الموضوع: هو ينفع نعمل استفتاء على عدم استمرار بعض الأعضاء الجداد فى المنتدى

لأ معنى ان العضو قديم وتحول من جديد لفعال لبرونزى لفضى الخ ان له مشاركات كتييييييير والمشاركات بتدل على شخصيته وتربيته حتى لو مش فى الأجتماعى
انما لما يكون عضو بقى له شهرين وبيغلط فى دينك وبيتطاول عليك مستنى منه ايه لما يقدم؟؟؟!!!
ماهو بان من اولها ومقدرش يصبر ويمسك نفسه
لكن عضو بقى له سنتين تلاتة لو كان ناوى على حاجة وحشة كان عملها لكن مقلتش انه قديم يبقى فقيه ولا حاجة محدش يقدر يمثل بالسنين

واديك بتقول (قلة ) يعنى لو كان حصل لك موقف معلش برضه حاجة حلوة انك تفكر كتير قبل ما تكتب اديك بتتعلم الصبر وبتاخد خبرة ومهما كان اللى حصل لك اكيد موصلش للتجريح فى ديانتك ومعتقداتك وهو ده اللى بنتكلم فيه هنا

ان مش هنسمح لكل من هب ودب يعمل عضوية ويشارك بالأساءة للرسول عليه الصلاة والسلام مثلا فده غير مرحب بيه هنا زى ما احنا مش مرحبين بموبينيل دلوقتى وزى مرحبناش قبل كده لو فاكرين بعضو كان ملحد اصلا وبدأ يتكلم ان مفيش ربنا ومش هنرحب بحد يسىء لأى نبى او رسول
ده حقنا لأن المكان ده اللى بيجمعنا وبنحس فيه بالراحة والمفروض السعادة ونساعد بعض مش ابقى من ديانة تانية ومصر اعلمك دينك وان انا اللى فاهم اكتر منك ولو مردتش عليا تبقى انت ضعيف مش بتترفع عن واحد جاهل
وطبيعى لو عملنا استفتاء هنلاقى كلنا مش عايزينه بيننا
والطريقة دى لها منتديات متخصصة يقدر يفرغ فيها طاقاته المكبوتة

لكن لو عضو له رأى مخالف فى الحياة اكيد مش هنبقى رافضين وجوده طالما كله فى حدود العرف والأخلاق
وانا شخصيا يا سيدى زعلت من اعضاء هنا ودماغى بتقفل احيانا معدتش اشارك فى الأجتماعى ده تانى
بس الأختلاف فى الأمور الحياتية العادية ده بلاقيه فى حياتى الواقعية وبيبقى فى خناق كمان والمنتدى هو نسخة مصغرة عن الحياة
لكن انت فى الحياة تقدر تبعد خالص عن واحد مضلل وتتجاهله

وميقدرش يغصبك تسمعه بالعافية ويتنح
وياخد الكلام اللى على مزاجه يرد عليه والكلام اللى افحمه يتجاهله ومستمر برضه!!
فده اللى بطلبه هنا بس: )

كان نفسي ارد في الموضوع اياه بس اضطريت امسح المشاركه بعد تدخل الاداراه

حاجه تفقع لما تلاقي واحد داخل مش عارف حاجه وبيحاول يوضحلك انه عارف كل حاجه

الناس بره بتدرس الأسلام لاسابيع قليله وبتدخل الأسلام مش عشارتاشر سنه ولسه مقتنعتش