الموضوع: أفكار ذكية تخلى صيانة اللوجان إقتصادية

موضوع ممتاز و مفيد جدا

أنا إللى لازم أشكركم كلكم على دعمكم و تشجيعكم ، لولا إيجابيتكم وتجاوبكم ما كنتش كملت بعد أول حلقه فى الموضوع ، لكن مشاركاتكم القيمه خصوصا فى استطلاع الرأى واجماعكم على منح تقدير امتياز للموضوع شحعنى بإصرار إنى لازم أقدم أفضل حاجه ممكن اقدمها لأحلى أعضاء محترمين ، جزاكم الله خيرا .

المشاركة الأصلية كتبت بواسطة moustafa_saad

جزاك الله خيرا

المشاركة الأصلية كتبت بواسطة mustafahejy

موضوع متميز بارك الله فيك

المشاركة الأصلية كتبت بواسطة neo206

موضوع متميز بارك الله فيك

المشاركة الأصلية كتبت بواسطة shshmoh

الف شكر على الموضوع الجميل ده

المشاركة الأصلية كتبت بواسطة mosomodo

موضوع ممتاز و مفيد جدا

المشاركة الأصلية كتبت بواسطة xlance2010

بارك الله فيك وجزاك خير الجزاء على عملك وعلى تجميع هذه المعلومات الممميزة جدا ونسأل الله ان يجعلنا ممن يستمعون القول فيتبعون احسنه وسلمنا الله وإياكم من كل شر وسوء - ولكم ارق تحية ، المدون / طارق الجيزاوى

أنا إللى لازم أشكركم كلكم على دعمكم و تشجيعكم ، لولا إيجابيتكم وتجاوبكم ما كنتش كملت بعد أول حلقه فى الموضوع ، لكن مشاركاتكم القيمه خصوصا فى استطلاع الرأى واجماعكم على منح تقدير امتياز للموضوع شحعنى بإصرار إنى لازم أقدم أفضل حاجه ممكن اقدمها لأحلى أعضاء محترمين ، جزاكم الله خيرا .

المشاركة الأصلية كتبت بواسطة alaasaid

السلام عليكم

أنا معيش لوجان بس دخلت عشان أهنئك على اجتهادك و مجهودك و بالتوفيق ان شاء الله

المشاركة الأصلية كتبت بواسطة neo206

جزاك الله خير على عرض تجربتك لكى يستفيد منها الجميع
و بالتوفيق

المشاركة الأصلية كتبت بواسطة a7madahly

موضوع رائع

المشاركة الأصلية كتبت بواسطة moustafa_saad

موضوع رائع

المشاركة الأصلية كتبت بواسطة mazenzyad

رائع و ارجو تثبيت الموضوع.

المشاركة الأصلية كتبت بواسطة mosomodo

موافق طبعا و لينا موضوع عن قطع الغيار خارج التوكيل و تم تثبيته و قلت فيه عايزين نعمل موضوع الصيانة ده وياريت يكون موضوعك ده هو البداية.

يا جماعة قضية الاسعار فى التوكيل محسومه وبلاش نقعد نضيع وقت فيه وسبق وقلت ان الناس هناك حافظين مش فاهمين يعنى هيقولك هغيرها و عمره ما هيقولك هصلحها - فخلينا احنا بقى الفاهمين ونساعد بعض بعرض تجاربنا على بعض زى ما عمل زميلنا المحترم صاحب هذا الموضوع و مش بعيد اننا بعد فتره نبقى بنفهم فى اللوجان احسن من اى صنايعى.

المشاركة الأصلية كتبت بواسطة islamaaa

lموافق جدا و ياريييييت باقي الاعضاء يتجاوبو مع الموضوع ده فعلا

حضراتكم اللى تستحقوا الشكر ، تجاوبكم دليل ايجابيتكم وهو اللى هيخلينى أكمل ، جزاكم الله خير جميعا

المشاركة الأصلية كتبت بواسطة xlance2010

مجهود مشكور عليه فجزاك الله خير الجزاء لافكارك الممتازة وفعلا ايدنا فى ايد بعض نحل مشاكلنا بنفسنا لان التوكيل أسهل حاجة عليه يقول لك نغير ، إنما تشغيل مخ وحل مشاكل مش حتلاقى لأن اى توكيل المهم عنده يكسب مش يحل مشاكل العربية ولا يراعى جيب صاحب العربية فالحل كما ذكرت حضرتك اننا نحل مشاكلنا بانفسنا وانا مؤيد لفكرة حضرتك 100%

المشاركة الأصلية كتبت بواسطة super_star_h

الله ينور عليك يا باشا
ويارب ما حد يدخل يقولك هو انت مش خايف من الضمان !!

