الموضوع: ثبات اللوجان

المشاركة الأصلية كتبت بواسطة elshaky

انا مش عيل صغيرعلشان استعطف من حد فيكم انا قولت اللى قولته ومبرجعش فى كلام انا واثق منه انا ليا اللى شوفته ويا عم مبروك عليك الاربع كاوتشات بتوع العربيات ومبروك كل الالمانى اللى انت ركبته ودول المانى مش بنجلاديش لا المانى اجدع ناس يا عم علشان ما تزعل

انا عايز ااقول حاجه انا بعشق الالمانى جدا جدا جدا جدا لكن كل الناس فاكرانى بكرهه والله العظيم يمين يحاسبنى الخالق عليه انا بموت فى اى عربيه اسمها المانى بجميع انواعها

انا اتكلمت فى نقطه انا مقتنع بيها وشوفها بعينى وبعدين يا استاذى الموقر انا مقولتش ان الالمانى بتجيب 120 بالعفيه لكن انا كنت سايق عربيه مرسيدس c200 وكنا ماشيين على طريق السخنه وكان فى هوا جامد صاحب العربيه كان معايا كنت ماشى كاسر ال 180 /190 وكنت طاير والعربيه مكلبشه فى الارض وجينا فى منطقه كده معينه لقيت فى هوا جامد صاحب العربيه قالى اهدى نزلت لل 140 وقالى اهدى كمان نزلت 120 وقالى خليك زى ما انت سألته ليه قالى الهوا مهما كان كويس والعربيه بتقدر تستفيد منه ممكن يضرها المهم قعدت بقى زيكم كده من غير فهم ولا اى حاجه يا عم دى المانى يا عم دى المانى يا عم دى المانى وتكنولوجيا وبتمسك فى الارض وبتكلبش وبتخلى الهوا بتاعها قالى زى ما فى هوا بتسفيد منه ممكن يضرك فى حركه بسيطه لكن العربيه كان عندها استعداد انها تقفل امبير وفى هوا لكن ممكن فى ظرف بسيط الاقى نفسى انا واللى معايا يا اما فى المستشفى يا اما بتقروا عليا الفتحه

شوفوا مش انا قاعد بتخانق معاكم على ان الهوا بيأثر على العربيات مهما كانت لكن اقسم بالله لو كانت العربيه دى بتاعتى مكنتش حطيت فى بالى وكنت جبت بيها 240 وكسرتها كمان لكن العربيه مش بتاعتى وزى ما انا اخاف على فلوسى بخاف على فلوس غيرى

يا جدعان اكبر دليل على كده انى فى مره كنت مسافر باللوجان بتاعتى القاهره وكنت ماشى 160 وكان فى هوا ومنزلتش على كده لانى حاسس ان العربيه ثابته الحمد لله كانت ثابته وكنت بغرز بيها ومتقوليش لأ الحمد لله انا بحب الجرى بعقل مش بهبل ولكن لما تكون عربيه مساعداك بتجرى ومابتعملش حساب للظروف وبرجع ااقول انا سوقت المانى كتير والحمد لله كنت بمشى 200/220 ومكنتش بحس انى ماشى بسبب ثبات العربيه لكن انا كان ليا وجهه نظر لكن للأسف محدش احترمها لدرجه انكم خليتونى اغلط فى ناس انا مقتنع انهم ناس محترمين وفى قمه الزوق لكن انا برجع ااقول انا ممكن اكون غلطان لكن حد فيكم من الاول جه وقالى لا اللى انت بتقوله ده غلط وادى الاثبات على كده ؟ مفيش حد اتكلم بهدوء كله دخل زى القطر يا عم دى المانى يعنى لو حبيت تتقلب بيها مش هتتقلب يا عم ده الهوا والبتنجان ولو فى اعصار كمان

انا تجربتى حكيتها لكن انا عمرى ما سوقت قبل التجربه دى المانى وحسيت بالهوا لكن مع دى حسيت جايز ممكن يكون من العربيه ولان صاحب العربيه امرنى بكده لكن انا مش بفتى انا قولت كلامى عن تجربه وممكن حد يقدر كلامى ويفهمه ويقولى انت جايز يكون عندك واحد فى الميه صح لكن برجع ااقول اجدع ناس ( منتدى نايل موتورز ) واجدع ناس اصحاب الالمانى اللى مشرفينا هنا فى قسم اللوجان

برجع ااقول انا اسف استاذى احمد خالد وبأسف لكل انسان انا غلطت فيه فى ساعه شيطان

ولو هيريحكم انى اطلع غلطان انا معنديش مانع اطلع غلطان فى معلومه بس اكسب ناس محترمين زى حضراتكم ( مش خوف ههههههههههههههههههه )

