القول الفصل فى عنوان مركز الصفا للكربراتير

**Omar_H** · 30-09-2011 11:18 PM

ماحدش يا رجالة عارف يوصفلي اروحه إزاي من مدينة نصر ؟ أنا محتاج أروح فعلا إن شاء الله

**Lion_Heart** · 30-09-2011 11:47 PM

المركز ده سمعته كويسة
استفسار على الماشى
هل لو كشف على عربية و شاف ان العربية محتاجة تغيير رشاش هل عنده رشاشات للعربيات المختلفة و لا بيطلب منك تشترى رشاشات و هوه يركبها ؟؟؟

**أحمد الجندى** · 01-10-2011 12:17 AM

المشاركة الأصلية كتبت بواسطة omar_h

ماحدش يا رجالة عارف يوصفلي اروحه إزاي من مدينة نصر ؟ أنا محتاج أروح فعلا إن شاء الله

كان نفسى افيدك بس أنا مش عارف اوصف السكة من مدينة نصر

**أحمد الجندى** · 01-10-2011 12:19 AM

المشاركة الأصلية كتبت بواسطة lion_heart

المركز ده سمعته كويسة
استفسار على الماشى
هل لو كشف على عربية و شاف ان العربية محتاجة تغيير رشاش هل عنده رشاشات للعربيات المختلفة و لا بيطلب منك تشترى رشاشات و هوه يركبها ؟؟؟

هما عندهم مخزن فيه قطع غيار فممكن ما تحتاجش تشترى حاجة من برا

**أحمد الجندى** · 01-10-2011 12:25 AM

المشاركة الأصلية كتبت بواسطة ahmedfouad88

مع احترامى لكل كلامك بس هما اسعارهم مش غالية بالمقارنة بالشغل اللى بيتعمل من غير اى تخريب
ناس شغالة فى الكربراتير و الانجيكشن و كمان ميكانيكا و عفشة جميع موديلات السيارات وشغلهم 10/10 انا بتعامل معاهم من حولى 7 سنين وجربت غيرهم علشان استرخص لكن للاسف طلعوا بيبوظوا مش بيصلحوا وطبعا رجعت ليهم تانى ومن بعدها اى حد عايز يعمل اى شغل بوديه هناك

أنا برضو كنت اتقرصت من بتوع الكاربراتير اللى فى السواح والمفروض بناء على كلام الميكانيكى اللى ودانى ليهم ان ده معقلهم بس طلعوا مش قد كده ودفعت 70 جنيه فك وتنضيف وتغيير وبرضو مفيش نتيجة .... حتى الراجل المشهور فى شبرا بعض الناس فى المنتدى بقوا بيشتكوا من شغله ومعاملته

**Omar_H** · 01-10-2011 10:36 PM

المشاركة الأصلية كتبت بواسطة المناور

كان نفسى افيدك بس أنا مش عارف اوصف السكة من مدينة نصر

ألف شكر يا باشا كتر خيرك و يا جماعة أي حد يقدر يوسفلي العنوان من مدينة نصر يا ريت مايبخلش بالمعلومة

**zastaffa** · 02-10-2011 09:52 AM

هو احنا بأه هنسيب أصل الموضوع ونقضيها هنروح ازاي؟؟؟وهنخوش منين ونركب أيه؟؟؟والساعة كام؟؟؟؟؟؟؟
وبعد مكنا جايين من طريق الاسماعيلية ........لأ......رجعنا في كلامنا وبقينا جايين من العباسية!!!!!! لا والنبي مدينة نصر!!!!!!!!! ولا أقولك مصر الجديدة..........طب عليا الطلاق بالهرم
مش كده يا جدعان والنبي نركز في الموضوع الأصلي شويه....مينفعش والله كده حرام.....الواحد دماغه لفت لفه سوده!!! وعدينا كعب داير علي كل مناطق مصر ونسينا أننا عاوزين نصلح كاربيراتيرتنا
مع أن والله أكتر من واحد طلعوا ووصفوا الطريق والمكان بوضوح جدا
دانا حتي نسيت السؤال اللي كنت عاوز أسأله!!!!!!!!!!

**Omar_H** · 02-10-2011 12:58 PM

المشاركة الأصلية كتبت بواسطة zastaffa

هو احنا بأه هنسيب أصل الموضوع ونقضيها هنروح ازاي؟؟؟وهنخوش منين ونركب أيه؟؟؟والساعة كام؟؟؟؟؟؟؟
وبعد مكنا جايين من طريق الاسماعيلية ........لأ......رجعنا في كلامنا وبقينا جايين من العباسية!!!!!! لا والنبي مدينة نصر!!!!!!!!! ولا أقولك مصر الجديدة..........طب عليا الطلاق بالهرم
مش كده يا جدعان والنبي نركز في الموضوع الأصلي شويه....مينفعش والله كده حرام.....الواحد دماغه لفت لفه سوده!!! وعدينا كعب داير علي كل مناطق مصر ونسينا أننا عاوزين نصلح كاربيراتيرتنا
مع أن والله أكتر من واحد طلعوا ووصفوا الطريق والمكان بوضوح جدا
دانا حتي نسيت السؤال اللي كنت عاوز أسأله!!!!!!!!!!

