الموضوع: ثبات اللوجان

المشاركة الأصلية كتبت بواسطة elshaky

برافو اوى بجد والله مكنتش اعرف بص حضرتك انت مركبتش عربيات قدى واكتر من تلت اربعهم المانى وانا كنت قاصد كل كلمه قولتلك عليها ان لو فى هوا لا يسخر ولا يبعتر ولا اى بدى كيت دى مش سيارات رياضيه يا باشا لو انت راكب عربيه فيها عفشه سبور بقى ومتعدله تعديل كامل ممكن لكن لو العربيه ستوك عمرك ما تقدر تعمل اللى انت قولت عليه يا عم والنبى بلاش فتى علشان انا ركبت العربيات دى كتير اوى اوى اوى لك ما تتخيل انا تقريبا كنت عايش فيها

وعمرى ما شوفت اللى انت بتقول عليه رغم ان سواقتى وسواقت اصحابى جرى فى جرى يعنى انا ااقل سرعه ممكن امشى عليها جوه البلد 80 /90 يعنى بجرى على طول مش هتيجى انت تقولى الهوا بيتسخر وبيتسخر ولا اى كلام من اللى انت بتقوله ده انا مقتنع ان الالمانى مفيش فى الدنيا ثبات زيه ده مش تريقه ولا حاجه بس ده كلام مقتنع بيه انا شخصيا

ده على قول حضرتك لو فى اعصار العربيه ما تتحركش من مكانها يا استاذى الفاضل فى هوا جامد وفى هوا عادى اللى المفروض موجود وكل ما زادت سرعتك انت ممكن تحس ان الهوا جامد لكنه بسيط جدا وده بسبب السرعه العاليه لا اكتر ولا ااقل انا خلصت كلامى ومش هقول اكتر من كده ومش هفتح باب لنقاش موضوع انا واثق منه زى اسمى

اسف على الاطاله

مع كامل احترامي الشديد لحضرتك بس معلش اسمحلي اققلك ان طريقة الكلام دي متنفعش مبدئيا دي مناقشة بين 2 واحد ركوبه كله الماني ما شاء الله و حضرتك على حد قولك كدة انتوا ال2 بتتكلموا على حاجة واحدة و كل واحد بيعرض وجهة نظره و مش مطلوب من حضرتك انك تقول امين على كلام خالد ولا خالد مطلوب منو انو يقول امين على كلامك

ردا على حضرتك الالماني معروف بثباته و بالAerodynamics بتاعتو و ده علم على فكرة بيتاخد فيه كل الاعتبارات من اول ابعاد العربية و ارتفاعها عن الارض الخ... لحد مكان اكرة الباب و ميلها و كدة يعني من اصغر حاجة لأكبر حاجة

خالد بيتكلم من خلال تجربة مريرة مر بيها و الحمد لله انو طلع منها سليم و معافى و قاعد بيتكلم معانا دلوقتي

انا معايا لوجان و بحبها جدا و بجري بيها و بعمل اللي انا عاوزو بس مقتنع تماما بالعربية انها على قد فلوسها يعني مش مطلوب من رينو انها تعملي ابحاث على العربية بمبلغ مثلا مليون يورو علشان في الاخر يبيعوا العربية ب70000 أ ب تجارة اني مصرفش على المنتج الا في الحدود اللي تخلي جودته ممتازة و في نفس الوقت سعره يقدر ينافس اللي في السوق و اللوجان اصلا مصممة انها عربية عائلية مش مطلوب منها جري بسرعة عالية و الكلام ده معروف انها هتمشي داخل مدينة و على طرق سريعة بس بين مدينتين و كدا استخدام عائلي مش رياضي في حين انك تبص على الجيتا مثلا معمول حساب انها تاخد طابع رياضي شوية و في نفس الوقت تبقى عائلية ، الباسات معمول حساب انها تبقى عائلية و بتاعة ناس راسية كدة و تقيلة بس وقت ماتحب تجري بيها هتلاقي وحش مستعد بس تقارنها بالجولف الجولف تحط عليها في حتى الجري و الشد و كدة مش معناه ان الباسات وحشة و الجولف توب لكن معناه ان المستهلك المحتمل للعربية دي محتاج كذا و ده محتاج كذا يبقى لازم ادي لكل واحد اللي هو عاوزو علشان يثق في اسمي و يشتري منتجاتي بعد كدة

باشا حضرتك لسة مشرفنا في المنتدى قريب و ده شرف لينا انك تبقى معانا في اسرتنا الكبيرة شوية دي بس قبل ما تنتقد النقض الاذع ده و متتأكدش من ردك و تقارنو بالكلام اللي مكتوب الف مرة علشان تتأكد انك فهمت صح

في ناس معانا هنا من زمان من ضمنهم خالد و كلنا عارفينو و عارفين مصداقيته عندنا فمن فضلك بلاش كدة و بالراحة شوية