المشاركة الأصلية كتبت بواسطة elbegawy

موضوع جميل فعلا وحا نستفاد منه كلنا ان شاء الله
فا بالتوفيق

المشاركة الأصلية كتبت بواسطة gebreel

الف شكر يا فندم

المشاركة الأصلية كتبت بواسطة akerima

موضوع رائع

بارك الله فيكم كلكم ، اسمحولى أشكركم وربنا ما يحرمنى من دعمكم وتشجيعكم .

السلام عليكم ، لو حضراتكم فاكرين إقتراحى إننا نعمل مع بعض موضوع مشترك لمشاكل الصيانه المكلفه والحلول الاقتصاديه للمشاكل دى ، هأدخل فى الموضوع علشان ما أطولش على حضراتكم ، لكن من فضلكوا إقرأوا الموضوع للآخر علشان أخد رأيكم فى إقتراحى بعد ما أعرض حل المشكله رقم ( 4 ) :

المشكله رقم (4) : إصلاح شروخ زجاج السيارات

طبعا شروخ الزجاج غالبا بتحصل معانا كلنا من غير ما نكون غلطانين ، وأكيد مزعجه جدا بس مش لازم تفكر إنك تغير الزجاج كله لأنها ممكن تتصلح ، بس تاخد بالك من تلات حاجات مهمه بتقلل كفاءة نتائج عملية لحام الزجاج :

- استخدام الماء والمنظفات فى تنظيف الزجاج بعد حدوث الشرخ ( لأن الشرخ مهما كان بسيط بيسبب تباعد بين جزيئات الزجاج ، وعملية اللحام مهمتها ملء الفراغ الناتج عن حدوث الشرخ وكل ما كان الفراغ أقل كانت عملية اللحام أكفأ ، ودخول السوائل والمنظفات فى فراغ الشرخ بيسبب زيادة مسافة التباعد بين جزيئات الزجاج ) .

- طول الفتره ما بين حدوث الشرخ وعملية إصلاحه ( لأن مع طول الفتره وزيادة استخدام العربيه وعمليات الإهتزاز نتيجة المطبات وحركات المناوره أثناء القياده بتساعد على زيادة إتساع الشرخ ، وطبعا كل ما كان ضيق كان اللحام أكفأ ) ، وعلشان الشرخ ما يتوسخش بستحسن تلصقة بسوليتب وتسرع فى إصلاحه.

- زيادة تعرض الزجاج للأتربه والأوساخ أثناء سير العربيه ، جزيئات التراب والرمل والأوساخ بتتسرب داخل الشرخ وبتعمل عازل ما بين الجنبين + بتساعد على اتساع الشروخ ودا كله مش فى صالح عملية اللحام .

ولازم نلاحظ إن اللحام بينجح جدا طالما كان الشرخ دقيق وكان مجرد شرخ ، لكن لو حصل كسر أو لاحظنا وجود نقره فى الشرخ بتزيد صعوبة عملية اللحام ، لأن دا معناه إن وجود كسور صغيره سببت تطاير أجزاء من الزجاج ، واللحام مش بيضيف للزجاج مكان الأجزاء اللى فقدها ، دا بس بيحاول يملأ الفراغ بماده لاصقه قويه وشفافه وتركيبها قريب من تركيب الزجاج ، لكن مش بيزود قطع زجاج .

