إيه الفرق بين الدركسيون العادى والسبور والبور ؟؟

**kashtoot** · 28-07-2011 12:44 AM

المشاركة الأصلية كتبت بواسطة Axel

الدريكسيون العادي بالبلدي بعيدا عن التفاصيل بيكون تقيل لما تلفي يمين او شمال خاصة و انتي واقفة
الدريكسيون الباور بيكون سهل انك تلف الدريكسيون بايد واحدة بدون اي مجهود
و بينقسم باور زيت و كهرباء
و الباور بيحتاج متابعة دائمة اكتر من العادي و طبعا لو حصلت فيه حاجة بيكون مكلف اكتر من العادي

اما بالنسبة للدريكسيون السبور ( الطارة سبور زي momo مثلا ) ده عبارة عن شكل اخر للطارة و بتكون اصغر في الحجم من العادي بحيث يكون سهل الاحكام و القبض عليه و انتي بتلفيه بس طبعا لو مش اصلي بيبقي فيه مشاكل و فروقات و بيبقي مقرف اكتر لو العربية مش باور

بالنسبة لتركيب الباور ع العربيات القديمة
اولا مش شرط عربية قديمة يعني مثلا المرسيدس الخنزيرة او الكرولا موديل تمنينات نازلة بباور لكن الشاهين 2008 مفيهاش باور فالموضوع بيعتمد ع تجهيز العربية نفسه
و طالما العربية مش نازلة اساسا باور و مجهزة بكده يبقي ملوش لازمة لأنه زي ما لانسر ايفو قالك هيجيب قدرة منين

فالأفضل نخلينا في الحاجة الفبريكة اللي نازلة بيها العربية بدون لعب

الله ينور

**mbx4e** · 19-08-2011 09:01 PM

لو الموتور يتاعك نازل منه نفس الموديل وله باور ستيرنج ممكن تعدل موتورك ونجيب وحدة الباورا او علبه الدركسيون والقطمه استيراد (بالبلدي ممكن يتعدل بس محتاج صنعه ومحتاج فهم منك عشان تعرف ايه اللازم وايه غير اللازم للتعديل )

**agwaa** · 22-08-2011 01:47 AM

المشاركة الأصلية كتبت بواسطة زينة الله

عندى لا بيرجع يمين والا شمال :)

يا ترى الكهربائى هو اللى بيصلح الدراع ؟؟

في الغالب مابيتصلحش لكن بيتغير وإسمه مفتاح إشارة وكمان موش غالي
إن شاء الله سهلة

**graffittiii** · 22-08-2011 03:01 AM

المشاركة الأصلية كتبت بواسطة Axel

مفيش حاجة اسمها هاف باور ديه اشتغالة مش اكتر العربية يا تكون باور يا متكونش باور
و الباور بيتكون من مكبس هيدروليكي و خزان و طلمبة و خراطيم يعني هنركب نص الحاجة و النص التاني طيب فين هههه
فمفيش حاجة اسمها هاف باور مجرد اشتغالة و لما جيت حتي اشتري الالتو بتاع المعرض عمل فيها بورم و هاف باور ومش عارف ايه خدت الكلمتين التمام مني متكلمش تاني في اي حاجة خاصة بالعربية غير انه يبيعها و هو ساكت هههههه

برنس والله يا Axel ... أنا بردو كنت بسمع كلمة هاف باور دي كتير ....
بس هي مقصود بيها أن هوه دركسيون عادي بس خفيف عن عربيات التمنينات ... بس يظل برده تقيل لو حركته من الثبات ..
الإكسيل مثلا بيسمو الدركسيون بتاعها هاف باور بمعني أنه خفيف ...والمصطلح ده موجود ف كتير من عربيات التسعينات لان الناس حست العربيات بقت أنعم مقارنة بالسابق ...