اقتباس المشاركة الأصلية كتبت بواسطة ahmed anwer مشاهدة المشاركة
معلوماتك غلط بص علي صور ثورة 19 علي سبيل المثال

هتلاقي كل الستات كانوا لابسين نقاب كمان مش حجاب

حكاية الخمرة دي مقدرشي أحكم عليها ، العهدة علي حضرتك
يا بيه دي صور ثورة19 دي حجتي الاساسية للرد على اللي بيقولوا الحجاب ظاهرة دخيلة انا مش بتكلم على الفترة دي انا بتكلم من التلاتينات وانت طالع لما كان فكر قاسم امين وهدى شعراوي هو الفكر الغالب هات بقه صور القاهرة في الاربعينيات والخمسينيات وشوف كده لو كان في واحدة محجبة وللعلم كان في الملاية اللف في الاحياء الشعبية كمظهر شعبي مش ديني
اقتباس المشاركة الأصلية كتبت بواسطة ashouhdy مشاهدة المشاركة
تصحيح ... أحنا مجربناش ولا واحدة من دول احنا جربنا الفساد والتزوير والرشاوى و المحسوبيات

ياريت نضع الامور فى نطاقها الصحيح عشان منتوهش الناس عن قصد !!
لا والله جربنا ، الدسمقراطية الحزبية ايام الملك والوفد والنحاس باشا
والاشتراكية ايام عبد الناصر والعلمانية ايام المخفي والمهلبية ايام السادات

اقتباس المشاركة الأصلية كتبت بواسطة ziabassem مشاهدة المشاركة
ومين اللي قال لحضرتك الكلام ده .. يعني أنت عاوز تتناسى الزمن اللي كان فيه الأزهر هو منارة للعالم الإسلامي كله بوسطيته واعتداله .. وكان شيخ الأزهر هو المرجعية الوحيدة للعالم الإسلامي .. بصراحة علامات استفهام كتيرة على مشاركتك دي ؟!!!

اللي حاصل لو زي ما حضرتك بتقول .. أن كان في احتلال انجليزي في الفترة دي .. وكان بيحاول ينمي هذا الاتجاه لإحداث انهيار في المجتمع واخلاقياته .. بس في المقابل كانت الأغلبية متدينة وملهاش في الكلام ده .
ارجع للصور والافلام التسجيلية والافلام والكباريهات واسأل اكبر افراد عائلتك سنا ، عن وضع الدين في الاربعينيات والخمسينيات بعيدا عن الازهريين والاخوان
نقطة خارج النقاش .. بذمتك متتفقش معايا أنه حان الوقت أن الأزهر يرجع زي الأول .. ويتحرر من كل القيود اللي كانت مقيداه .. ولو فكرت شوية حتلاقي أن الحل ده هو الضمانة الوحيدة للاستقرار اللي لا يختلف عليها مليون واحد مش اتنين بس .. والبعد عن التيارات المختلفة سواء أخوان أو سلفيين أو جماعات أو أو أو
معاك تماما بس مع توضيح ان شيوخ الاخوان ازهريين