كنت ناوي اشتري فلونس بس الألنترا الجديدة نزلت محتاج رأيكم جدااا

**Ghosts** · 03-07-2011 06:49 AM

المشاركة الأصلية كتبت بواسطة naserng

هو بس اعتراضي على الفلوانس بعد ماشفت الألنترا الجديدة هو التابلوة بتاع الفلوانس فقير جدااا بالنسبة لألنترا وضلمة شوية بس كدة اما الشكل فلأتنين صراحة حلوين وانا عارف ان المتانة طبعا والثبات للفلوانس

دة مايعتبرش عيب خطير يخليك ماتشتريش العربية ....
والهيونداى على قد جمال تصميم موديلاتها الجديدة على قد ما فيها عيوب كتيرة ....
زى الأحتكاك فى المطبات لما تكون محمل و الصاج الضعيف ....
وبعدين أيش جاب الكورى للأوروبى ....
عارف حضرتك أنا لما بقول لحد أن الفلوانس تمنها 122000 جنية مابيسدئش ....
يقولى مش معقول دى بالميت تعمل 160000 ....
رينو عملت معادلة صعبة جدآ ....
قدمت عربية فخمة جدآ مزودة بكل وسائل الأمان من Abs & Ebd و 6 وسائد هوائية ....
عفشة مريحة أوى مقارنة بكل العربيات الكورى ....
ومش بتحك فى المطبات ....
وبسعر مناسب و منافس جدآ ....
بالأضافة أنك هتتعامل مع توكيل ممتاز بشهادة الجميع ....
الكورى طول عمرة منظر عالفاضى ....
ربنا يوفقك ....

**MOUSTAFA_SAAD** · 03-07-2011 07:48 AM

انا شوفتها على الطبيعه لما كنت باعمل صيانة اللوجان فى التوكيل وبرده شفتها كذا مره فى الشارع
العربيه برستيج عالى اوى وتحس انها بنت ناس فعلا وفخمه جدا وقيمه لو مش ناوى تبيع قريب اشتريها بدوت تردد لانك حتبقى مميز وسط الناس فعلا
انا مش مصدق انى ادفع 160الف جنيه فى عربيه وفى الاخر الاقيها موجوده فى مكاتب الايجار زى كلالعربيات الكورى عندنا
ياراجل ده الكروز بتتاجر فى دمنهور عندى تخيل بلد سكرانه زى دمنهور عارضين الكروز للايجار فيها فما بالك بالقاهره والاسكندريه
لما ادفع المبلغ ده ادفعه فى عربيه مميزه تدينى بريستيج عالى لانى دافع كتير مش شويه

**kamatsho** · 03-07-2011 08:06 AM

عايز شكل حلو .. وشياكه شبابيه .. وجرى .. وسحب والذى منه ... يبقى الألنترا الجديده

عايز ثبات + abs + شياكه برضو + مش شبابيه الا حداً ما يبقى الفلوانس

انا شايف حضرتك متحيز للألنترا عشان شكلها المغرى وتابلوهها الجامد ... بس دي مش مميزات كافيه فى وجهت نظرى

استخير ربنا وتوكل على الله والفرق بين الاتنين مش كتير

يمكن الخامات وال abs والثبات الأعلى للفلوانس يميزوها شويه مقارنة بالألنترا فى المقابل الانترا شكل فخم جدا شبابيه جدا تابلوه تحفه .. حاجه مش منتشره ومميزه حتى الأن

**م/محمد** · 03-07-2011 06:55 PM

المشاركة الأصلية كتبت بواسطة amribrahim

حضرتك مين قالك إن الفلونس فرنساوي العربية يا باشا كوري هي أصلاً سامسونج sm7

عفوا
اضافه حضرتك لا تحسب للفلوانس و بعدين تشابه الشكل لا يعني تماثل السياره
عندك النيسان صني الكوري شبه الرينو اسكالا و ده مش معناه ان الاتنين حاجه واحده
باختصار ماركه العربيه هي اللي مكتوبه عليها

**AutoTycoon** · 03-07-2011 08:04 PM

المشاركة الأصلية كتبت بواسطة م/محمد

عفوا
اضافه حضرتك لا تحسب للفلوانس و بعدين تشابه الشكل لا يعني تماثل السياره
عندك النيسان صني الكوري شبه الرينو اسكالا و ده مش معناه ان الاتنين حاجه واحده
باختصار ماركه العربيه هي اللي مكتوبه عليها

مع احترامي
لكن السكالا او السامسونج sm3 او نيسان صني عربية واحدة فعلاً ذات اصل كوري

الجيل الجديد من السيارة و هو سامسونج sm5 اللي هي رينو فلوينس هي اللي عربية هجينة .. موتور من رينو و تصميم لحد دلوقتي مش متأكد اتعمل فين بالظبط