نقلا من منتديات حب جديد :

المهندس لأصلاح زجاج السيارات
نقدم لكم شرح بالصور لعمليه أصلاح زجاج السيارات

ماذا تفعل أذا واجهك كسر مثل هذا في سيارتك

1-يجب ان تكون معك معدات الاصلاح

ماده لحام الزجاج وهما نوعان نوع يسمي ستار والنوع الاخر يسمي كراك والثاني يستخدم في الشروخ فقط

2-Bridges اي الجسر ومسبت به الحقنه التي يوضع بها ماده اللحام


3-بعد حقن الزجاج بالماده يوضع ورق بلاستيكي ويسمي ورق افلام

بعد ذلك يتم تسبيت جهاز الاشعه فوق البنفسجيه لتجفيف الماده

4- بعد تجفيف الماده بالاشعه يتم اذاله الجهاز ويتم قشط ورق الافلام من علي الكسر

بعدها لن تري الكسر الذي كنت تعمل عليه

حصريا عرض بالفديو لطريقه أصلاح زجاج السيارات بمعدات دلتا الامريكيه

YouTube - almohandsglass's Channel

علي أستعداد كامل لمن يريد التدريب او شنطه المعدات او المواد المستخدمه
مع تحياتي فني أصلاح كسور وشروخ زجاج السيارات
محــــــــــــــــــــمود حســــــــــــــــــني

0020112302627
windshield_repair_kits@yahoo.com

كما يمكنكم زيارة موقعنا علي الرابط التالي
www.windshieldrepairkits.blogspot.c om

لو عاوز تتعلم إزاى تصلح زجاج السيارات ...........

ممكن تشترى معدات لحام الزجاج من عند الدبيكى وتتعلم ازاى تلحم زجاج السيارات ببلاش ويوجد عندهم جميع خامات لحام الزجاج ويقوم بالتجربة بالمادة قبل الشراء
* حدائق القبة : 107ب شارع مصر والسودان ( رابع عمارة بعد كنتاكى )
ت : 0124309024

* شارع 6 أكتوبر - مساكن عين شمس بعد مصنع كوفرتينا ب 500م قبل النادى الثقافى .

ت : 0121922487

دى مجموعه عناوين لشركات لحام زجاج :

. مجموعة معوض لتصنيع الزجاج

- المنطقة الصناعية, بجوار مصنع 18 الحربى, الخانكة, القليوبية


. د. خالد - اصلاح كسور وشروخ زجاج السيارات

84 ش الميرغنى - كلية البنات, مصر الجديدة, القاهرة


. الدولية لزجاج السيارات

ش السادات, مدينة السلام, القاهرة


. دوسو

44 ش دمشق, مصر الجديدة, القاهرة


. الورشة الفنية لتركيب زجاج السيارات

3 ش الشيخ معروف, وسط البلد, القاهرة


. محمد حسن بكر

18 أ ش شامبليون, وسط البلد, القاهرة


. امان اند سيفتى جلاس جروب

المنطقة الصناعية الثالثة, السادس من اكتوبر, الجيزة


. د. خالد - اصلاح كسور وشروخ زجاج السيارات

73 ش جامعة الدول العربية, بجوار مطعم اسماك الدوران - ملك الجمبرى, المهندسين, الجيزة


.السباعى لزجاج السيارات

17 ش صلاح الدين, مصر الجديدة, القاهرة


الشبراوى

34 ش ترعة الزمر, الهرم, الجيزة

زجاج سيارات عمرو

3 ش حافظ رمضان, مدينة نصر, القاهرة

الحاجة لتجارة زجاج السيارات

32 ش سور مجرى العيون, مصر القديمة, القاهرة


.................................................. .................................................. ............................................*

سمحولى أضيف حلول المشاكل رقم (1 ،2 ،3) لأى حد يحب يراجعها :

المشكله رقم (1) : إصلاح فلانشة الشكمان - تكلفة تغييرها فى التوكيل 6000 جنيه .

حجزت علشان أعمل صيانة ال60.000 كم ، وكانت العربيه صوتها عالى عشان فيه تسريب فى العادم من الشكمان ، وبعد الكشف على العربية فى المقطم كانت المفاجأه إن إصلاح الشكمان تكلفته 6000 جنيه ، لأن الفلانشه ( مأخذ توزع و سحب وتفريغ العادم من الماكينه ) كانت متآكله ولازم تتغير ، طبعا حضراتكم عارفين إن صيانة ال 60000 هى صيانه كبرى يعنى أصلا مكلفه ( حوالى 2500 ) لأنك بتغير كاتينه كامله وطلمبة الميه وجميع الوصلات والسيور والفلاتر و شمعات الاحتراق و كوع الميه وغالبا الترموستات ، غير الضريبه + أنا كمان غيرت موتور مروحة الرادياتير ، من الآخر كان مستحيل أدفع كمان 6000 جنيه ( الفلانشة جديده بس أكتر من 4300 بدون الضريبه والمصنعيات ) ، لكن أكتر حاجه كانت مستفزه إن العيب ده بدأ يظهر فى لوجان تانيه مع واحد صاحبى وكنا عاوزين نشوف حل لأنه بيأثر على سحب العربيه + الناس كلها بتتفرج عليك وأنت ماشى طبعا رد فعل لا إرادى للصوت المزعج إللى العربيه بتعمله .

