الموضوع: أفكار ذكية تخلى صيانة اللوجان إقتصادية

المشاركة الأصلية كتبت بواسطة mostafamndy

د. أسامة ... مليوووووووووووون شكر لحضرتك على موضوعك الجامد وشرحك الوافى وجهدك المقدر فبارك الله لك فى علمك وصحتك وسيارتك وأهلك وأرجوا أن نبارك لك قريبا على الدكتوراة باذن الله ...
أعتقد أنه فاتنى الكثير بسبب تأخرى فى قراءة هذا الموضوع ولأكنى سأعيد قراءته مرات ...
دمت بخير وود يا دكتور أسامة ...

أستاذ مصطفى ، كلمات حضرتك أرق وأرقى من أى رد ممكن أكتبه ، وكمان مش هأحاول أشكرك على تعليقك الأكثر من رائع لأنى مهما حاولت أشكرك مش هأقدر أوفيك حقك بمنتهى الصراحه انت ما سبتليش أى فرصه أنافسك أو أعرف حتى أعبر عن شكرى و امتنانى ، كل إللى أقدر أعمله إنى أدعى ربنا إنه يكافئك هو بقدر جلاله واحسانه اللانهائى ويحفظك من كل شر حفظ منه رسوله الكريم عليه الصلاة والسلام ، أنت وأهلك ومالك وكل حاجه تهمك ، الحقيقه كلمات حضرتك أسعدتنى جدا لدرجه مش عارف أعبر عنها فجزاك الله بكل الخير و أفضل الجزاء ، وتقبل كل تقديرى واحترامى لحضرتك.

بصراحة ربنا يباركلك على الموضوع ده...وانا موافق على الاقتراح وهجكيلكم تجربتي مع دراع الكلكس
انا غيرته مرة من التوكيل قبل كده وباظ تاني لأنه مش بيستحمل الضغط عليه
روحت لكهربائي كويس وخليته يعملي مفتاح خارجي وشغال زي الفل بدل ما كل شوية نغير دراع الكلس ...وبقيت دلوقتي بستخدمه في الاشارات بس

موضوع رائع وتفاعل الأعضاء فوق الممتاز بارك الله فيكم جميعا.

المشاركة الأصلية كتبت بواسطة jaso

بصراحة ربنا يباركلك على الموضوع ده...وانا موافق على الاقتراح وهجكيلكم تجربتي مع دراع الكلكس
انا غيرته مرة من التوكيل قبل كده وباظ تاني لأنه مش بيستحمل الضغط عليه
روحت لكهربائي كويس وخليته يعملي مفتاح خارجي وشغال زي الفل بدل ما كل شوية نغير دراع الكلس ...وبقيت دلوقتي بستخدمه في الاشارات بس

ممكن حضرتك توضح دراع الكلكس اتغير بعد قد ايه ؟ وتكلفة تغييره كام ؟ وهل العيب ده منتشر فى جميع سيارات اللوجان؟

المشاركة الأصلية كتبت بواسطة mostmoh

موضوع رائع وتفاعل الأعضاء فوق الممتاز بارك الله فيكم جميعا.




ممكن حضرتك توضح دراع الكلكس اتغير بعد قد ايه ؟ وتكلفة تغييره كام ؟ وهل العيب ده منتشر فى جميع سيارات اللوجان؟

أنا كمان باضم صوتى الموضوع فعلا رائع وردود الأعضاء أكتر من متميزه ومفيده وياريت فعلا نعرف أكتر عن مشكلة دراع الكلاكس وتكلفة تغييره كام.

فكرة هايلة

موضوع ممتاز الف شكر على مجهود كل الاعضاء

السادة الأفاضل المحترمين
تحيه طيبه لكم جميعا و اسمحوا لي أن اشكر كل واحد منكم بشخصه وبمفردة فلكم جزيل الشكر والتقدير على هذا التعاون الغير مسبوق انكم فعلا مثال يحتزى به في التعاون وحب الخير للغير ولا أجد كلمات يسعها أن تفي كل واحد منكم شكرااااااااااااا.
وأسمحوا لي أن أطلب منكم النصيحه فانا أنوي أن أشتري سياره جديده واجد نفسي جدا محتار,حدود أمكاناتي 70000 جنيه وكنت أفاضل بين اللوجن,اللانوس,pyd والفيرنا وما هو في هذه الفئه السعريه وقد كنت بدأت أميل الى اللوجن ولكن بعد تصفحي لأسعار قطع الغيار وبعض المشاكل التي تواجهونها على سبيل المثال موضوع الفلنشه يتاعت الشكمان التي تساوي 6000 جنيه هل يعقل هذا!!!!!!!! أن يصل سعر قطعه غيار الي 6000 يعني ضعف ثمن ماتور استيراد في أي ماركه أخرىوأو الزجاج الذي يساوي 1000 جنيه والكبالن وعلبة الدريكسيون . أيها الأخوه أفيدوني أرجوكم أخلصوا لي النصيحه لإني محتار ولا أجد الطريق ماذا ترشحون لي وهل اللوجن مشكله الى هذا الحد و هل أسعار قطع الغيار أعلي من مثيلاتها في نفس الفئه وهل لا يمكن اصلاحها الا في التوكيل تنصحوني بشرائها أم لا ولكم جزيل الشكر والتقدير

المشاركة الأصلية كتبت بواسطة mostmoh

موضوع رائع وتفاعل الأعضاء فوق الممتاز بارك الله فيكم جميعا.




ممكن حضرتك توضح دراع الكلكس اتغير بعد قد ايه ؟ وتكلفة تغييره كام ؟ وهل العيب ده منتشر فى جميع سيارات اللوجان؟

دراع الكلس اتغير تقريبا بعد 6 شهور و التاني باظ بعد تقريبا 10 شهور لكن الغريب ان الدراع اللي ركبهولي ف التوكيل وكان ببلاش لأنها ف الضمان كان أحسن من اللي جاي فيها