الموضوع: ثبات اللوجان

المشاركة الأصلية كتبت بواسطة h a r d

انا مره جبت بيها 320 وطلعت من بوجاتى والحمد لله صحيت
!!!!!!!!!!!!!!!!!!!!!!!!!!!!!!!!!

والسرير كان اخبارة اية ............. دعابة

صباح الفل يا كبير وحمد لله علي السلامة

لكل اللي زعل لما قلنا العربية بتجيب ال 180 وبتفضل ثابتة - الكلام المقصود بية هنا ان حتي لو انت علي سرعة عالية العربية بتبقي مطمناك لانها مابتعومش وما بتلعبش علي الطريق بس دا في حالة : ان الطريق مستوي وذو جودة عالية ولازم طبعا يبقي فاضي لانك مش حتعرف تجيب بيها السرعة دي الا بعد فترة من الزمن والطريق فاضي - انا عن نفسي بكرة السرعة يعني اخري 120 علي اي طريق لكن حبيت مرة اجرب الموضوع دا وكنت ماشي علي 165 في الوصلة ما بين الدخيلة والكيلو 21 علي الدولي وكان يوم جمعة فتقريبا كان فاضي والطريق كويس نوعا - اللي انا حسيت بية ساعتها ان العربية ماشاء الله ماشية مستقيمة راسية علي الارض ماسكة في الطريق ولا جت يمين وشمال ولا لعبت مني ودا اداني اطمئنان مع العلم لتاني مرة انا بكرة السرعة وبخاف منها ودا اللي كان محمسني اني ادافع عن موضوع الثبات دا لكن مبشجعش اي حد والله يا جماعة انة يذود عن ال 120 مهما كاتن لو انت راكب اية الامر ما يسلمش

واخيرا تحياتي لكل من شارك في هذا الموضوع ويارب سلم طريقنا كلنا واحفظنا من اي شر جميعا - امين

المشاركة الأصلية كتبت بواسطة rofirof

الله يبارك لك انت الوحيد اللى ارشدتنى صح لمكان قايم الباب و كيفية ضبط الضغط مظبوط بس انا عندى قدام 29 و خلفى 32 وعربيتى 2010 fo ولبقية الاخوة اللى قالوا ان قدام الضغط اعلى او كله على 30 يا ريت تجربوا تمشوا على تعيمات المصنع مظبوط لأن عربيتى ضبطت جدا جدا على هذه الضغوط

معلشى انا غلطت هو فعلا زى ماشفت على القايم

المشاركة الأصلية كتبت بواسطة h a r d

ياباشا اطمن بالسرعه ديه كان الكل فى خبر كاااااااااان



صباح القشطه
والحمد لله طلعت كنت راكب كنبه مش السرير


كان فى حادثه لزميل ليكوا كاتبها كان واحد راكب لوجان وجه واحد خبط فى من وراه هوا كاتب
انو دخل فى الرصيف اتقلب ونزل على السقف
وبرضوا كان فى واحد اتخبط وهوا واقف والعربيه بعد منظر الحادثه العربيه الى خبطتوا خلعت !!!!

الغريب فعلا ان الموضوع حاسس انو سلك طريق تانى غير الى المفروض يخده
يعنى مش عارف بس ان قسم اللوجان الوحيد الى مبيعترفش بان فى مشاكل عندوا

يمكن قسم الدايو والكورى بوجهه عام الناس بتتكلم فى عن مشاكل العربيات وعن مميزتها
واليبانى نفس الموضوع وحتى لو فى مناقشات انهى احسن

مش فاهم ومش عاف انتوا لا لا رغم ان الى يوش فالعربيه يخاف يجرى بيها نظرا لشكلها الغير انسيابى
واعلانتها المستفزه الى بطير والى بتمشى على الحيط
ده كلوا ميقللش من العربيه كاداء وتحكم وغيره وكفايه موضوع الامان بتعها

اتمنى تتقبلوا كلامى بصدر واسع ويارب حتى تجيب 210 بس هيا فين الطرق الى تجيب 160 حتى
وبعدين احنا عمالين نتكلم عن الحوادث والسرعات
وطبيعى اى عربيه جديده ممكن تقفل بيها العداد
بس بعد كام سنه هيبقى نفس املوضوع برضوا ولا ايه

فى حاجه اخيره انا لو مكنتش معجب العربيه مكنتش دخلت قسم اللوجان
بس حسيت ان العربيه هتقى حلوه غصب عن اى حد

رغم ان كفايه سمعه شركه renault

ياباشا اولا انت مشرفنا هنا فى قسم اللوجان واهلا بيك دايما معانا
ثانيا انا بحييك انا قبلت هزارى انا واستاذ اشرف ومزعلتش مننا لان انا فعلا كنت خايف احسن تكون زعلت لانى برده ماتعملتش معاك قبل كده ومعرفشى طبعك ايه ولا فيه عشم بينا ولاحاجه علشان اهزر معاك بالشكل ده وحاولت امسح المشاركه بس للاسف ميعاد التعديل فات ونفسى ادارة المنتدى تلغى هذه الخاصيه وتخلى التعديل فى اى وقت متاح او حتى فى خلال 24 ساعه مش ينتهى بعد دقايق

ندخل بقى على الجد
انا معدتشى بالعربيه دية اكتر من سرعة 145 كيلو لان سفرى كله على الزراعىوانت عارف طبعا ان الزراعى لايسمح باكثر من ذلك لا اذا كنت متهور جدا وانا والحمد لله مش من النوع ده

انت المفروض تحكم على ثبات العربيه فى الملفات وليست الطرق المستقيمه لانه سهل تجيب 200 على طريق مستقيم وحتلاقى العربيه مهما كان نوعها ثابته طالما اتجاه وسرعه الهوا لايسببوا مشاكل ليك انا بكل امانهوانا مش من النوع اللى بيبالغ ومش حقولك على سرعه معينه فى الملفات بس اللى اقدر اقوله ان العربيه فى الملفات ممتازه جدا وتفوق عربيه كورى سؤقتها كتير قبل كده

اخيرا مين اللى قال لحضرتك ان العربيه مش انسيابيه
انا معرفشى معدل مقاومة الهوا بتاعها قد ايه لان الكلام ده بيعملوه فى عربيات الرياضيه
بس الى اقدر اقولهولك مش شرط ان العربيه علشان مقلبظه شويه انها تكون غير انسيابيه لكن بص للعربيه من الجنب وانت حتشوف معدل الميل من اول الاكصدام والشبكه والكبوت ثم الزجاج الامامى وحتعرف انها بتساعد كتير على انسياب الهوا لدرجة ان احنا بنواجه مشكله معاها لان محدش مننا بيشوف بوظ العربيه ويكون فى علمك ان طائر البطريق اكثر الحيوانات انسيابيه على وجه الارض رغم ان منظره شبه اللوجان مكبب ولا يوحى بذلك

وياباشا ادخل لف فى القسم وتعرف ان فيه عيوب كتير فى العربيه اتكلمنا عليها وقولناها بس احنا متفقبلينها لانها مش جوهريه بدرجه كبيره بالنسبه لمعظم الملاك
بس ياريت حضرتك توضحلى ايه مشكلة شركة renault ومالها سمعتها