* طبعاً كنت مضطر إنى أسأل أكتر من واحد و أشغل عقلى رغم إنى ما بأحبش ، وكانت الاختيارات انحصرت معايا فى واحده من إتنين ، ده طبعا بعد ما مريت على أهم ناس أعرفهم شغالين فى قطع غيار وصيانة اللوجان:

1 - تفصيل الجزء المطلوب ( شغل مخرطه ) عن طريق صنايعى شكمان يكون معلم ، الاختيار ده كانت صعوبته إن محدش كتير إشتغل الموضوع لأن العربية لسه جديده فى السوق المصرى و ده يعنى عربيتى هتكون أول تجربه وعلشان كده لازم أشدد على إن الصنايعى يكون شكمانجى محترم ومفتح .

2 - الحل البديل التانى هو إنى أشترى الجزء المطلوب استيراد أو متقطع من أى عربيه عملت حادثه ، وده مشكلته إن الجزء اللى هيتركب حتى لو عرفت ألاقيه عند حد ، هيكون مستعمل يعنى كفائته مشكوك فيها وممكن يكون فيه نفس العيب حتى لو نسبته أقل + سعره مش هيكون رخيص لأن التاجر هيسأل على سعر الجديد قبل ما يبعلى وبعدين ممكن يدينى المستعمل ب 50:60 % من سعر الجديد ، طبعاً كانت مخاطره كبيره .

أستخرت ربنا وقررت أروح لمعلم الشكمان ، بس الجزء الأهم هو الجوان اللى بيركب ما بين الفلانشه والفرن ( مابين جزء تفريغ العادم و منطقة خروجه من الماكينه ) وهو ده الدرس التانى اللى إتعلمته ، الفلانشه ممكن تعيش 100 سنه لو الجوان ( الأولسيه ) اللى راكب مظبوط وقافل أى فراغ يعنى ما فيش تسريب للعادم لأن تسرب العادم هو اللى سبب تآكل الفلانشه ، تعرفوا الجوان اللى بأتكلم عليه تمنه كام ؟؟؟؟ ( فقط عشرة جنيهات مصرية لاغير ) وصناعنه تركى ، تخيلوا 10 جنيه سببت خسائر كانت ممكن توصل إلى 6000 جنيه + التعطيل والازعاج وفرجة الناس.

* اشتريت الجوان ( الولسيه ) وفصلت الفلانشه مخرطه وركبتها شغاله زى الفل ليها أكتر من 25 يوم من غير صوت ولا نفس وكمان وفرت تمن الأفيس بتاع الشكمان لأن التوكيل بيغيره كل ما يفك الشكمان وتمنه 180 جنيه من غير الضريبه ومصنعيات التركيب ، وكانت التكلفة الاجماليه شامله المصنعية ( 280 ) جنيه لاغير .

المشكله رقم (2) : استبدال الزجاج الأمامى - تكلفة تغييره فى التوكيل أكتر من 2000 جنيه.

قبل سبع شهور كنت راكن العربيه تحت البيت ولقيت الانتركم بيدق ، ولاد الجيران بلغونى إن بنوته بتلعب رمت زلطه شرخت الزجاج الأمامى شرخ يوجع القلب ، اللى زاد الموقف سخونه إنى كنت المفروض أجدد رخصة العربية فى خلال شهر ، وطبعا حضراتكم عارفين المرور كان أد إيه حبوب ومتعاون قبل الثوره ، يعنى حاره سد لازم أغير الزجاج الأمامى ،

بالفعل الفحص ادانى مهله شهر لتغيير زجاج أمامى ، وطبعا أسعار التوكيل معروفه كانت أكتر من 2000 جنيه فى الوقت ده ، وعنها وسألت وعرفت إن أفضل زجاج محلى هو د / جريش وطبعا أتأكدت من جودته وطرق تصنيعه قبل ما أخد قرار وأشتري ، ممكن تراجوا الموضوع بعنوان " كل ما تريد معرفتة عن زجاج السيارة " على الرابط < http://www............com/vb/showthread.php?t=23482 > ، وكده إطمنت على جودة الزجاج البديل وباقى أعرف مين يركبه ، سألت وعرفت( محلات الحاجه لتجارةزجاج السيارات ) 142 ش حسن الانور ، مصر القديمه ،
التليفون: 02-25321154, 012-0010103

