الموضوع: أفكار ذكية تخلى صيانة اللوجان إقتصادية

غندى فكرة المشكلة الخامسة
فى ردود بسيطة فى الصاج وسمعت عن ماكينة شفط الصاج على البارد و معالجة تلك الردود يا ريت لو تقدر تفيدنا فى هذا الموضوع لو امكن

المشاركة الأصلية كتبت بواسطة hobby10

معلش حسأل حضرتك سؤال خارج الموضوع مع اعجابى الشديد بتفكير حضرتك لحل المشكلة باقل الخسائر

هو حضرتك طالما خارج الضمان ليه بتروح الصيانات فى التوكيل اصلا ... والتعامل بيكون ازاى خارج الضمان من ناحية تكلفة الصيانة وحل الملاحظات وهكذا

من غير معلش ، أنا بأشكر حضرتك على سؤالك المهذب المحترم وعلى تشجيعك الراقى ، شوف يا سيدى :

- ليه بروح التوكيل ؟ لأنى متمسك إنى أعمل الصيانات الدوريه فى التوكيل لخمس أسباب :

1 - التوكيل بيعمل فحص كامل بيخليك تطمن أول بأول على حالة العربيه ، ودا من مصلحة التوكيل علشان يحافظ على سمعته وعلى عملائه + علشان يدور على العيوب اللى ممكن يصلحها والأجزاء اللى محتاجه تتغير علشان يعمل شغل ويحقق أرباح .

2 - عملية تغيير الزيوت والفلاتر والمستهلكات الدوريه للعربيه تكلفتها فى التوكيل قريبه من تكلفتها بره ، يبقى الأحسن إنى أغير بحاجات أصليه وأطمن على عربيتى حتى لو هأتحمل فرق بسيط .

3 - التوكيل دايما بيعمل مراجعه على العفشه و يربط الحاجات اللى محتاجه تتربط كل شويه نتيجة المطبات الكتيره ومشاكل الطرق عندنا ، ودا مش سهل إنك تعمله بره بدون تكلفه زى التوكيل ، ومش هيكون بنفس الجوده .

4 - لما بتغير أو تصلح أى حاجه فى التوكيل بتاخد فترة ضمان على التصليح أو القطعه اللى غيرتها ، ودا مش موجود بره .

5 - علشان أرشد النفقات أنا قسمت متطلبات العربيه لمتطلبات أساسيه ودى لازم أشتريها أصليه لأنها بتطول عمر العربيه وتحافظ على سعرها وبتحقق الأمان لأرواح ركاب العربيه ( زى الأجزاء الميكانيكيه وأساسيات الكهربا زى الدينامو ) ، ومتطلبات فرعيه زى المرايات مثلا والفوانيس ( الأكسسوارات + أجزاء الهيكل الصاج زى الرفارف + فرش ومستلزمات صالون العربيه .... وخلافه ) وزى علب الشكمان ، ودى حاجات ممكن أشتريها تجارى من التوفيقيه وغيرها أو مستعمله من عربيات متقطعه .


أما سؤال حضرتك عن التكلفه فهى ثابته بالنسبه لمستهلكات العربيه سواء كانت عربيتك فى الضمان أو خارج الضمان والعميل بيدفعها فى الحالتين ، و كمان بالنسبه لقطع الغيار بس تفرق لو عربيتك فى الضمان التوكيل بيتحمل بتكلفة قطع الغيار لو العطل ظهر نتيجة عيب صناعه ، لكن لو نتيجة سوء استخدام بيتحملها العميل ، يعنى المسأله محسومه .

المشاركة الأصلية كتبت بواسطة yousse_mohamed

ربنا يبارك فى عربيتك ومتشوفيش فيها حاجه غريبه تحيرك تانى ان شاء الله

آمين يارب انت وأنا وكل الأعضاء المحترمين ، وكل الناس الحلوه زيك فى كل مكان، متشكر جدا على دعواتك الصالحه ويارب تفتكرنى دايما فى صادق دعائك ، جزاك الله خيراً .

المشاركة الأصلية كتبت بواسطة asdcat39

موضوع تحفه بجد وربنا يباركلك

ربنا يباركلى فيك ، وما يحرمنيش من مجاملاتك الراقيه الرقيقه ويجزيك كل خير ، ويارب أقدر أقدم أى شىء مفيد ، شكراً على مرورك واهتمامك .

المشاركة الأصلية كتبت بواسطة hobby10

الموضوع ده فى تجميع المواضيع كلها وياريت يتثبت

حتى لو ما اتثبتش ، المهم نتعاون وأتمنى إنى أفيد الناس المحترمه زى حضرتك بكل اللى أقدر عليه ، دعواتكم أهم من أى حاجه ، ألف شكر على دعمك و اهتمامك .

المشاركة الأصلية كتبت بواسطة elbegawy

الف الف شكر على الموضوع الجميل ومشكور على المجهود وربنا يجازيك خير عن كل المستفيدين من موضوعاتك
مع تمنياتى بدوام التوفيق

أنا اللى بأشكر سيادتك على حماسك ودعمك ، ربنا يديم علينا جميعا نعمة التوفيق ، وصدقنى حضرتك التواصل مع الناس الأفاضل زيك وزى أعضاء المنتدى شرف كبير لشخصى ، جزاك الله خيراً .

المشاركة الأصلية كتبت بواسطة elbegawy

غندى فكرة المشكلة الخامسة
فى ردود بسيطة فى الصاج وسمعت عن ماكينة شفط الصاج على البارد و معالجة تلك الردود يا ريت لو تقدر تفيدنا فى هذا الموضوع لو امكن

أتفقنا يا غالى ، كلامك لازم يمشى ، أوعدك هادور على كل المعلومات اللى ممكن أعرفها عن الموضوع دا ، ولو نجحت إنى أكون فكره كويسه ممكن تفيد كل الأعضاء إن شاء الله تكون موضوع المشكله الخامسه ، بس ياريت تقبل شكرى الكبير على فكرتك العبقريه بصراحه فكره هايله وفعلا تشجع إنى أدور عليها .