 516 موديل 2011

**egypt0777** · 05-06-2011 02:07 AM

المشاركة الأصلية كتبت بواسطة samehsalem

كل العيوب دي وعملوها تاكسي ...سبحااااااااااااان الله

اولا سائق التاكسى ده بتاع الاحلال كان كبيره

زستافا -- داتشيا - 1100 و

طبعا لما يركب عربية تكيف وبور وازاز كهرابا يبقى راكب مكوك

بس للامانه اطلع ابو رواش وشوف سواقين التوكوسا زى الغلابه هناك ازاى والوا

**esam722** · 05-06-2011 03:06 AM

المشاركة الأصلية كتبت بواسطة king516

مع احترامى الكامل ليك انا معايا العربيه ومعايا كمان سيراتو بتاعه اخويا الصغير غير ال28 اقدم عربيه عندنا
اقسم بالله ان اللى انت بتقوله ده عن ال516 مش موجود عندى خالص خالص ولا كلمه من اللى انت بتقول عليها دى حصلت اللهم ان تيل الفرامل بيصفر كل فين وفين و عداد البنزين مكنش مظبوط واتظبط غير كده كل كلامم مبالغه فى مبالغه وانا اسف فى اللفظ يعنى ممكن حضرتك تكون كاره العربيه ومش عايز تحاول تصلح اللى فيها وممكن يكون سوء استعمال منك لكن ارجع واقول انا مش بكدبك لأن ده احتمال تكون حاله فرديه وانا عربيتى موديل 2010 وعامله 14 الف كيلو يااستاذى وكمان المفاجأه ان السيراتوا لسه متغيرلها مقص + 2 مساعدين من يومين !!!!!!!!!!!!!!1

بلاش الكلام ده هيتقال انك تبع ابو الفتوح

**king516** · 05-06-2011 10:34 AM

المشاركة الأصلية كتبت بواسطة esam722

بلاش الكلام ده هيتقال انك تبع ابو الفتوح

ههههههههههههههههههههههه والله انا اكتر واحد بيلعن اليوم اللى شاف فيه ابوالفتوح وسنينه بس مش بلعن العربيه ده الفرق بس وعلى فكره انا بعت ايميل لشركه شيرى الأم هناك بشكى من الوكيل المصرى ( ابوالفتوح ) بسبب سوء مستوى الصيانه والخدمه وغير كده كل مااروح هناك لازم اشتم وازعق واهزء اسم ابو الفتوح ده هناك عشان اخد حقى ( للأسف هو ده الحل الوحيد مع التوكيل ) وبعد كده تقولى تبع ابو الفتوح

**islam_6110** · 05-06-2011 02:09 PM

على فكره يا جماعه انا معايا 516 موديل 2011 ls الصراحه انا مش شايف فيها عيوب غير البنزين و كنت راكب قبلها شيفروليه سبارك و ولدى معاه نيسان 2011 و حمايا معاه ياريس 2008 و كارنز2011 مش برتاح غير فى ال 516 و الله على ما اقول شهيد انا شايف انها عربيه ممتازه بالنسبه لفلوسها و ملحوظه العربيه مش بتاعة شقاوه

**king516** · 05-06-2011 04:50 PM

الله على كلامك يااستاذ اسلام فعلا احييك عليه مش عشان بتشكر فى العربيه لالالالا علشان انت جبت الخلاصه لأى كلمه تتقال

العربيه = الفلوس المدفوعه فيها

**egypt0777** · 05-06-2011 05:12 PM

المشاركة الأصلية كتبت بواسطة islam_6110

516 و الله على ما اقول شهيد

خلاص يا عم احنا حنحارب و لا ايه

قلبك ابيض

خلاص مصدقينك

**islam_6110** · 05-06-2011 05:16 PM

اصل الصراحه انا معجب بالعربيه على الرغم ان ظروف عملى تجبرنى على 100 كيلو تقريبا يوميا

