الموضوع: يا ريت لو غلطان أعرف غلطان فى ايه؟؟؟

المشاركة الأصلية كتبت بواسطة dr_elsioufy

و في ردود للاعضاء تحرق الدم
وحسبنا ونعم الوكيل في كل شيطان أخرس يكتم كلمة الحق

؟؟؟؟؟؟؟؟؟؟؟؟؟؟؟؟؟؟؟؟؟؟؟
اين هي الشياطين الخرساء يا دكتور
كل يقول ما يري انه الصواب من وجهة نظره
اما رمي من يخالفك الراي بأنه شيطان اخرس فهو امر غير مقبول بالمرة

المشاركة الأصلية كتبت بواسطة samoreception

استاذ اسامه انت مش غلطان من بعد ما الاستاذ كريم صاحب المنتدى حكم والعقيد مرديش بالحكم ومرديش يكبر استاذ كريم ويديلوه الفلوس بصراحة انا لو مكانك تولع الفلوس 1650 وانا هدفعهم من جيبى الشخصى وربنا يعوض عليا بجد
وسيبك من كلام اى حد بيتحامل عليك لان والله انت كده عداك العيب وبعدين هوه كل واحد اتعمل معاه واجب فى رش باب ولا اكصدام يدخل يقول انك غلطان وانك لازم تاخد الفلوس بنفسك وتدخل فى حوارات
والله انا كنت فاكر من بعد ما الاستاذ كريم بيقول انى العقيد رفض يديلوه الفلوس انى هلاقى هجوم على العقيد ويغلطوه على موقفة وفى الاخر لقيت العكس وطبعا هلاقى هجوم على رائى ده بس من الاخر انا بقول كلمه حق وميهمنيش اى حاجة تانى وربنا يعوضك

اولا : اعرف ان الناس هنا مش مستنية واجب يتعمل معاها فى حاجة
وياريت كعضو جديد تعرف الاعضاء اللى بتتكلم عليهم الاول اللى بقالهم فى المنتدى سنين ويعدين تعلق

المشاركة الأصلية كتبت بواسطة omaroof

بصراحه انا شايف حاجات غريبه بتحصل ومحاباة بعض الاشخاص للعقيد اللى حضرتكو بتتكلمو عليه
1- الكل بيغلط الاستاز صاحب الموضوع على حسن النيه وكأننا عايشين فى غابة والمحترم فيها مالوش مكان
2- انا لو مابعرفش فى العربيات وعضو فى منتدى محترم وشوفت شخص الناس بتشكر فيه اكيد حاثق فيه ولو عندى حاجه فى العربيه اكيد حاكلمه على طول
3- واحد ظروف شغله انه يبقى بعيد عن مكان التصليح ليه كل شويه يراجع الورشه الورشه تخلص شغلها وبعدين استلم وبعدين انا بدفع فلوس يعنى اللى العربيه محتجاه المفروض الورشه تجيبه موش انا اللى انزل ادوره على القطع اللى عاوزها
4- العربيه فيها 1-2-3-4 عاوز كام اتفقنا على الفلوس وتوقيت الاستلام خلص الموضوع اتصل بصاحب الورشه يقولى معلش اصلى موش لاقى حاجات للعربيه مشكلته موش مشكلتى امال كنا بنتفق على ايه؟
اعضاء كتير تعاملت مع سياده العقيد وطلع شخص محترم وشغله تمام كدا 100% لكن لو رحت بعربيه تانيه تخص اخوك او قريبك وسيادة العقيد عمل شغل موش ولابد يبقى ايه الحل؟؟؟؟؟؟؟؟؟؟؟؟؟؟
كل الاعضاء بتتكلم على شغله عملها او معرفته بالعقيد على المستوى الشخصى ودى حاجه كويسه بس احنا موش ملائكه وكلنا ممكن نعك فى شغلنا سواء عن قصد او غير قصد بما فينا سيادة العقيد فياريت بلاش دفاع لمجرد المعرفه صاحب الموضوع حاطط صور وتواريخ
لقد صدمت من رد العقيد وعباره حاديك فلوسك بوصل واتنين شهود والسبب انه معندهوش استعداد يوقف فى بريد ولا اى طبور عشان يرد الفلوس ولم يعلق عليها احد من الاخوه الاعضاء الا قليل
وسؤالى هنا الفلوس اللى حضرتك استلمتها وكانت مبعوته على البريد ماكنتش بتقف طابور عشان تاخدها ( اتقى الله)
# وصدمت اكتر بالتقرير اللى عمله الاخ المحترم كريم منير وتقاسم الخطأ 50% الى 50%
والمفروض خطأ الاستاز صاحب الموضوع 10% ماعرفش خلتهم 50% ليه وبغض النظر عن اسباب حضرتك اللى انا مختلف معاك فيها 90% الا انى شايف انك موش عاوز تزعل حد وعاوز تراضى الاتنين
على العموم الى الاخ صاحب الموضوع فماتزعلش وتعويضك عند الله وبصراحه انا متعاطف معك جدا رغم احترامى لاعضاء المنتدى بس انا مقتنع بالى انته عملته لانى لو مكانك كنت حاعمل زيك فلا تلومن نفسك على شئ واتركها لله
وكلمتى للاخ العقيد مع احترامى لشخصه حاول تخلص الموضوع وتجنب دعوة مظلوم حتى لو ماكنش مظلوم من وجهة نظرك
ولا حول ولا قوة الا بالله

ارجو اعادة قراءة الموضوع للمزيد من التفهم لبعض الجوانب