و مالك محروق كده ليه مش فاهم !!! إنت أساسا مش مشارك في الموضوع ولا ليك أي مداخلة فيه !!! إيه اللي مزعلك !!! و بعدين أما تتكلم تتكلم بأسلوب عدل لا أنا وجهتلك كلام ولا جيت قلتلك إنت قولي أروح منين !!! أنا بأسأل سؤال وانا حر عايز تجاوب ماشي مش عايز عنك ما جاوبت إنما أعد ساكت و متتكلمش كلام ملوش أي لازمة !!!

**أحمد الجندى** · 02-10-2011 02:24 PM

المشاركة الأصلية كتبت بواسطة zastaffa

هو احنا بأه هنسيب أصل الموضوع ونقضيها هنروح ازاي؟؟؟وهنخوش منين ونركب أيه؟؟؟والساعة كام؟؟؟؟؟؟؟
وبعد مكنا جايين من طريق الاسماعيلية ........لأ......رجعنا في كلامنا وبقينا جايين من العباسية!!!!!! لا والنبي مدينة نصر!!!!!!!!! ولا أقولك مصر الجديدة..........طب عليا الطلاق بالهرم
مش كده يا جدعان والنبي نركز في الموضوع الأصلي شويه....مينفعش والله كده حرام.....الواحد دماغه لفت لفه سوده!!! وعدينا كعب داير علي كل مناطق مصر ونسينا أننا عاوزين نصلح كاربيراتيرتنا
مع أن والله أكتر من واحد طلعوا ووصفوا الطريق والمكان بوضوح جدا
دانا حتي نسيت السؤال اللي كنت عاوز أسأله!!!!!!!!!!

أنا مش فاهم ايه لازمتها المداخلة دى ؟ وليه الطريقة دى فى الكلام ؟ الراجل بيستفسر ازاى يروح المركز وده من صميم الموضوع ممكن كذا حد ساكن فى نفس مكانه ومش عارف يروح والرد عليه يفيدهم .... ثم اصلا لو لاحظت حتلاقينى فاتح الموضوع اساسا علشان عنوانهم لانه بيتوه شوية وأنا نفسى توهت لما جيت اروحلهم واضطريت اتصل بيهم علشان اعرف اوصل يعنى الكلام عن تقييم المكان جزء فرعى من الموضوع واخيرا أنا حاعمل ابلاغ بمشاركة مسيئة لان المداخلة فى غير محلها وطريقة كلامك مش كويسة وحاتتسبب فى خلاف مالوش أى داعى

**ABOASSEM** · 02-10-2011 04:00 PM

المشاركة الأصلية كتبت بواسطة omar_h

ألف شكر يا باشا كتر خيرك و يا جماعة أي حد يقدر يوسفلي العنوان من مدينة نصر يا ريت مايبخلش بالمعلومة

بص يا سيدي ولا تزعل نفسك والاخ اللي كتب التعليق نعذرة ممكن يكون مضايق من حاجة المهم ولو انته جي من مدينة نصر خد طريقك الي ميدان الحجاز وكمل علي طول زي متكون رايح علي شىرتون مطار هتعدي ش عمار بن ياسر وهيبقي يمينك ستاد وسور الكلية الحربية تلف من اول يوترن علي طريق السندباد اخرة الكوبري خش من تاحتة هتلاقي مدخا الحلرفيين في وشك هتخش سنه يمين في اول يوترن هتعدي ش جمال عبد الناصر وتكمل علي طول وهتلاقي سنتر الشروق للسيراميك علي يمينك وبعد كدة عمارات الفاروقية علي شمالك امامها بنزينة كالتكس خش في الشارع اللي بعدة
واسال علي المركز الف من يدلك وبالتوفيق انشاء الله :b4_388:

الموضوع: القول الفصل فى عنوان مركز الصفا للكربراتير

LinkBack

أدوات الموضوع

عرض

-

-

-

-

-

-

المواضيع المتشابهه

يا ريت القول الفصل فى الفيات ال 126

ما هو القول الفصل فى بيجو 206

القول الفصل فى استهلاك byd

القول الفصل نيسان ولا اوبترا

عاوز القول الفصل في زيت العربية

الكلمات الدلالية لهذا الموضوع

المفضلات

المفضلات

ضوابط المشاركة