الموضوع: تعالوا نعرف مميزات و عيوب السوزوكي سيلاريو

المشاركة الأصلية كتبت بواسطة Innovation

تقرير هايل جداً .. شكراً على المجهود الرائع ده
بالنسبه لموضوع البيكانتو احسن فمن وجهة نظرى ان البيكانتو اغلى يا فندم .. خاصةً لو الواحد عايز يشتريها فول أوبشن .. واحيانا الواحد بتفرق معها الكام الف الزياده ويحتاج سنه اضافيه كمان عشان يحوشهم :)

بالظبط فعشان كده يبقي الأفضل الواحد و لا يجيب ديه و لا يجيب ديه المشكلة كلها في السعر المبالغ فيه
و السوزوكي زي ما تقولي حاولت تعمل عربية تنافس بيكانتو و لو لاحظتي هتلاقي نفس الشكل الا ان البيكانتو نزلت تصميم جديد لــ2012


اقولك بأه اللى مش عاجبنى في السيلاريو ان رغم انها فول اوبشن مافيهاش مرايات كهربا والازاز اللى ورا عاده مش كهربا .. يمكن تكون دى عناصر رفاهيه بس كان نفسي اوى العربيه دى يكون فيها الحاجات دى بالاضافه للى فيها .. ومش عاجبنى التابلوه المفتوح لأنى مش هعرف اسيب فيه الكتالوج زى المعتاد في اى عربيه استعملتها قبل كده .

بصراحة هو موضوع التابلوه ده بيفكرني بالــ128 موديل التمنينات بس هو تقريبا معمول بحيث يدي وسع للقاعد جنب السواق ع عكس الموديل اللي قبلها اللي هي الألتو 2009
مهو الاتنين الألتو بس هتقولي ايه بقي ع المعاملة اللي بنتعاملها

اما بالنسبه لان سعرها تقريبا هوه بالظبط سعر اللوجان .. فده غايظنى بردو لأنى مش عايزه عربيه كبيره زى اللوجان .. اللوجان شنطتها عاليه وبتخلينى ما اشوفش ورا كويس .. زيها زى التمبرا بتاعت والدى اللى مش باعرف اتحكم فيها لنفس السبب .. فعند بعض الناس الهاتش باك افضل بس تقارب السعر يخلى الواحد متغاظ ومش عارف يقنع اللى فى البيت بوجهة نظره .

اي شخص هيبقي تفكيره كده هيقولانا ايه اللي يخليني اجيب عربية صغيرة و غالية و قطع غيارها غالية و مش موجودة غير في التوكيل و التوكيل نفسه مش خادمها و لا هي و لا العملاء
يبقي الاحسن اني اجيب عربية اكبر و تكون متوافرة فيها كل اللي فات
اي حد هيفكر كده
اما موضوع الشنطة العالية ده مقدور عليها بطريقة من الاتنين يا اما باركينج سينسور عادي
يا اما باركينج سينسور بكاميرا بيخليكي تشوفي اللي ورا في المراية اللي بتيجي معاه
اما الحل التالت ان الواحد يطول شوية
و برده ديه وجهات نظر كل واحد ليه وجهة نظره و اللي شايفه صح

فكرة انها بناتى فما انكرش فعلا انها سحرتنى اول مره شفتها يعنى ده طبيعى لأنى بنت .. ولما باشوفها معديه قدامى ببأه هتجنن .. فهى ايوه عربيه بناتى من الدرجه الاولى.

فعلا بناتي من الدرجة الاولي و امتياز مع مرتبة الشرف بس لو مفيهاش دباديب و الدودوة المستفزة هههه

شكراً جزيلا على التقرير الجميل

شكرا لمرورك

المشاركة الأصلية كتبت بواسطة nonoloveall

العربية عاجبانى انا كمان اوى انا بحب الحاجات اللى فيها اوبشنز و صغننة كده و بناتى بس خاوفونى منها و قالولى انها ضعيفة , بالنسبة للبيكانتو انا مستغلياها وكمان فاضية و حاسة كل الناس راكبتها وانا مش بحب كده انا كنت فكرت فى اللوجان بس فضلوا يقولولى اوعى بلاش متقفلة فى المغرب واى كلام و كمان عربية سيدان مش بناتى و شنطتها عاليه (بس انا طويلة ) انا بجد محتارة و زهقت من العربيات كلها ملحوظة انى لسه بتعلم سواقة جديد و لو سمحت متقوليش خليكى فى المستعمل قلى اعمل ايه عايزة عربية فى حدود ال 60 ؟؟؟؟

خليكِ في المستعمل هههههههه بهزر طبعا

اولا السيلاريو مش ضعيفة لكن يعيبها ان سعرها عالي بالنسبة الامكانيات ديه و قطع غيارها مش متوافرة و غالية
عايزة عربية كويسة في حدود الستينات يبقي دول
لوجان - لانوس - فيرنا و افضلهم اللوجان عربية اثبتت نفسها و نازلة بسعر قليل
لأن لولا اتفاقية اغادير اللي بينا و بين المغرب كانت نزلت بحاجة و تمانين الف
و متمشيش ورا كلام اي شخص كل واحد بيتكلم من وجهة نظره الشخصية مش اكتر
فاركبي كل واحدة فيهم و شوفي انهي واحدة هتحسي بالراحة فيها اكتر من الباقيين
و لما تيجي تبصي للعربية غير انك بتبصي للشكل و الكماليات بتبصياذاكانت عربية اثبتت نفسها و لا الكل اشتكي منها و بتبصي لسعر اعادة البيع و قطع الغيار متوافرة و لا لأ و اسعارها و التوكيل معاملته ايه مع عملائه

و بالتوفيق ان شاء الله