يا ريت لو غلطان أعرف غلطان فى ايه؟؟؟

**Osama_I** · 04-06-2011 06:54 PM

المشاركة الأصلية كتبت بواسطة mmharoun

متابع وكان الله فى عونك يا اسامة

السلام عليكم و رحمة الله و بركاته
متشكر جداً على شعورك.
خد بالك انت من الهرم و انا كمان من الهرم ....اى حد يعرفنى بيتبهدل و بيتهاجم....

**heshamzaky** · 04-06-2011 04:00 AM

أستاذ أسامة بص حا اقولك كلمتين بصراحة شديدة الموضوع من بدايتة انك تعمل أستطلاع و تقول هو انا غلطان و لا أنا مش غلطان بصراحة شديدة أنا يمكن اكون مش مقتنع ان دة السبب الحقيقى للسؤال و الغرض . و كون أنك تنزل صور للعربية بالعيوب الى فيها أنا ممكن أكون مفسرة غلط يمكن أكون مفسرة أنة نوع من أنواع الدعاية الغير أيجابية للعقيد خالد عارف لو كنت نزلت الصور للعربية قبل ما يتحط فيها مسمار و لا يتدق عليها شاكوش ممكن أقول كدة عادى
رايى يحمل الخطأ أو الصواب
و لو العقيد خالد بيقولك أرسل حد ياخد باقى المبلغ مش تعنت معاك أنت اكيد حا تتفهم أنة لازم يعمل كدة منعا للقيل و القال و أنا قولت لك لو انا شخصيا حا اقولك تنورنى أو حد من طرفك ينورنى و حا أسلمة المبلغ بايصال و انزل صورة الايصال فى نفس الموضوع زى ما حضرتك نزلت صور لبعض الفواتير و الاوراق
حضرتك مش عاوز ترسل حد لية مش لازم تروح بنفسك اية المانع و لو ما بعتش حد او روحت بنفسك يبقى أنت الى بتتعنت معاة دة رأيى بمنتهى الصراحة

**heshamzaky** · 06-06-2011 12:14 AM

المشاركة الأصلية كتبت بواسطة heshamzaky

أستاذ أسامة بص حا اقولك كلمتين بصراحة شديدة الموضوع من بدايتة انك تعمل أستطلاع و تقول هو انا غلطان و لا أنا مش غلطان بصراحة شديدة أنا يمكن اكون مش مقتنع ان دة السبب الحقيقى للسؤال و الغرض . و كون أنك تنزل صور للعربية بالعيوب الى فيها أنا ممكن أكون مفسرة غلط يمكن أكون مفسرة أنة نوع من أنواع الدعاية الغير أيجابية للعقيد خالد عارف لو كنت نزلت الصور للعربية قبل ما يتحط فيها مسمار و لا يتدق عليها شاكوش ممكن أقول كدة عادى
رايى يحمل الخطأ أو الصواب

أستاذ أسامة بجد أنا عندى حب أستطلاع علشان أعرف الاجابة عن السؤال دة و أبعد تماما عن الدخول فى المواضيع المادية لآنها أتحلت تقريبا بس أية الغرض من الموضوع بالشكل الى اتعرض بية لو مش عاوز تجاوب لا تجاوب دة حقك أنك تمتنع عن الاجابة و مفيهاش أى حاجة بس عندى حب استطلاع فعلا أنى اعرف السبب للموضوع

**Osama_I** · 06-06-2011 01:02 AM

المشاركة الأصلية كتبت بواسطة heshamzaky

أستاذ أسامة بجد أنا عندى حب أستطلاع علشان أعرف الاجابة عن السؤال دة و أبعد تماما عن الدخول فى المواضيع المادية لآنها أتحلت تقريبا بس أية الغرض من الموضوع بالشكل الى اتعرض بية لو مش عاوز تجاوب لا تجاوب دة حقك أنك تمتنع عن الاجابة و مفيهاش أى حاجة بس عندى حب استطلاع فعلا أنى اعرف السبب للموضوع

السلام عليكم و رحمة الله و بركاته
أستاذ هشام مع إن حضرتك مرديتش عليا فى أى مشاركة "ده حقك " بس مش مشكلة أنا حرد عليك :
بعيد عن الماديات العقيد خالد شخصية محترمة جداً و كان ليا تعامل معاه فى عربيتى الشخصية قبل كده و كان شغلها 100% و عندك فى الموضوع الإعلانى 70 صفحة شكر على الشغل الممتاز يعنى عندك مقومات ورشة ناجحة "شكر الناس + الذمة و الضمير" و مقومات الزبون المثالى " وقت + فلوس "
يبقى إزاى العربية تطلع مش مظبوطة؟؟؟؟؟

حتقول قطع الغيار صعبة
جـ - مفيش صنايعى بيغلب يعنى حاجة التويوتا بتركب على المتشوبيشى و النيسان.

