الموضوع: سؤال افاده فى موديلات صنى 2011

اوتو super salon 2011

المشاركة الأصلية كتبت بواسطة ahmed.tv

فى البداية احب اوضحلك حاجة هنا فى المنتدى نايل موتورز مختلفة عن اى منتدى اخر

لانى اعرف كل المنتديات الاخرى كويس جدااا ومتابع الكل

* هنا فى مساعدات بين الاعضاء جوة المنتدى وبره المنتدى كمان

* هنا فى عروض وخدمات ومساعدات للاعضاء فى القسم على قد ما بنقدر والحمد لله ده مش موجود فى مكان اخر

* هنا مفيش غلط بين الاعضاء بنسمح بيه .. او نقد يكون خارج عن قواعد الادب عن اى مكان اخر .. وده بيفرق لما تقرا لحد وهو بيحكى عن مشكلة فردية باسلوب حاد .. لان باسلوبه الخارج ده ممكن يسئ لنفسه اولا ويسئ للمكان اللى هو فيه ويسئ لحاجات كتير
ويخلى الناس تثار من كلامه وتفهم كلامه غلط وتفتكر
لكن الهدوء فى طرح المشكلة بيخلى صاحب المشكلة لو كانت فردية يحكى ويفسر بمنطقية والناس تساعده وتوضحله المشكلة مش تنفر منه .. ويجى حد زى حضرتك يعرف سبب المشكلة .. وتكون اتحلت على خير ويطمن
فالهدوء والنقد باحترام وشرح اى مشكلة بهدوء زى ما قولتلك مفيد جدا لصاحب الموضوع وللقارئ وده مش حتلاقيه الا هنا عندنا

* هنا عندنا محدش بيهجر المكان وتلاقى الموضوعات كل سنة مرة
* هنا حتلاقى الاعضاء بتتفنن فى تقديم كل معلومة جديدة ومفيدة للكل
* هنا حتلاقى القسم مرتب ومنسق فى موضوعاته ,, وفيه حلول للمشاكل بتنسيق وترتيب مش موجود فى اى مكان اخر

* هنا حتلاقى فى موضوعات حصرية لتجارب الاعضاء مش موجودة فى اى مكان اخر
* هنا والاهم ان حتلاقى الحمد لله ان نايل موتورز وقسم نيسان معروف فى اى مركز خدمة من مراكز نيسان المعتمدة وده مش موجود فى اى مكان اخر وبيسهلك حاجات كتير جدا

كل الكلام ده مخلينى متمسك بالمنتدى ولو شفت تاريخ اشتراكى فى المنتدى حتعرف انا من اكتوبر 2007 فى المنتدى بس مشاركتى هى اللى قليله

نيجى بقا للصنى

اقولك على حاجة فكر فى عربية غير الصنى

فكرت من غير متقول فى الاول كنت محدد رينج 70 الف واستقريت على عربيه بس بعد كده لما سوقت لمده 6 ساعات فى زحمه القاهره فى يوم كان لذيذعاهدت نفسى انى حجيب عربيه اوتو علشان ارحم رجلى


بس متجيش تندم بعد كدا على وتقولنا :
لو اختيارى المفروض ما اندمش عليه بس ده ما يمنعش انى اشتكيلك

- ان العربية التانية اللى غير الصنى فى نفس فئتها صاجها ضعيف
تمام الصنى صاجها معقول و احسن من عربيات تانيه "بس سؤال هو الصاج بتاعها كام مللى

- ان العربية التانية اللى غير الصنى فى فئتها توكيلها مش كويس ومش بيتهم باى مشكلة للعميل وبينفضوا

مضبوط من تجارب الناس واضح انتوكيل و مراكز خدنه النيسان محترمه و ده اللى خلانى اتمسك بيها اكتر "خدمه ما بعد البيع"


- ان العربية التانية اللى غير الصنى فى فئتها فتيسها مش يابانى بغض النظر عن ان تكنولوجيا قديمة اللى فى الصنى

تمام متفق معاك و بالذات لو بتتكلم فى نفس الفئه السعريه


- ان العربية التانية اللى غير الصنى فى فئتها مفهاش عوامل امان

و دى حاجه مخليانى مقتنع بيها اكتر من اى عربيه تانيه فى فئتها


- ان العربية التانية اللى غير الصنى , انها هادية وناعمة وطعمة بس مش معمرة ولا ماتور ولا فتيس

و دى طبعا حاجه مهمه انا عايز عربيه حماله اسيه و الصنى اكتر اعتماديه فى فئتها و اقل مشاكل


هزة العربية بعغض النظر عن انها محسوسة عند ناس او مش محسوسة مع ناس اخرى المهم انها مش بتمثل مشكلة فى الماتور

