كنت ناوي اشتري فلونس بس الألنترا الجديدة نزلت محتاج رأيكم جدااا

**SAMEHNOSHI** · 12-07-2011 05:10 PM

باشا ارشحلك المازدا 3 و بعدها الفلونس و بعدها الالنترا.
ده ميمنعش ان الالنترا الجديدة شكلها شيك جدا و عربية جامدة بردة بس سعرها عالى شوية

**takakan2005** · 13-07-2011 02:49 AM

عيب تقول إن دمنهور بلد سكرانة
خليك دايمى فى الموضوع - موضوعى يعنى - وإبعد عن الأساءة للناس
من دمنهورى أصيل

**memo823000** · 13-07-2011 10:22 AM

المشاركة الأصلية كتبت بواسطة takakan2005

عيب تقول إن دمنهور بلد سكرانة
خليك دايمى فى الموضوع - موضوعى يعنى - وإبعد عن الأساءة للناس
من دمنهورى أصيل

احنا متاسفين ياباشا وانا روحت دمنهور كتير انا وابوية وناسها ناس محترمين
وصحيح دمنهور بلد والقاهرة بلد تانيه ماهى كلها فى مصر
يعنى من قيمت كام شهر كنت بعزى فى ناس قرايبنا انا والعائلة الكريمة فى كفر الشيخ فى بلد ريف (قرية يعنى)
طبعا نازلين بالباسات ومشمتوقع الاقى عربيات اصلا
ببص فى العزا
لقيت كمية عربيات انا مصدقتش
كرولات الشيب القديم والجديد على كروز على سيراتو بتاع 5 ولا 6 على النترا بالهبل على مرسيدس
قلت هوا فيه ايه
انا مصدقتش وقلت سبحان الذى يغير ولا يتغير

**ahmadm** · 19-07-2011 02:05 AM

السلام عليكم

احب اضيف تعليق متواضع منقول عن احد الاخوة فى المنتدى

الالنترا الشكل الجديد طبعا مبهرة جدا و جميلة بس بعد سنة او 2 شكلها هايكون عادى جدا بعد ما تنتشر و ساعتها اللى اشترى عشان الشكل عجبة مش هايكون مبسوط خالص :) عشان اشترى الشكل و الشكل ما بيدومش طبعا و الله الموفق :)

**M.Elwan** · 19-07-2011 04:20 AM

المشاركة الأصلية كتبت بواسطة raedegypt

شركه رينو بنعفد اى حاجه تحط عليها علامتها ومحدش يفهم فى عربياتهم الا التوكيل وبعض المراكز وبتكون غاليه جد آ وفلوانس ال مابعرف كورى مش فرنساوى وسياسه رينو بيع رخيص والزبون جاى جاى فى قطع الغيار والتصليح احلبه وكمل حسابك معاه . ورينو انتشار محدود بالمقارنه مع هيونداى فى العالم والخليج . شوف السعوديه اعلى مبيعات الهيونداى صدقنى ضربت مبيعات التويوتا فى بلد غنى وحار جدآ وروح شوف الرينو محدش بيشتريه غير بعض المصريين والتوانسه وتعالى لظروف ما عايز تبيع اقل من النصف والمعرض يقول لك سيب العربيه ولما تتباع تاخد فلوسك وواحد صاحبى معاه ميجان قعدت ثمانيه شهور وباعوها 15 الف ريال يغوررر الرينو بصراحه

واضح ان حضرتك بتتكلم من واقع سوق خليجى مختلف عن السوق المصرى تماما

يعنى عندنا مثلا اسوء توكيل فى مصر هو غبور فى الصيانة وقطع الغيار والاسعار والمصنعية وبلاوى كتير

تانى حاجة بالنسبة لغبور انه لما بيستورد عربية كورى مش بيستوردها ويبيعها زى ما هى كده لا ابسلوتلى :)))

ده بيجيبها فاضية من غير معظم الكماليات
وعامل شراكة مع صرح فى عالم كماليات السيارات اسمه عشم نوار ده برنس عنده محلين فى شارع دمشق البرنس ده بقى يركب الانذار والسنتر والكاسيت ومش كده وبس لا كمان ضمان الحاجة دى يبقى عنده مش فى التوكيل

لكن بالنسبة لتوكيل رينو كيا فهو يعتبر من افضل التوكيلات فى مصر فى خدمات ما بعد البيع واحترام العميل

**MOUSTAFA_SAAD** · 19-07-2011 07:49 AM

المشاركة الأصلية كتبت بواسطة takakan2005

عيب تقول إن دمنهور بلد سكرانة
خليك دايمى فى الموضوع - موضوعى يعنى - وإبعد عن الأساءة للناس
من دمنهورى أصيل

وانت زعلان ليه واساءة ايه اللى انا عملتها
انا بتكلم عن بلدى اللى انا عايش فيها حاليا
انت مش عايش فى دمنهور
ايوه بلد ميته فى كل حاجه

**hess** · 20-07-2011 04:20 PM

نفس القصة بالنسبة لي بس أنا مستبعد الالنترا و بفكر في اللانسر أو الفلوانس .
اعتقد الالنترا الجديدة سقفها واطي ...شوف الفيديو ده ‪2011 Hyundai Elantra Introduction Compared to 2010 Corolla‬&rlm; - YouTube