حتقول كنت بعمل شغل فى ورش بره
جـ - بتستلم منه الشغل على الشعرة "لما عملت شغل فى عربيتى الخاصة العقيد خالد سمكر و أحمد قدورة رش"
ثم انا شخصياً لما بعمل شغل فى ورشة ممكن الورشة تضحك عليا فى الفلوس لكن الشغل على الشعرة.

انا مسئول عن شغل ورشتى بس
جـ - الحوض مش مظبوط مع انك مغير رفرفين و كبوت

حتقول الوقت مكفاش
جـ - العربية كانت عندك 7 شهور

يبقى بعد ده كله لازم فى سبب أنا معرفوش يبقى لازم أعمل الموضوع ده علشان لو أنا قصرت فى حاجة او كان فى سبب أنا معرفوش لازم توضحهولى "سواء العقيد خالد أو الأعضاء"
ثم انا لو عايز أشهر بالعقيد خالد كنت عملت الموضوع من غير أسماء كنت سمعت أحلى كلام بس أنا قصدت احط الأسماء علشان اى حد قبل ما يقول حاجة يبقى عارف بيتكلم عن مين و عن شغل مين.
العقيد خالد + ورشة محترمة + شكر الناس + الوقت + فلوس + ؟؟؟؟؟؟؟؟؟؟؟؟؟؟؟ = شغل مش مظبوط

ياريت حد يعرف يكمل المعادلة الغريبة دى و أكون شاكر

**Osama_I** · 04-06-2011 07:02 PM

المشاركة الأصلية كتبت بواسطة mhmdalsaadany

يا جماعه حرصا للمصلحه العامه انا اقترح ان الاستاذ كريم "كفاية إحراج و تعب للأستاذ كريم" يحاول يشوف ميعاد اجازه الاستاذ اسامه ويحاول يصلح الموضوع معاه هو والعقيد خالد طالما الفندق حسابه خلص واخد السياره واصبح خارج الموضوع تقريبا يبقى الموضوع بين الاستاذ اسامه والعقيد خالد اصبح حاليا شخصي ونحاول نوفق بينهم ونطرد الشيطان والعند دا

وخيرهم الذي يبدأ بالسلام " انا ابتديت بحسن النيه و معظم المنتدى غلطنى كمان ابتدى السلام علشان أخد على قفايا .

على العموم رأيك يحترم.

**heshamzaky** · 04-06-2011 04:47 AM

المشاركة الأصلية كتبت بواسطة samoreception

وسيبك من كلام اى حد بيتحامل عليك لان والله انت كده عداك العيب وبعدين هوه كل واحد اتعمل معاه واجب فى رش باب ولا اكصدام يدخل يقول انك غلطان وانك لازم تاخد الفلوس بنفسك وتدخل فى حوارات
وفى الاخر لقيت العكس وطبعا هلاقى هجوم على رائى ده بس من الاخر انا بقول كلمه حق وميهمنيش اى حاجة تانى وربنا يعوضك

مش معنى أنك تقول رايك تقول أن كل واحد اتعمل معاة واجب فى رش باب و لا أكصدام حا يغلط صاحب الشكوى .
كلامك بة نوع من التلميحات الغير مقبولة لانك تقصد أن كل واحد عمل شغل عند العقيد خالد حا يدخل يحامى لة و السلام و ينصرة سواء كان العقيد خالد صح و لا غلط .
أنت كدة بتغلط فى كل الناس و بتشكك فى مصداقية كلامهم .

**samoreception** · 04-06-2011 06:59 AM

المشاركة الأصلية كتبت بواسطة Dr_ElSioufy

!!! الصراحه توقعت ان الموضوع انتهى بعد ما إدارة المنتدى عملت تقرير بمنتهى الأمانه والضمير
والمشرفين اقتطعوا من وقتهم وجهدهم عشان يوصلوا للحل الأمثل ومع ذلك ؟؟!!!
يرفض العقيد انه يسلم الفلوس لكريم منير !!!
ويصر بالشهود والوصولات !!!
طب ليه ؟؟؟

طب كان لزمتها ايه كل التعب ده وفي الاخر حضرتك برضو مكبرتش حد و مصمم تعند!!
عقيد خالد لك مني كل الاحترام الواجب ولكن الاسلوب ده وحش جدا جدا فحق كل الناس اللي حاولت مشكوره انها تحل الموضوع وتتوسط مابينكم و لو سيادتك ليك وجهة نظر اخرى او شئ في نفسك مخليك تعند بالشكل ده كنت تتفضل تقوله لكن فعلا العند ده غير مبرر غير انك عاوز ترد الصاع صاعين وضربت بقرار لجنه حكماء المنتدى عرض الحائط !