بص يا باشا ..انا معنديش مشكله ندخل فى نقاش لمده سنه كامله ..شرطى الوحيد ان النقاش يكون فى حدوده فقط و ميدخلش فيه خطأ فى الغير و ده الى زعلنى ..ان حضرتك غلط فيا اكتر من مره واتريقت على كلامى كتير ..
ممكن اكون غلطان ..لكن مش معنى انى غلطان ان حضرتك تغلط فيا ..
انا لما قولت لحضرتك كلامى عن الالمانى كان ناتج عن معلومات اتعلمتها من ناس خبيره هنا ..وتجارب مريت بيها بنفسى سواء جرى واختبارات سحب و ثبات و امان ..لحد الحوادث جربت ..وعدد عربيات المانى امتلكانه مش هذكره لانه لن يزيد او ينتقص من الكلام شىء ..فأنا لما بتكلم مش بقول كلام سمعته و مش بعتمد على نظام "بيقولك"..
واساسا الخلاف بينا مكنش كبير ..احنا متفقين ان الالمانى ثابت ..واثبت عربيه ..الخلاف عن مدى ثباته فى وجود هوا (ومتفقين انه بردو اثبت عربيات فى وجود الهوا)..
لكن اعذرنى اسلوبك الهجومى الى دايما فيه تقليل من شأن الغير و تريقه على كلامهم بيخلى الواحد ياخد موقف ضدك ..
حضرتك اكيد انا لما اقولك "انت مركبتش عربيات المانى اد ما انا ركبت" اكيد هتزعل منى ..
ولما اقولك "بلاش فتى" ...هتزعل منى
ولما اقول على كلامك "بلاش جهل" هتزعل منى ..
ولما اقول على كلامك بتنجان (بغض النظر بقى مقلى ولا مسلوق المهم انه بتنجان)
اكيد كل ده هيزعلك ..اعكس بقى ..هتلاقى ان انت الى قلت الكلام ده ليا ..
فى النهايه يحتسب ليك اعتذارك ...لان كلنا بنغلط ..
وانا مش زعلان منك خلاص مفيش مشكله
حصل خير ..بس بردو النص نقل الى فى التوقيع بتاعى هى الى غيرتك كده هههههههههه

المشاركة الأصلية كتبت بواسطة KHALED AYMAN

بص يا باشا ..انا معنديش مشكله ندخل فى نقاش لمده سنه كامله ..شرطى الوحيد ان النقاش يكون فى حدوده فقط و ميدخلش فيه خطأ فى الغير و ده الى زعلنى ..ان حضرتك غلط فيا اكتر من مره واتريقت على كلامى كتير ..
ممكن اكون غلطان ..لكن مش معنى انى غلطان ان حضرتك تغلط فيا ..
انا لما قولت لحضرتك كلامى عن الالمانى كان ناتج عن معلومات اتعلمتها من ناس خبيره هنا ..وتجارب مريت بيها بنفسى سواء جرى واختبارات سحب و ثبات و امان ..لحد الحوادث جربت ..وعدد عربيات المانى امتلكانه مش هذكره لانه لن يزيد او ينتقص من الكلام شىء ..فأنا لما بتكلم مش بقول كلام سمعته و مش بعتمد على نظام "بيقولك"..
واساسا الخلاف بينا مكنش كبير ..احنا متفقين ان الالمانى ثابت ..واثبت عربيه ..الخلاف عن مدى ثباته فى وجود هوا (ومتفقين انه بردو اثبت عربيات فى وجود الهوا)..
لكن اعذرنى اسلوبك الهجومى الى دايما فيه تقليل من شأن الغير و تريقه على كلامهم بيخلى الواحد ياخد موقف ضدك ..
حضرتك اكيد انا لما اقولك "انت مركبتش عربيات المانى اد ما انا ركبت" اكيد هتزعل منى ..
ولما اقولك "بلاش فتى" ...هتزعل منى
ولما اقول على كلامك "بلاش جهل" هتزعل منى ..
ولما اقول على كلامك بتنجان (بغض النظر بقى مقلى ولا مسلوق المهم انه بتنجان)
اكيد كل ده هيزعلك ..اعكس بقى ..هتلاقى ان انت الى قلت الكلام ده ليا ..
فى النهايه يحتسب ليك اعتذارك ...لان كلنا بنغلط ..
وانا مش زعلان منك خلاص مفيش مشكله
حصل خير ..بس بردو النص نقل الى فى التوقيع بتاعى هى الى غيرتك كده هههههههههه

