الموضوع: يا ريت لو غلطان أعرف غلطان فى ايه؟؟؟

بص حا اقولك على حاجة أنا مردتش فى المشاركات الا فى بعض النقاط و قولت صاحب الشأن هو الى يرد لانى مش فى الموضوع و لا حا أرد ردود ممكن جدا و زى ما حصل الناس حا تفهمها انى بدافع عنة دفاع مستميت علشان مثلا اعرفة و عملت عندة شغل قبل كدة علشان كدة ما قولتش الا المواقف الى حصلت معايا .
حا أححكى لك موقف حصل معايا أنا شخصيا مع العقيد خالد و والله حا أقولة زى ما حصل بالظبط
زى ما كنت كاتب قبل كدة العربية عندى اتخبطت من فترة السنة الى فاتت و رحت الحرفين و وديتها للراجل الى أنا رشيت العربية عندة قبل كدة المهم السعر كان غالى و كلمت العقيد خالد و السعر طلع اقل من سعر الراجل الى أنا أعرفة مش دى القصة الاساسية
بعد ما خلصت العربية و أستلمتها و مشيت أنا لقيت أن الاكصدام كان ناقص فية زى حتت صاج كدة من الجانبين هما الى بيمسكوة كلمت العقيد خالد على الموبيل و قولت لة قالى حا اشوفهم لك و طبعا العربية أشغل فيها نفرين السمكرى و بتاع الدوكو حد قالة مكنش راكب الصاجة دى وواحد تانى قالة بعدها كل حاجة كانت فى العربية أتلمت و أتحطت جوة العربية أنا من هواة التصوير بصورة رهيبة عارف قبل ما الراجل التانى يقولة العربية كل حاجة فيها أتحطت فى العربية أنا راسلت العقيد خالد بس بعت لة الصور الى فيها حتت الصاج دى بس على الخاص مش على العام و الراجل كان بين نارين الزبون بيقول كان راكب و الصنايعى واحد قالة مكنش راكب قالى هات العربية أنا حا اتصرف و بعدين لما الصنايعى الاخر قالة الحاجة كلها أتلمت داخل العربية زى مثلا فرد الكلاكس ما كانتش راكبة و هو الحقيقة قالى نجيب كهربائى و لا اية و قالى أن الاسعار أغلى من برة شوية و هو عارف انى بعرف أشترى حاجات للعربية عندى باسعار كويسة يعنى كان قلبة عليا علشان ما أدفعش فلوس زيادة فى الحرفين أنا الى قولت لة لآ ما تقفلش الكهرباء و أنا حا اتصرف المهم لما الصنايعى الاخر قالى الحاجة داخل العربية أنا دورت فى العربية و المفاجأة أنى لقيت كل حاجة ملمومة حتى الفوانيس البلاستيك الى متكسرة تحت الكرسى بس بعد ما الولد الى فى الحرفين نظف الدواسات كانت مغطية من عند الكرسى و أنا الى ما شوفتش الحاجة و ما دورتش كويس
المهم كلمتة و قولت لة يا باشا الحاجة كلها موجودة و أنا الى ما اخدتش بالى و روحت عندة ركب الحتت الصاج و قولت لة فية كهربائى نركب الكلاكس بالمرة نادا على كهربائى و وصاة و الراجل ركب الكلاكس و اللمض التالفة غيرها و اخد كلام فاضى منى كأجر بسبب التوصية الجامدة .
الى عاوز اوصلة أنى حتى لما لقيت حاجة غلط و كنت أنا الى غلطان فعلا لانى ما دورتش بس ما عرضتش المشكلة على العام و راسلتة على الخاص و بجد لما لقيت الحاجة تحت الكرسى كنت فى منتهى الاحراج و الراجل فعلا كان صادق جدا جدا جدا معايا السمكرى قال لة مثلا الحاجة كلها أتحطت فى العربية و بعد كدة برضو سأل بتاع الدوكو قالة ما كنش فية حاجة راكبة يعنى لا بتاع الدوكو كذب و لا السمكرى كذب و لا العقيد خالد تنصل منى و قالى لآ مكنش فية لما ما كنتش لاقيهم قالى تعالا ملكش دعوة حا أتصرف
عرفت انا بعزة لية و لية كنت بقولك حتى لو فية مشكلة أحلها مع الشخص بينى و بينة