حاجة كدا زي الشيفي كروز :)

**م/محمد** · 03-07-2011 08:22 PM

المشاركة الأصلية كتبت بواسطة autotycoon

مع احترامي
لكن السكالا او السامسونج sm3 او نيسان صني عربية واحدة فعلاً ذات اصل كوري

الجيل الجديد من السيارة و هو سامسونج sm5 اللي هي رينو فلوينس هي اللي عربية هجينة .. موتور من رينو و تصميم لحد دلوقتي مش متأكد اتعمل فين بالظبط

حاجة كدا زي الشيفي كروز :)

تمام
افهم من كلام حضرتك ان البروتون ويرا الماليزي موتور و تصميم ميتسوبيشي هي هي لانسر بطه الياباني؟

**raedegypt** · 03-07-2011 08:33 PM

المشاركة الأصلية كتبت بواسطة naserng

السلام عليكم انا كنت ناوي خلاص اشتري الرينو الفلونس ولكن شاهدت الألنترا الجديدة امس لعبت في دماغي جامد جدااا فمحتاج دعم اصدقائي لو انت مكاني تعمل ايه خاص انا كنت ناوي على الفلونس الأوتوماتيك اللي ب132 الف والله محتار جدااا مع العلم اني كان معايا كروز وبعتها عشان كنت مزنوق في فلوس للأمانة مش عشان هيا وحشة بالعكس وشكرااا لكل من ابدي رأيه اخوكم ناصر

الالنترا الجديدة تحفه عربيه حكايه صالون ومتعه قيادة وشكل العربيه حكايه وطراز وتصميم جديد وخامات عاليه جدآ وتقفيل رفاهيه بمعنى الكلمه وبص احلى لون الاحمر والسماوى فيها جامد

**AutoTycoon** · 03-07-2011 08:55 PM

المشاركة الأصلية كتبت بواسطة م/محمد

تمام
افهم من كلام حضرتك ان البروتون ويرا الماليزي موتور و تصميم ميتسوبيشي هي هي لانسر بطه الياباني؟

لأ طبعاً
فيها مكونات من ميتسوبيشي
لكن مش كلها (الحقيقة معرفش تفاصيل)
خلي بال حضرتك ان الويرا بدأ انتاجها لما ميتسوبيشي خلصت انتاج اللانسر بطة .. فحصل زي اتفاق بتصنيع بشوية تعديلات تحت اسم بروتون
و فيه فرق بين التعاون بين ميتسوبيشي و بروتون
و بين
التحالف اللي بين نيسان - رينو - سامسونج :)
التحالف ده مخليهم زي GM بينزلوا العربيات بالماركة اللي عايزينها حسب السوق
الأوبل insignia الجديدة نازلة في امريكا تحت اسم براند بويك ريجال
و هكذا

**AutoTycoon** · 03-07-2011 08:58 PM

المشاركة الأصلية كتبت بواسطة raedegypt

الالنترا الجديدة تحفه عربيه حكايه صالون ومتعه قيادة وشكل العربيه حكايه وطراز وتصميم جديد وخامات عاليه جدآ وتقفيل رفاهيه بمعنى الكلمه وبص احلى لون الاحمر والسماوى فيها جامد

متعة قيادة ؟
حضرتك جربتها بقى...
طب ما تعمل موضوع كدا عن الtest drive في قسم هيونداي

**naserng** · 04-07-2011 08:32 AM

المشاركة الأصلية كتبت بواسطة ghosts

دة مايعتبرش عيب خطير يخليك ماتشتريش العربية ....
والهيونداى على قد جمال تصميم موديلاتها الجديدة على قد ما فيها عيوب كتيرة ....
زى الأحتكاك فى المطبات لما تكون محمل و الصاج الضعيف ....
وبعدين أيش جاب الكورى للأوروبى ....
عارف حضرتك أنا لما بقول لحد أن الفلوانس تمنها 122000 جنية مابيسدئش ....
يقولى مش معقول دى بالميت تعمل 160000 ....
رينو عملت معادلة صعبة جدآ ....
قدمت عربية فخمة جدآ مزودة بكل وسائل الأمان من abs & ebd و 6 وسائد هوائية ....
عفشة مريحة أوى مقارنة بكل العربيات الكورى ....
ومش بتحك فى المطبات ....
وبسعر مناسب و منافس جدآ ....
بالأضافة أنك هتتعامل مع توكيل ممتاز بشهادة الجميع ....
الكورى طول عمرة منظر عالفاضى ....
ربنا يوفقك ....

شكرااا لحضرتك جدااا على اهتمامك وانا صراحة اخدت كلامك بجديه شديدة جدااا وربنا يبارك في حضرتك وشكراا مرة تانية على اهتمامك وفعلا في حاجات كتير اهم من الشكل وشوية الليد لايت اللي عملينه في الألنترا الجديدة