خالد باشا عندنا
يامرحبا يامرحبا

السلام عليكم جميعا

اولا احب اعتذر بالنيابة عن اي لوجناوي غلط في اي حد مش لوجناوي - دا طبعا اذا سمحولي - وعذري ان انا بحب المنتدي دا بجنون ومش مبسوط من اللي بيحصل

ثانيا - كون ان احنا بنحب عربيتنا وبندافع عنها باستماتة بالطريقة دي دا يوضح ان العربية كويسة لان مش معقولة كل الناس دي تتفق انها تبهدل نفسها وتتعصب علي حاجة تعبانة - انا للاسف جديد علي المنتدي وكتير من الناس مايعرفونيش (ودي فرصة نتعرف بالناس كلها) وانا بتاكيد معرفش الناس هنا باستثناء حبيبي مصطفي بس بجد خدوا كلامي ثقة العربية مش لازم تبقي ثابتة ثبات ابو الهول علي الطريق ولا ماتور طيارة ولا عفشة نار ولا مصفحة عشان تبقي عربية حكاية - العربيات عشرة - مجنون دا يا اخويا ولا اية - اه والله مهو مثلا البيتلز ما بعتش ملايين عشان هيا اجمد عربية ولا ماتور طيارة لكن الناس حبيتها ولاقيتها مماتشة احتياجاتهم وارتبطت بيها ارتباط كبير وعشان كده باعت

طب اية اللي يخلي العربية عشرة؟؟؟؟؟؟ اكيد قلة مشاكلها ومدي ملائمتها لاي بني ادم - هل الكلام دا متوفر في اللوجان - انا رايي انة بنسبة كبيرة جدا جدا ودا اللي مخلي الناس اللي ركباها حبيتها للدرجادي وبتدافع عنها اوي كده - ودا تفسيري للموقف اللي احنا محطوطين فية دلوقت

عموما انا عن نفسي معرفش اركب عربية الا لما احس انها بقت من العيلة - يعني انا طول عمري بقالي 18 سنة بسوق عدت عليا جميع انواع الجولفات التي تتخللها بعض البيتلز وواحده فولفو وواحده بي ام 316 موديل 79 (اه لتفتكروا ان انا ركبت بي ام بجد) انا مرتحتش الا في الجولفات والبيتلز وللاسف مش في الفولفو ولا البي ام لية معرفش - محستهمش - الي ان حبانا الله بالست لوجان - في الاول محستش بيها لكن مع الوقت حبيتها بجنون لية؟؟؟ برضة معرفش

فلنا كل العذر في حدة الكلام او مهاجمة اي حد يعيب في العربية لان من وجهة نظرنا انت بتعيب في حاجة انا بحبها اوي - زياده علي كده انا شايف ان ملهاش عيوب جوهرية تذكر ولهذا كل من يعيب فيها فهو اثم ويستحق الجلد او الشنق (دا من وجهة نظرنا) تعيب لية في حاجة مفهاش عيب؟؟؟؟؟؟؟؟؟؟

ولهذا فقد تقرر (ال يعني انا اللي بقرر) عدم تكرار جرم انتقاد اللوجان باي شكل من الاشكال .............. دعابة طبعا

اللي عايز يقول حاجة يقولها بس يا ريت الموضوعية واحنا كاعضاء ومالكي اللوجان تحت امر اي حد عايز يستفسر عن اي حاجة ويا ريت براحة ومن غير كلام جارح ونعدكم ان الردود حتبقي بالسلبيات قبل الايجابيات لان في الاخر يهمنا افادة الجميع

اخيرا تقبلوا تحياتي

اللون الاحمر مخصص للادارة فقط

مشرف 12ب

منور ياباشا
فينك مختفى بقالك حوالى 4 ايام كان فيهم حواديت كتير
والله الكلام اللى انت بتقوله ده عين العقل
وكويس انك مكنتش موجود يوم الجمعه وشوفت الموضوع اللى اتعمل فى قسم الاوبل كان حاجه تحرق الدم فعلا وتجيب الضغط والسكر كمان
بس بصراحه الناس هناك قمه فى الاحترام والادب وخصوصا طنانى باشا لانه لما حس ان الموضوع بايخ وحيعمل مشاكل قفل الموضوع وحذفه

معلش يا عمنا انا كنت مسافر القاهرة ولسة راجع امبارح بالليل وطبعا علي السرير عدل لغاية الصبح - وللاسف فوجئت بالموقعة الحربية اللي علي المنتدي هو فية اية حصل عند الناس بتاعة الاوبل اية الحكاية