الموضوع: القول الفصل فى عنوان مركز الصفا للكربراتير

المشاركة الأصلية كتبت بواسطة أبو صلاح

ممكن تكتبلنا اسم الموقع بتاعه

اتفضل
El Safa Service

بالمناسبة يا أبو صلاح أنا زعلان منك علشان انت بقالك مدة مطنش رابطة البرايد

أنا رايح بكرة إن شاء الله مركز الصفا علشان اظبط الكربراتير والعفشة وحابلغكم بالمستجدات لما أرجع

الحمد لله روحت المركز وشغل الناس كان مرضى وكويس بالنسبة ليا بس الحلو ما يكملش بالنسبة لاسعارهم هم غالين حبتين ..... ومعلش يا جماعة انى اتأخرت عليكم إن شاء الله حاكتبلكم بالتفصيل عن اللى حصل فى المركز

أنا اسف على التأخير بس أنا فعلا نسيت انى المفروض اكمل الموضوع

على العموم زى ما قلت الناس كانت كويسة فى التعامل وفى الشغل وفى الادوات الموجودة... ومن ساعة ما عملت العربية فى شهر 6 ولغاية اما بعتها من اسبوعين العربية ادائها اتحسن جدا فى استهلاك البنزين والسحب وراحت كل الاعراض القديمة من تفحم البوجيهات ورعشة فى الغيار الأول والتانى هو بس المؤاخذة الوحيدة عليهم اسعارهم مكلفة شوية يعنى انا دفعت فى الليلة دى حوالى 220 جنيه بس مش فاكر تفصيلتهم قوى باين 100 كشف ودى بتختلف من عربية للتانية و40 جنيه بوجيهات يابابنى ngk والباقى مصنعية فك وتنضيف الكربراتير وتغيير اكس ومش فاكر ايه تانى .

بالنسبة للى حصل فأنا روحت للناس من الساعة 10 وكان فيه قبلى 3 عربيات دخلت وسجلت اسمى فى سيستم عندهم وبيديلك ورقة مكتوب فيها المشاكل الشائعة للكربراتير وانت تعلم على اللى عندك وبعدين تروح تنتظر فى عربيتك أو فى الاستراحة وهى مكيفة وفيها تلفزيون وبتطل على مكان ما ركنت عربيتك .

بعد كده بيجيلك واحد مهمته يكشف على العربية ويبص على الورقة ويتكلم معاك شوية عن المشاكل وده غالبا عامل زى بتوع الكنترول يعنى يعرف المشكلة ويبلغ الصنايعى ويتابع وراه الشغل ..... بيجيلك بعدها الصنايعى يشتغل فى العربية وفى حالتى فك الكربراتير كله ودخل بيه ورشة لانه كان خلصان على الاخر وقعد حوالى ساعة ونص وبعدين رجع ركب وحطلها جهاز كده بيركب فى الشكمان وبيقيس بيه نسبة العادة وبناء عليه بيظبط هوا الموتور وطلعنا اخدنا جولة طويلة بالعربية علشان نشوف لو لسه المشاكل موجودة أو فيه أى ملاحظات وبنرجع تانى يعدل فى الحاجات دى وبعد ما كله يبقى تمام تدخل تحاسب وتمشى وأنا خلصت كله كله على الساعة 2

وليك متابعة مجانية فى خلال اسبوعين للشغل وأنا روحتلهم بعدها باسبوعين فعلا والعربية وكشفنا على العربية وقلتله على الملاحظات وبص على البوجيهات ووصل الجهاز على الشكمان تانى وكان كله تمام والحمد لله ومن ساعتها نسيت الكربراتير ده خالص ومخليتش حد يلعب فيه اساسا حتى اللى اشترى منى قلتله اياك تخلى حد يقرب للكربراتير علشان ما يبوظش الدنيا

مع احترامى لكل كلامك بس هما اسعارهم مش غالية بالمقارنة بالشغل اللى بيتعمل من غير اى تخريب
ناس شغالة فى الكربراتير و الانجيكشن و كمان ميكانيكا و عفشة جميع موديلات السيارات وشغلهم 10/10 انا بتعامل معاهم من حولى 7 سنين وجربت غيرهم علشان استرخص لكن للاسف طلعوا بيبوظوا مش بيصلحوا وطبعا رجعت ليهم تانى ومن بعدها اى حد عايز يعمل اى شغل بوديه هناك