الموضوع: ثبات اللوجان

مع الاعتذار للجميع.

ليه كل المناقشات الحاده ده ولا احنا بنحب كده.

اكيد اللى معاه اى عربيه شايفها احسن عربيه فى الدنيا و بلاش بقى حد يقول لحد خليك منطقى والكلام ده يعنى انت معاك دكتوراه فى ميكانيكا السيارات او فى التسويق و لا هى فهلوة.

اذا كان الدفاع او الشكر فى اى عربية لرفع مقامها او لزيادة تسويقها هو الهدف من هذه المناقشات فده خدعة كبرى لانه لن يفيد ونتيجته صفر يا حضرات.

كن ايجابى لتشعر انك تعيش - وكن محترم لتعيش مرفوع الرأس - وكن هادىء لتصل لما تريد.

والسلام ختام و الله هو الهادى

اظبط ضغط هواء الكوتش لآنه بيسسب ده والعربيه زيروا بيبقي الضغط من 45الي 55والمفروض 30

المشاركة الأصلية كتبت بواسطة inspiron

بلاش أسولب الإستعطاف ده.إحنا كنا بنتناقش في حاجة مينفعش فيها نقاش من أصله وحاجة معروفة زي الشمس.أسلوبك مكنش متحضر في الكلام مع أعضاء بقالهم سنين في المنتدي وخبراء.وقولت إنك سوقت عربيات ألماني بعدد شعر راسنا.ومتعرفش إن اللي هاجمتهم مالكين العربيات دي أساسا.أعوذ بالله من قولة أنا.عربيتي سكودا فانتازيا وبي إم 523 .وقبلهم كانت أوكتافيا a4 وأوبل فيكترا 98 ومرسيدس e200 ...إيه رأيك..ألماني دول ولا بنجلاديش؟؟؟ أنا بكلمك عن نفسي بس.مش هكلمك عن الأستاذ خالد أيمن اللي إنت هاجمته شر هجوم.ومش هقولك الراجل ده ركب كام عربية ألماني لسنوات طويلة...في مبدأ لازم تبقي عارفه.إن كلهم عربيات علي 4 عجلات وماشيين علي هوا.لكن صوابعك مش زي بعضها.ومينفعش نقول علي عربيات من فئة سعرية عالية جدا وكمان ألماني وفيها كل ما تتخيله من تكنولوجي الثبات وعوامل الأمان وخصوصا لما يكونوا مرسيدس وبي إم ...إن اللي راكبهم بيعدي 120 بالعافية لما يكون في هوا....!!!!! طيب ده كلام يتقال؟ وهختم كلامي معاك بحاجة صغيرة.خالد أيمن كان سايق عربيته أوكتافيا a5 والعجلة ضربت منه علي سرعة 140 وعلي ملف.........تفتكر العربية حصلها إييييييييييييه.؟؟؟؟؟ بلاش أنا أقولك.هو يقولك أحسن.

انا مش عيل صغيرعلشان استعطف من حد فيكم انا قولت اللى قولته ومبرجعش فى كلام انا واثق منه انا ليا اللى شوفته ويا عم مبروك عليك الاربع كاوتشات بتوع العربيات ومبروك كل الالمانى اللى انت ركبته ودول المانى مش بنجلاديش لا المانى اجدع ناس يا عم علشان ما تزعل

انا عايز ااقول حاجه انا بعشق الالمانى جدا جدا جدا جدا لكن كل الناس فاكرانى بكرهه والله العظيم يمين يحاسبنى الخالق عليه انا بموت فى اى عربيه اسمها المانى بجميع انواعها

انا اتكلمت فى نقطه انا مقتنع بيها وشوفها بعينى وبعدين يا استاذى الموقر انا مقولتش ان الالمانى بتجيب 120 بالعفيه لكن انا كنت سايق عربيه مرسيدس c200 وكنا ماشيين على طريق السخنه وكان فى هوا جامد صاحب العربيه كان معايا كنت ماشى كاسر ال 180 /190 وكنت طاير والعربيه مكلبشه فى الارض وجينا فى منطقه كده معينه لقيت فى هوا جامد صاحب العربيه قالى اهدى نزلت لل 140 وقالى اهدى كمان نزلت 120 وقالى خليك زى ما انت سألته ليه قالى الهوا مهما كان كويس والعربيه بتقدر تستفيد منه ممكن يضرها المهم قعدت بقى زيكم كده من غير فهم ولا اى حاجه يا عم دى المانى يا عم دى المانى يا عم دى المانى وتكنولوجيا وبتمسك فى الارض وبتكلبش وبتخلى الهوا بتاعها قالى زى ما فى هوا بتسفيد منه ممكن يضرك فى حركه بسيطه لكن العربيه كان عندها استعداد انها تقفل امبير وفى هوا لكن ممكن فى ظرف بسيط الاقى نفسى انا واللى معايا يا اما فى المستشفى يا اما بتقروا عليا الفتحه

شوفوا مش انا قاعد بتخانق معاكم على ان الهوا بيأثر على العربيات مهما كانت لكن اقسم بالله لو كانت العربيه دى بتاعتى مكنتش حطيت فى بالى وكنت جبت بيها 240 وكسرتها كمان لكن العربيه مش بتاعتى وزى ما انا اخاف على فلوسى بخاف على فلوس غيرى

يا جدعان اكبر دليل على كده انى فى مره كنت مسافر باللوجان بتاعتى القاهره وكنت ماشى 160 وكان فى هوا ومنزلتش على كده لانى حاسس ان العربيه ثابته الحمد لله كانت ثابته وكنت بغرز بيها ومتقوليش لأ الحمد لله انا بحب الجرى بعقل مش بهبل ولكن لما تكون عربيه مساعداك بتجرى ومابتعملش حساب للظروف وبرجع ااقول انا سوقت المانى كتير والحمد لله كنت بمشى 200/220 ومكنتش بحس انى ماشى بسبب ثبات العربيه لكن انا كان ليا وجهه نظر لكن للأسف محدش احترمها لدرجه انكم خليتونى اغلط فى ناس انا مقتنع انهم ناس محترمين وفى قمه الزوق لكن انا برجع ااقول انا ممكن اكون غلطان لكن حد فيكم من الاول جه وقالى لا اللى انت بتقوله ده غلط وادى الاثبات على كده ؟ مفيش حد اتكلم بهدوء كله دخل زى القطر يا عم دى المانى يعنى لو حبيت تتقلب بيها مش هتتقلب يا عم ده الهوا والبتنجان ولو فى اعصار كمان

انا تجربتى حكيتها لكن انا عمرى ما سوقت قبل التجربه دى المانى وحسيت بالهوا لكن مع دى حسيت جايز ممكن يكون من العربيه ولان صاحب العربيه امرنى بكده لكن انا مش بفتى انا قولت كلامى عن تجربه وممكن حد يقدر كلامى ويفهمه ويقولى انت جايز يكون عندك واحد فى الميه صح لكن برجع ااقول اجدع ناس ( منتدى نايل موتورز ) واجدع ناس اصحاب الالمانى اللى مشرفينا هنا فى قسم اللوجان

برجع ااقول انا اسف استاذى احمد خالد وبأسف لكل انسان انا غلطت فيه فى ساعه شيطان

ولو هيريحكم انى اطلع غلطان انا معنديش مانع اطلع غلطان فى معلومه بس اكسب ناس محترمين زى حضراتكم ( مش خوف ههههههههههههههههههه )