الموضوع: كنت ناوي اشتري فلونس بس الألنترا الجديدة نزلت محتاج رأيكم جدااا

المشاركة الأصلية كتبت بواسطة kamatsho

عايز شكل حلو .. وشياكه شبابيه .. وجرى .. وسحب والذى منه ... يبقى الألنترا الجديده

عايز ثبات + abs + شياكه برضو + مش شبابيه الا حداً ما يبقى الفلوانس

انا شايف حضرتك متحيز للألنترا عشان شكلها المغرى وتابلوهها الجامد ... بس دي مش مميزات كافيه فى وجهت نظرى

استخير ربنا وتوكل على الله والفرق بين الاتنين مش كتير

يمكن الخامات وال abs والثبات الأعلى للفلوانس يميزوها شويه مقارنة بالألنترا فى المقابل الانترا شكل فخم جدا شبابيه جدا تابلوه تحفه .. حاجه مش منتشره ومميزه حتى الأن

شكراا يا باشا على النصيحة وان شاء الله اللي فيه الخير يقدمه ربنا وشكرااا لأهتمام حضرتك

المشاركة الأصلية كتبت بواسطة م/محمد

عفوا
اضافه حضرتك لا تحسب للفلوانس و بعدين تشابه الشكل لا يعني تماثل السياره
عندك النيسان صني الكوري شبه الرينو اسكالا و ده مش معناه ان الاتنين حاجه واحده
باختصار ماركه العربيه هي اللي مكتوبه عليها

المشاركة الأصلية كتبت بواسطة autotycoon

مع احترامي
لكن السكالا او السامسونج sm3 او نيسان صني عربية واحدة فعلاً ذات اصل كوري

الجيل الجديد من السيارة و هو سامسونج sm5 اللي هي رينو فلوينس هي اللي عربية هجينة .. موتور من رينو و تصميم لحد دلوقتي مش متأكد اتعمل فين بالظبط

حاجة كدا زي الشيفي كروز :)

المشاركة الأصلية كتبت بواسطة م/محمد

تمام
افهم من كلام حضرتك ان البروتون ويرا الماليزي موتور و تصميم ميتسوبيشي هي هي لانسر بطه الياباني؟

المشاركة الأصلية كتبت بواسطة autotycoon

لأ طبعاً
فيها مكونات من ميتسوبيشي
لكن مش كلها (الحقيقة معرفش تفاصيل)
خلي بال حضرتك ان الويرا بدأ انتاجها لما ميتسوبيشي خلصت انتاج اللانسر بطة .. فحصل زي اتفاق بتصنيع بشوية تعديلات تحت اسم بروتون
و فيه فرق بين التعاون بين ميتسوبيشي و بروتون
و بين
التحالف اللي بين نيسان - رينو - سامسونج :)
التحالف ده مخليهم زي gm بينزلوا العربيات بالماركة اللي عايزينها حسب السوق
الأوبل insignia الجديدة نازلة في امريكا تحت اسم براند بويك ريجال
و هكذا

يا جماعة صلوا على النبي احنا خرجنا من الموضوع عمالين تتنقشاو ومحدش قال رأيه شكرااا جداا ليكم لأهتمامكم بموضوعي

المشاركة الأصلية كتبت بواسطة raedegypt

الالنترا الجديدة تحفه عربيه حكايه صالون ومتعه قيادة وشكل العربيه حكايه وطراز وتصميم جديد وخامات عاليه جدآ وتقفيل رفاهيه بمعنى الكلمه وبص احلى لون الاحمر والسماوى فيها جامد

المشاركة الأصلية كتبت بواسطة autotycoon

متعة قيادة ؟
حضرتك جربتها بقى...
طب ما تعمل موضوع كدا عن الtest drive في قسم هيونداي

هو فعلا الشكل جميل ورفاهية بس فعلا زي ماقل الأستاذ لازم يحد يجرب السواقة ويقولنا بس صراحة انا متشكر جدااا على الردود الجميلة ديه وفعلا ربنا يكرمكم ولا خاب من استشار

حضرتك روح معرض و جرب الاتنين و شوف انطباعك ايه دون التحيز لاى واحده فيهم

و انا من رايى ان العربيه مش شكل و تابلوه بس فيه حاجات تانيه مهمه جدا فيها زى الامان و الثبات

توكل على الله و هات الفليونس احسن

المشاركة الأصلية كتبت بواسطة naserng

انا متشكر جدااا على اهتمامكم بموضوعي وجزاكم الله خير هو بس اعتراضي على الفلوانس بعد ماشفت الألنترا الجديدة هو التابلوة بتاع الفلوانس فقير جدااا بالنسبة لألنترا

عاوز اقولك يا استاذ نصر ..ان تالبوة الفلوينس مصمم فقير بالقصد ..

يعنى هو يبانلك لاول وهلة فقير ..لكن رينو عاملة تابلوة بسيط بحيث انك تنفذ كل اللى انت عاوزة بدون ما تتهوة كثير فى البحث فى الضغط على الزرائر

يعنى عندك مثلا زر مثبت السرعة و محدد السرعة ..موجود بجانب السائق و ليس فى التبلوة من اصلة و التحكم فية من عجلة القيادة

مجموعة التحكم فى الصوتيات موجوة فى زراع خاص خلف عجلة القيادة ..عشان متغيرش حاجة بدون قصد اثناء القيادة و استعمالة سهل جدا

كذلك زرائر كمبيوتر السيارة الذى يقوم بحساب بعض الاحصائات اثناء القيادة ..

التابلوة ليس بالتعقيد ولا بالفقر التابلوة بالامكانيات المتاحة و سهولة الاستخدام

انتو بتتكلموا فى اية انا النهاردة شوفت نيسان قشقاى ( نيسان - تقفيل انجليزى )
العربية دى بالسعر دة هاتقلب السوق

والتوكيل بتاعها يعتبر افضل توكيل فى مصر--ملك نيسان نفسها - يعنى قطع الغيار مضمونة