الموضوع: كنت ناوي اشتري فلونس بس الألنترا الجديدة نزلت محتاج رأيكم جدااا

المشاركة الأصلية كتبت بواسطة elfashn

مع احترامى لكل الاراء بس كانت فى اراء بتتكلم عن ثبات الفلونس الى اعلى من الالنترا!!!!!هو فى حد شاف ثبات الالنترا ..حد جربها؟؟حد شاف خيرها من شرها لسه.دى عربيه لسه جديده فى السوق ونازله بكذا فئه مختلفه وبعدين هيونداى اصبحت متقدمه جدا تكنولوجيا وسيارتها موجوده فى امريكا وناجحه وبقى يتم مقارنتها بعربيات الالمانيه كمان.اذا كانت الاراء عن خلفيه الالنترا قبل الشكل الجديد تبقى اراء غير حياديه وغير مؤكده. شخصيا انا شفت الالنترا فى كارفور المعادى واتفرجت على صالونها زى كل الناس. صالون رحب وواسع وفخم جدا شنطه واسعه بمعنى الكلمه الحوض. تشوف فيه بلاستيك كتير بس ضيق اما الفلوانس ولا اعرف عنها فتفوته غير انى مش بحب الرينو لارتفاع تمن قطع غيارها وان محدش بيعرف يصلحها غير ناس معينه.

شركه رينو بنعفد اى حاجه تحط عليها علامتها ومحدش يفهم فى عربياتهم الا التوكيل وبعض المراكز وبتكون غاليه جد آ وفلوانس ال مابعرف كورى مش فرنساوى وسياسه رينو بيع رخيص والزبون جاى جاى فى قطع الغيار والتصليح احلبه وكمل حسابك معاه . ورينو انتشار محدود بالمقارنه مع هيونداى فى العالم والخليج . شوف السعوديه اعلى مبيعات الهيونداى صدقنى ضربت مبيعات التويوتا فى بلد غنى وحار جدآ وروح شوف الرينو محدش بيشتريه غير بعض المصريين والتوانسه وتعالى لظروف ما عايز تبيع اقل من النصف والمعرض يقول لك سيب العربيه ولما تتباع تاخد فلوسك وواحد صاحبى معاه ميجان قعدت ثمانيه شهور وباعوها 15 الف ريال يغوررر الرينو بصراحه

لو ادوني الرينو ببلاش مش هاركبها

قطع غيار غالية جدا جدا جدا ومحدش يقول ان دي زيروا مش هتحتاج نفترض حصل حادث لا قدر الله

وصيانة حتمية فى التوكيل وعشان تعمل حاجة صغيرة لازم تهد قبلها حاجات كتير شغلها معقد جدا

الياباني والكوري شغله سهل وواضح وصريح ومش هتتربط طول عمرك بتوكيل ومراكز صيانة

خليك فى الالنترا افضل

أنا كنت محتار زيك كده ليا فترة..الحمد لله في الأخر استقريت على الفلوانس..ليها معايا حوالي شهر ...هقولك باختصار سبب أختياري... أ،أ كنت في السعودية و شوفت و ركبت العربيتين من شهرين
-أولا الشكل الخارجي الاتنين حلوين بس انا حسيت انو الفلوانس أفخم بكتيير (دي أذواق)
-من الداخل خامات الفلوانس أفضل و تحسها أفخم من الالنترا
-بالنسبة للأوبشنز للأسف الألنترا اللي نازلة مصر شايلين منها حاجات كتير زي مثلال الأوتو بارك و لو قارنت الهاي لاين من الألنترا في مصر بالفئة ال 142 من الفلوانس (و دي مش الهلي لاين) هتلاثي فروق كتير لصالح الفلوانس فع انها أرخص
-نوكيل الرينو من أفضل التوكيلات في مصر عن تجربة ناس كتيير
-موتور الألينترا المصري غير الي نازل بره مصر و الباور هورس بتاعته أقل من برة 130( بس) مقابل 140 للخليجي
-أهم فرق في رأيي سعر الالنترا المبالع فيه في مصر مع انها أفل من الخليجي مثلا في الموتور و الأوبشنز و ده أكتر سبب خلاني أروح للفلوانس لأني باخد عربية أوروبي و امكانيات أعلى و سعر أقل بكتير..في رأيي الشخصي لو الألنترا نزل سعرها عن كده هتكون منافسة جدا
آسف عل الأطالة

المشاركة الأصلية كتبت بواسطة elfashn

وبعدين هيونداى اصبحت متقدمه جدا تكنولوجيا وسيارتها موجوده فى امريكا وناجحه وبقى يتم مقارنتها بعربيات الالمانيه كمان..

