الموضوع: أفكار ذكية تخلى صيانة اللوجان إقتصادية

المشاركة الأصلية كتبت بواسطة nooraanoor

الحمد لله على السلامه يا دكتور أسامه وحشتنا إضافاتك ومشاركاتك المميزه وأتمنى تكون الظروف الأخيره مرت على خير و معلهش هى دى ضريبة الثبات على المبدأ و أنت طول عمرك بتبعد نفسك عن الشبهات والمزايدات ، لكن أنا مش موافق على رفضك الترشح لأى منصب لأن لو الكفاءات وأصحاب المبادىء اعتذروا يبقى الساحة هتبقى فاضيه لغير المؤهلين وأنصاف الأكفاء ، هو دا إللى اتعلمناه منك ومش هأقولك برضه أنا مين ، كفايه تعرف إنى واحد بيحبك ومعجب جدا بأرائك وشخصيتك واتعلم منك ووقفت جنبه كتير.

أنا كنت لسه بقول لحضرتك وحشتنا مشاركاتك وموضوعاتك الشيقه المفيده لقيت حضرتك أضفت المشاركه الجميله دى ، واحنا كنا لسه بناقش نفس مشكلة الخدوش مع مجموعه من الأعضاء فى موضوع للأستاذ / طارق الجيزاوى ، أنا فعلا متشكر لحضرتك للاستجابه السريعه والتجاوب النشط مع احتياجات أعضاء المنتدى الأفاضل ، أنا كمان بأشكرك على أمانتك العلميه فى عرض الموضوع مع توضيح إنك مش متأكد من النتيجه لأنك ما جربتوش ، لكن هو الموضوع نفسه شيق وعملى لأنه فى متناول أى حد ممكن ينفذه وطريقة عرضه فوق الممتازه علشان البساطه والوضوح والتسلسل المرتب وفوق كل دا الإفاده والتجديد ، أنا فعلا مؤمن إن موضوعات حضرتك من أفضل الموضوعات فى المنتدى ، ودايما بأكون حريص على متابعتها والتعليق عليها.

المشاركة الأصلية كتبت بواسطة nooraanoor

الله يسلم حضرتك أنا كمان المنتدى وأعضائه وحشونى كتير والحمد لله على كل حال ، وسواء عرفتنى بنفسك أو فضلت تفضل الجندى المجهول فأنا شاكر جداً على دعمك وذوقك وكلماتك إللى كلها مشاعر حلوه ، كنت أحب أرد على رأيك وأوضح وجهة نظرى لكن منتدى اللوجان مش هو المكان المناسب مع كل احترامى لوجهة نظرك ونصيحتك ، شكرا مره تانيه ولو حبيت نتعارف ممكن تبعتلى وأديك رقم موبايلى .

دا كان مجرد رد إفتراضى أنا تصورت إن حضرتك ممكن ترد عليا بالشكل دا وكتبته بنفس أسلوبك علشان تتأكد إنى أعرف حضرتك جداً ومعجب بأسلوبك لدرجة التشبع ، ياريت أسمع رأيك ، وشكرا لحضرتك على مشاركاتك إللى كلها تجديد وفايده وتشويق وطبعا أمانه علميه لأنك كتبت إنك لسه ما جربتش الموضوع بنفسك وما تقدرش تحكم على نتايجه لكن نقلته للفايده واستجابه لإحتياجات الأعضاء، جزاك الله كل خير

المشاركة الأصلية كتبت بواسطة ahmedbakr50

موضوع جميل أوى
بس ده ينفع مع الخدوش الصغيرة - أنا عندى خط من أول العربية لآخره
متهيألى لازم أجرب فيه البوليش

شكراً على مرورك وتعليقك يا باشمهندس أحمد ، أنا شايف إنه ما فيش مانع حضرتك تجرب مع جزء صغير من الخدش ، مش هنخسر حاجه ، ولو فيه نتيجه مرضيه حضرتك ممكن تعالج باقى الخدش بنفس الطريقه على مراحل لأن معلوماتى إن البوليش مش هيصلح الخدش وممكن بعد استعماله ما تعرفش تستخدم طريقة السوبرجلو لأنه بيستخدم على سطح ما سبقش معالجته بأى إضافات.

المشاركة الأصلية كتبت بواسطة nooraanoor

أنا كنت لسه بقول لحضرتك وحشتنا مشاركاتك وموضوعاتك الشيقه المفيده لقيت حضرتك أضفت المشاركه الجميله دى ، واحنا كنا لسه بناقش نفس مشكلة الخدوش مع مجموعه من الأعضاء فى موضوع للأستاذ / طارق الجيزاوى ، أنا فعلا متشكر لحضرتك للاستجابه السريعه والتجاوب النشط مع احتياجات أعضاء المنتدى الأفاضل ، أنا كمان بأشكرك على أمانتك العلميه فى عرض الموضوع مع توضيح إنك مش متأكد من النتيجه لأنك ما جربتوش ، لكن هو الموضوع نفسه شيق وعملى لأنه فى متناول أى حد ممكن ينفذه وطريقة عرضه فوق الممتازه علشان البساطه والوضوح والتسلسل المرتب وفوق كل دا الإفاده والتجديد ، أنا فعلا مؤمن إن موضوعات حضرتك من أفضل الموضوعات فى المنتدى ، ودايما بأكون حريص على متابعتها والتعليق عليها.

أنا كمان متشكر على إستجابتك السريعه وتعليقات حضرتك المميزه وكلمات التشجيع إللى بتكافئنى بيها فى كل موضوع ، وطبعا لاشكر على واجب المفروض إن دا واجب أى عضو يقدر يفيد أعضاء المنتدى أكيد ما فيش حد هيتأخر أو يبخل بمعلومه ، وبالتأكيد أنا كنت لازم أوضح إن الموضوع جديد حتى عليا وأنا ما جربتوش علشان دى الحقيقه وعلشان أى عضو يجربه يفيدنا بتجربته ، أنا دايما متشكر على حماسك ومداخلاتك النشيطه فى كل موضوعاتى.

المشاركة الأصلية كتبت بواسطة nooraanoor

دا كان مجرد رد إفتراضى أنا تصورت إن حضرتك ممكن ترد عليا بالشكل دا وكتبته بنفس أسلوبك علشان تتأكد إنى أعرف حضرتك جداً ومعجب بأسلوبك لدرجة التشبع ، ياريت أسمع رأيك ، وشكرا لحضرتك على مشاركاتك إللى كلها تجديد وفايده وتشويق وطبعا أمانه علميه لأنك كتبت إنك لسه ما جربتش الموضوع بنفسك وما تقدرش تحكم على نتايجه لكن نقلته للفايده واستجابه لإحتياجات الأعضاء، جزاك الله كل خير

إنت فعلا حيرتنى يا nooraanoor ، واضح إنك شخص قريب منى وأنا حتى ما أعرفكش!!! ، عموما دى حاجه كلها تشويق زى الأفلام ، أنا موافقك إن الرد الافتراضى قريب جدا من أسلوبى وما عنديش شك انك تعرفنى كويس، لكن تقريبا إنت حبيت تنكشنى لأنى اتأخرت فى الرد على مشاركتك ، أنا آسف أنا فعلا أحيانا بأكون مشغول غصب عنى.

ممتاز . ربنا يكرمك