الموضوع: هل تلتزم بالحارة المرورية؟؟

يا جماعة إنتو جيتو فى أكتر موضوع بعصبني في السواقة، وأنا موش جاى من المريخ علشان ما كونش عارف إن فى قانون مرور لا يصلح للتطبيق في مصر وفي قانون شارع ماشي لكن معناها إيه إن على المحور ومحور أكتوبر المركزي تبقى ماشى أقل من سرعة الطريق
( سرعة الطريق هنا هو متوسط سرعة معظم سرعة السيارات المحيطة بيك ) وشاغل حارتين "ماشي وسطهم" وكمان موش عاوز توسع ويبوصلك على إنك مريخى مجنون عاوز تموت نفسك " مع نظرة بالهاء لا معنى له" ......... أو إنك تكون ماشى فى طريق ذو حارتين وعلى الشمال مثلا وفي على يمينك سيارتين نقل المتقدم منهم أبطأ من التى بالمؤخرة ولكن بينهما مسافة تحتاج لوقت أطول بكثير من الوقت الذى تحتاجه أنت لتجاوزهما مع فيأتي فى اللحظة الحاسمة وياخد الشمال ويسيبك تتحرق من وراه عادي جداً ( بس ساعات لو كنت كاشف الطريق وحافظه بأسرع بأخذ اليمين وأعدى من يمينه يمكن يتحرق دمه هو ) ..... بس أظرف حاجة بلاحظها على المحور أو الطرق المفتوحة إنه لو كان فاضى وواحد مثلاً على اليمين فأول ما تبتدى تعدى من شماله تلاحظ فى معظم الأحوال إن العربية إلى على يمينك تبتدى تقرب من خط الحارة بتاعتك ودى من فيسيولوجيا السواقة فى مصر
"Good Drivers Just Drive"
"Safety Comes First"