هى العربيات الهيونداى اللى بتنزل مصر هى اللى موجودة فى أمريكا و دول الخليج ؟
هو ينفع فى أمريكا أى عربية تمشى من غير مايكون فيها Abs & Ebd ؟
لما تلاقى عربيتك مفيهاش عوامل أمان خاااااااالص ....
ومتشال منها حاجات كتيييييييييير أوى ....
يبقى أنت أكيد راكب هيونداى ....
ويبقى أنت أكيد أكيد ....
فى مصر ....

شركه رينو بنعفد اى حاجه تحط عليها علامتها ومحدش يفهم فى عربياتهم الا التوكيل وبعض المراكز وبتكون غاليه جد آ وفلوانس ال مابعرف كورى مش فرنساوى وسياسه رينو بيع رخيص والزبون جاى جاى فى قطع الغيار والتصليح احلبه وكمل حسابك معاه . ورينو انتشار محدود بالمقارنه مع هيونداى فى العالم والخليج . شوف السعوديه اعلى مبيعات الهيونداى صدقنى ضربت مبيعات التويوتا فى بلد غنى وحار جدآ وروح شوف الرينو محدش بيشتريه غير بعض المصريين والتوانسه وتعالى لظروف ما عايز تبيع اقل من النصف والمعرض يقول لك سيب العربيه ولما تتباع تاخد فلوسك وواحد صاحبى معاه ميجان قعدت ثمانيه شهور وباعوها 15 الف ريال يغوررر الرينو بصراحه

+1111111111111

اسمحولى انى ارد بخصوص الفلوانس يمكن ردى متاخر شويه
انا معايا الفلوانس الفئه اللى 140 الف
اولا العربية دى موش كورى زي بعض الناس ما بتقول ولا حتى فرنساوى دى تركى مصنع رينو
ثانيا الكماليات اللى فى العربية موجوده فى عربيات تانيه اعلى منها فى السعر بما لا يقل عم 20 الف جنيه
ثالثا بالنسبة للاداء العربية لو انتى غاوى المشى بالراحة حتلاقيها عربية نايمه جدا ولو انت بتحب الجرى والقرص وكيك دون كل شويه حترعبك من قوة الوتور المستخبى الا عند اللزوم
الثبات ولا اروع جبت بيها 180 اسكندرية القاهرة الصحراوى فى الملفات والتقاطعات زى الفل ولا تحس باى حاجة كانك ماشى على 120
الفرامل بسم الله مشاء الله حساسه جدا وقويه فى نفس الوقت ولا تؤثر على ثبات العربية مهما كانت سرعه العربية والدوسه
البور العربية دى تعتبر كبيرة وعريضة بالنسبة لعربيات تانيه كتير وده من النظر ولكن بوجود البور الرائع تحس ان العربية مجرد لعبه فى ايديك بور زى الميه ولكن بالرغم من ذلك كلما زادت السرعه يتقل حتى تستطيع تتحكم فى السيارة بالسرعات العاليه
العيوب ودى من وجه نظرى
1- سحب البنزين عالى اوى مقارنه مثلا بالجولف
2- سحب العربية فى الطلعه الاولى بطئ نوعا ما وفى تاخير حتى مع الكيك دون بس بعد ذلك العربية تستجيب كويس
3- صوت الموتور موش ممكن تحس بيه سبت العربية دايرة مرتين ونزلت من غير ما قفلها طبعا الريموت فى جيبى
4- التكييف فى الاول تبريده بطئ ولكن بعد ذلك يصبح ممتاز ولكن المشكله فى بدايه التشغيل بياخد وقت عقبال ما يبرد العربية

دى مميزات وعيوب الفلوانس من وجعه نظرى وبعد اختبارات عديده وعلى طرق مختلفة ( عامل بيها 14000 )
واى سؤال عنها تحت امركم

يا جماعة شكرااا والله على المجهود والأفادة ديه بس نحن في انتظار تقرير عن الألنترا زي الأستاذ WOLFRINE
عملهولنا عن الفلوانس بس لحد دلوقتي لسة محدش جابلنا تقرير عن الألنترا ب اللي شايفو ان الفلوانس تكسب بكتير اللي معارض يقول ليه واللي موافق طبعا موافق ليه