**Ruin Scud** · 05-06-2011 08:08 PM

مع عدم امتلاكي للسياره ولكن بصفة ان قريبي معاه العربيه دي وكتير جدا بنسافر بيها وبسوقها احب اقول ان العربيه في مجملها كويسه بمعنى مجمل لكن لو حبيت تتطلع القطط الفطسانه فيها هاطلع بس كعربيه هي جميله بالرغم من بعض العيوب الفنيه البسيطه اللي فيها.
انما العيوب اللي بتتقال دي صعب جدا انك تلاقيها كلها متجمعه في عربيه واحده الا لو واحد قعد يزاكر من على النت ويعمل كوبي وباست للعيوب من اكتر من موضوع في موضوع واحد يعني هاتلاقي عيب او اتنين منهم.
واحب اضيف ان العربيه دي عيبها الوحيد انهم عرفو الناس انها صيني لو كانت اي ماركه تانيه زي اشفروليه الأفيو او الأوبترا كانت الناس ها تتكتم شويه عشان الماركه.
بس ده مايمنعشي انها فيها عيوب بس مش حاجه مميته يعني واللي معاه العربيه دي يقدر يستمتع بيها وربنا يباركلو
وحاجه احب اني اقولها مافيش عربيه زيرو في فئة ال 100 الف مافيهاش عيوب اللي يقول غير كده يبقى لسه مافهمش.

**ALshahba** · 05-06-2011 08:24 PM

البلد الوحيده اللي لسه عامله جدال حول الصيني بصفة عامة والاسبيرانزا بصفة خاصة هي المحروصه مصر....ليه معرفش !!!!
محدش قال انها خالية من العيوب لكن مافيهاش العيوب المميته اللي موجوده مثلا فى اي نوع تاني سعره بيعدي 90-100 الف!!! يعني تخيل لو انك اشتريت عربيه من ماركه معينه مشهوره ومحبوبه (بالسعر السابق) وبعد كام شهر رحت تغير لها مقصات !!!! لو رحت تغير لها جلب وكاوتشات عفشه مثلا او بعد سنه رحت تغير لها طنابير امامي (عن تجربة فى سياره الماني اوكتافيا2010) وتلاقي تمن الطنابير اكتر من 2000 جنيه !!!!! ومع ذلك تبلع لها الزلط !!!!
ياريت تبلع للسبيرانزا الزلط وتحمد ربك عليها وتعرف ان ده تمنها مع انها جيده جدا وتستمتع بيها وبعد كده ربك يرزقك وتركب الالماني او الياباني او الامريكي او الفرنساوي
(وتغيرلها قطع غيار وتبلع لها الزلط)

ودمتم سالمين

**king516** · 06-06-2011 12:08 AM

والله ياجماعه الواحد فعلا فعلا فرحان بلى بيقراه ده لأن فعلا والله العربيه متستهلش الهجوم الكاسح اللى بيتهاجملها الا ( لو حالات فرديه زى ايجيبت )

وانا عايز اقول حاجه يمكن محدش هيصدقها لكن والله ده اللى بعمله
هو انى من حبى للعربيه دى بعدل فيها من حوالى 5 ايام بتعديلات وكماليات جايبها من الصين اون لاين زى الdvd الأصلى بتاعها اللى بيركب مكان الكاسيت + 2 dvd مخادع وهيجولى قريب جدا جدا وكمان بعمل محاوله انى اجيب طاره مالتى فانكشن بتاعت شيرى وارككبها برده والحمدلله كل حاجه خلصت الا موضوع الطاره ده بحاول واشوف هينفع ولا لأ واول مااركب الحاجات دى هرفع الصور واورهالككم وقريب جدا هركبلها زينون و تعديل عتب وكساحات و وتبقى احسن عربيه ركبتها فى حياتى لأنى رغم ان اخويا الصغير عنده سيراتوا هاى لاين وبركبها لكن شهاده لله مبرتحش فيها خالص والمسأله كلها ازواق وراحه نفسيه