هى دى اهم حاجه حتى لو انا حسيت بيها بس اهم حاجه انها ما تكونش لها تأئير على العربيه لان بعد كده الواحد حيتعود عليها و حيتأقلم معها

الا انها بتمثل مشكلة عند الناس الحساسة بس ,, ولو كان كدا ممكن تركب عربية غير الصنى حاجة فى حدود 150 الف وتفى بالغرض المطلوب ان مكنش حتلاقى فيها عيوب بردوا

فى عيوب فى عربيات اخرى اكبر من كدا :

فى عربيات معدية ال150 الف فى تمنها وكان فى مشكلة فى البطاحات بتعتها

فى عربيات معدية ال150 الف وكان فى مشاكل فى الفتيس بتعها

فى عربيات معدية 150 الف وكان فى مشاكل فى الabs بتعها

وفى وفى وفى .. وكل دول اللى قولتلك عليهم مشاكل مشاكل .. يعنى مش هزة بسيطة ومش مزعجة

مش حدور على عربيه فى الحدود دى لانها بعيده عن الميزانيه و خصوصا يا حج احمد لو عرفت انى لسه مش متجوز يعنى لسه قدامى جيل
و بصراحه شوراع مصر دى ما تستاهلش عربيه ب 150 الف جندى تمشى عليها


اذا كنت حضرتك بتدقق فى الاختيار .. ادرس كويس العربيات الاخرى فى نفس الفئة السعرية بتعها فى كل المنتديات وفى كل الاقسام وبعد كدا اختار

انا عملت كده فعلا و99% استقريت على الصنى ولما لقيت شكوى ما لقيتهاش فى المنتدى هنا قلت اعرضها اكيد حيكون عندكم خلقيه عنها و تقريبا هى دى غلطتى انى حبيت اشاركم الراى


لكن العيوب اللى بتتكلم عليها دى مش عيوب ظاهرة اوى فيها ولدرجة ازعاج او انها تعمل مشكلة

تمام هى دى اهم نقطه ممكن الواحد يعتبرها زى تزييق الكراسى و يكبر منها


تحياتى وبالتوفيق باذن الله فى اخسر السيارة المناسبة لاحتياجاتك

واسف على الاطالة

ولا اطاله ولا حاجه تشكر على الرد و الاهتمام

جماعة ... السحب في الصني من 0 ل 60 ايه نظامه مقارنة بالسيراتو و الكروز ؟؟؟

و من 20 ل 80 ايه نظامه ... و في السرعات العالية ايه نظامه
في السوبر صالون 2011

يمكن العربية بارده ولا حاجة عشان كده بترعش

ههههههههههههههههههههههههه هههههه

ياريت تجرب السيارة بنفسك عشان تقدر تقارنها بالسيراتوا والكروز عشان تعرف سحبها كويس لان فية اعضاء مجربتش السيارة الاخري مش هتقدر تفيدك وفيه الي ساق مانيوال وفية الي ساق اوتوماتيك
اعتقد انك اقدر واحد تحكم علي السيارة

المشاركة الأصلية كتبت بواسطة egypt0777

يمكن العربية بارده ولا حاجة عشان كده بترعش

ههههههههههههههههههههههههه هههههه

ردك اعتبره ان موضوع الهزه مش موحود عندك ولا اعتيره تريقه ولا اعتبره ايه

المشاركة الأصلية كتبت بواسطة mohamedbook

ياريت تجرب السيارة بنفسك عشان تقدر تقارنها بالسيراتوا والكروز عشان تعرف سحبها كويس لان فية اعضاء مجربتش السيارة الاخري مش هتقدر تفيدك وفيه الي ساق مانيوال وفية الي ساق اوتوماتيك
اعتقد انك اقدر واحد تحكم علي السيارة

+1

المشاركة الأصلية كتبت بواسطة hanyemad123

الى الاخ aaaprd

طيب سؤال تانى الله يبارك فيك هو الهزه دى انت بتقول بتزيد مع عمل المروحه على hi

طيب كده معناه ان الهزه حتزيد لو شغلت التكييف

و استفسار يعنى ايه بتزيد الهزه مع السرعه العاليه انت قصدك مع القياده على سرعات عاليه

ولا سرعه المروحه تكون عاليه

يعنى هل لما تسوق العربيه بتختفى الهزه دى ولا بتكون موجوده

مع السرعة العالية للمروحة
ولما تسوق العربية طبعا مش هاتحس بيها لانها اصلا صعبة الملاحظة و دة اللى مخلى ناس كتير ماتخدش بالها منها
انصحك تشوف عربية بنفسك قبل الشراء