أخدت العربيه ورحت بعد ما اتصلت بيهم وأكدولى إنهم جابوا زجاج اللوجان ، لكن السعر المطلوب كان 700 جنيه ، وتم التركيب بعد الاتفاق النهائى على سعر 450 جنيه ، وصدقونى حضراتكم أنا حاسس أنه أحسن من الأصلى .

المشكله رقم (3) : استبدال زجاج وش الفانوس الخلفى - تكلفة تغييره فى التوكيل 275 جنيه .

واحد من الاعضاء المحترمين كان بيسأل على امكانية تغيير وش الفانوس الخلفى بدل ما يغير الفانوس كله ، وأنا سبق وسألت عن الموضوع ده ، وأنا رديت عليه وهأنقل الرد هنا لحضراتكم علشان نتعاون كلنا ونساعد بعض ،

أنا قولتله " ان الوش لوحده ممكن يتفصل عند الشركه المصرية اللى فى شارع زكى فى التوفيقيه ، بس هيطلب منك تفك الفانوس كله علشان ياخد مقاساته ، وبعدين يديك معاد بعد يوم أو إتنين لحد ما يبعته المصنع و يرجعله متفصل ، لو سألت فى شارع زكى هتلاقيه على الصف المقابل للمول إللى فيه جمال البدرى (رقم 7 ) ، سعره ممكن يكون 30 : 40 جنيه ، مش عارف بالظبط ، بس دا مجرد وش بلاستيك ما أفتكرش يزيد عن كده ، التفصيل والمقاس بيطلع نسخه من الأصل بس العيب ممكن يكون فى خامة البلاستك يعنى محتمل بعد فتره لونه يبهت شويه ، بس مش دايما الوش التفصيل بيبهت يعنى مش قاعده . ".

للآمانه أنا ما ركبتش وش متفصل أنا بس سألت وشفت العينات عند الشركة دى ، كانت فاترينة الشركه مميزه لأنها كلها فوانيس اشاره خلفيه لكل المقاسات والانواع ، معلش أنا مش فاكر رقم التليفون ومش متأكد من الأسعار علشان محصلش تعامل ، بس للأمانه كان لازم أقولكم على المعلومه لأن معظم الأعضاء المحترمين بيضطروا يغيروا الفانوس كله علشان مجرد كسر بسيط .

....*دلوقتى هأعرض على حضراتكم فكرتى مره تانيه إننا نعمل مع بعض موضوع عباره عن مرجع صيانه شامل لكل مشاكل اللوجان النادره وإللى بتحتاج تكالف مرتفعه لإصلاحها ، طبعاً أقترح إن المرجع ده يكون متخصص فى الأفكار الجديده ، والأفكار اللى بتظهر نتيجة تجارب واقعيه + يشمل عناوين ومصادر الأماكن والورش والمحلات والناس المتميزه اللى ساعدت صاحب أى مشكله نادره فى حل مشكلته ، وطبعا بدأت بنفسى وعرضت حل المشاكل اللى واجهتنى وادتها أرقام (1) ، (2) ، (3) ، (4) وهأضيف مع تجربتى عنوان وتليفون أشهر مصدر لبيع قطع غيار اللوجان الجديده بالتوفيقيه و هو جمال البدرى ( 7 ش زكى التوفيقيه - الدور الثانى ت: 25752633 ، محل رقم 18 ، موبايل 0182099061 - 0110451620 ) + ورشه متخصصه فى إصلاح وبيع قطع غيار اللوجان المتقطعه ( استيراد ) + جديد ودا اسمه رينو المعادى - خالد ويحي ‘ ومحله فى صقر قريش ( المعادى 85 مساكن صقر قريش الأوتوستراد - الحرفيين ش تبارك أمام بلوك 6 - موبايل 0101718206 ، 0124746102 ) .

شكرا جدا على مجهودك الرائع واتمنى تثبيت موضوعاتك دى او دمجها فى موضوع واحد.