أنا مهندس زيك و من المنيا برضه و بسافر من المنيل لبني سويف لمصر للفيوم للمنوفية للشرقية في الليل فقط عشان معنديش تكييف في العربية ال 504 و بقولك البلد زي الفل و لا فيها اي حاجة , بس أوقات كده واحد شادد نفسين يخترع حكاية و لا تحصل حاجة صغيرة و على ماتوصل من بيت لبيت تبقى أكبر من الفيل ...
لكن على وجه العموم البلد و باختصار زي كده ما تكون حضرتك كده واخد دور برد شديد بنزلة شعبية و في فترة النقاهة بتكون مش قادر تشيل راسك بس الفيرس نفسه طلع من جسمك خلاص ..... و ده نفس الموقف مع مصر ... الفيرس طلع لكن ليه شوية توابع بتطلع و ده اللي عامل صداع يتمثل في المطالب الفئوية و الطائفية و شوية حرامية كده من فترة لفترة ...
و فيما يخص انك تنزل و لا لأ :
خليك عندك لحد ما السوق في مصر يفتح و ده هيكون بعد الانتخابات الرئاسية و انتخابات مجلس الشعب و ده اللي هيكون أهم مؤشر سيؤدي لاستقرار السوق المصري .
و أتوقع انه خلال سنتين مصر هتكون دولة جاذبة للعمالة المتخصصة ( المهندسين و بس ) و هتحتاج مديرين خبرات و مش هيكونوا موجودين لأن العرض ( الوظائف ) أكتر بكتير من الطلب ( المهندس الخبرة ) .
طبعا أنا بتكلم عن المهندسين لأن دي الفئة الأهم في المشروعات الكبيرة . و بالضرورة هيكون فيه طلب عالي على الوظائف المساعدة للمهندسين من اداريين و حسابات و غيرها من الوظائف المساعدة ................
المفضلات