شكـــوى من فتيـــس Mmt فى الكــرولا الجنــوب أفريــقى

**abo samra** · 03-09-2009 07:13 PM

المشاركة الأصلية كتبت بواسطة sadany18

انت عربيتك مش mmt مش كده؟؟
ياريت لو هيا اتوماتك تقولنا على العربيه ---استهلاك البنزين جوه البلد و الصحراوي و صوت المتور عند 100كم و إجمالا قوة العربيه فى السحب .

هو مين الف ان الكورولا ليها صوت عند سرعة 100
انا مش ببدا اسمعه الا بعد 120 وصوت مخفى وناعم مش مزعج
االاوتوماتيك غير ملحوظ لحد 140 او 150
تحياتى

**sadany18** · 04-09-2009 02:23 PM

المشاركة الأصلية كتبت بواسطة abo samra

هو مين الف ان الكورولا ليها صوت عند سرعة 100
انا مش ببدا اسمعه الا بعد 120 وصوت مخفى وناعم مش مزعج
االاوتوماتيك غير ملحوظ لحد 140 او 150
تحياتى

[OVERLINE]الف [/OVERLINE] لا يا سيدي محدش الف انا برضو معايا العربيه 2009 MMT والعربيه صوتها بالمقارنه بعربيات (اتوماتك) اقل منها كتييييير, صوتها حتى من غير متتحرك عالي جدا .و صوت العربيه بيظهر من سرعة ال 80 ... بس انت اقفل الكاست و انت تسمعه ... و رمضان كريم

**faroukahafeez** · 05-09-2009 02:24 AM

المشاركة الأصلية كتبت بواسطة sadany18

[overline]الف [/overline] لا يا سيدي محدش الف انا برضو معايا العربيه 2009 mmt والعربيه صوتها بالمقارنه بعربيات (اتوماتك) اقل منها كتييييير, صوتها حتى من غير متتحرك عالي جدا .و صوت العربيه بيظهر من سرعة ال 80 ... بس انت اقفل الكاست و انت تسمعه ... و رمضان كريم :oc_sun1[1]:

واضح انت اللى عندك حاجة غلط فى العربية
لانها ملهاش اى صوت من غير اما تتحرك حتى لو اقفل الكاسيت وفاتح الشباك
وصوت العربية بيظهر بعد 120 زى ما أبو سمرة قال صوت مش مزعج خالص

**محمد محمد** · 05-09-2009 02:35 AM

المشاركة الأصلية كتبت بواسطة sadany18

[OVERLINE]الف [/OVERLINE] لا يا سيدي محدش الف انا برضو معايا العربيه 2009 MMT والعربيه صوتها بالمقارنه بعربيات (اتوماتك) اقل منها كتييييير, صوتها حتى من غير متتحرك عالي جدا .و صوت العربيه بيظهر من سرعة ال 80 ... بس انت اقفل الكاست و انت تسمعه ... و رمضان كريم

يا ريت حضرتك تقولنا حاجة العربية وهى ماشية علي الوضع e علي سرعة 100 بيبقي الrpm على كام.

**Berlioz** · 05-09-2009 12:23 PM

المشاركة الأصلية كتبت بواسطة sadany18

انت عربيتك مش mmt مش كده؟؟
ياريت لو هيا اتوماتك تقولنا على العربيه ---استهلاك البنزين جوه البلد و الصحراوي و صوت المتور عند 100كم و إجمالا قوة العربيه فى السحب .

لأ عربيتي أوتوماتيك عادية، لأني بصراحة تجنبت M-MT gear و تقدر تقول علي من المتخلفين

بس حضرتك عارف بأن لو الفتيس مش مألوف بتكون الناس غير جاهزة للتعامل معاه وأنا الحقيقة مش عارف ليه الشركة تسعى مثلاً لتجربته فينا، على الرغم انه أصحاب المعارض ومهندسين التوكيل ليست لديهم أدنى فكره عنه!!! هو صحيح الفتيس طفرة لكن المستهلك يهمه راحته مش البحث العلمي، فضلاً عن كونه غير مناسب للطرق المصرية .

استهلاك البنزين على الطرق الداخلية ممتاز (بالنسبة لماتور سعته اللترية 1600 سي سي) بالنسبة للطرق السريعة مماثل لمعظم العربيات من نفس الفئة... وصوت الموتور تقريباً غير مسموع، وأنا مش عارف الأخ اللي بيقول صوت العربية عالي هل هو فعلاً ركبها ولا لأ؟؟ يمكن تكون في عربيته أو في العربية اللي جربها مشكلة!!
انا معنديش صوت أصلاً لأن عدد لفات الموتور عند 100 كلم هي الأقل على الاطلاق، وحقيقة أنا لم أجد عربية أهدأ في صوت الموتور غير الميجان (أنا باتكلم عن فئة سعرية محددة) وأخيراً باكرر العربية لا يعيبها الا التوكيل (بتاع البطاطس) قصدي بتاع تويوتا في مصر.

مع محبتي

**sadany18** · 06-09-2009 02:30 PM

المشاركة الأصلية كتبت بواسطة ابو الوليد المصرى

يا ريت حضرتك تقولنا حاجة العربية وهى ماشية علي الوضع e علي سرعة 100 بيبقي الrpm على كام.

ال rpm بيكون 3 ...
ابو وليد -- هوا انت ليه عايز العربيهmmt يبقى فيها نقله 6

**Hegazio** · 06-09-2009 02:50 PM

الصوت العالي ملحوظ علي فكرة
بس فيه ناس مش بتاخد بالها منه .. غالبا كان راكب عربية قديمة و صوتها عالي برضه

**mashmash** · 10-10-2009 01:06 PM

نفس المشكله عندى العربيه عندى عمله 3327 كم وفيها مشكله الفتيس وخصوصا فى الاشارات لما اكون واقف فى اشاره او دوران واحاول اسرع بالعربيه ربم بيرفع والعربيه صوتها يعلى وكلمت الوكيل قال ان العربيه مانويل مش اوتوماتيك طيب احنا اشترنا العربيه اوتوماتيك مش مانويل ايه الحل فى موضوع الفتيس

**محمد محمد** · 10-10-2009 02:02 PM

المشاركة الأصلية كتبت بواسطة mashmash

نفس المشكله عندى العربيه عندى عمله 3327 كم وفيها مشكله الفتيس وخصوصا فى الاشارات لما اكون واقف فى اشاره او دوران واحاول اسرع بالعربيه ربم بيرفع والعربيه صوتها يعلى وكلمت الوكيل قال ان العربيه مانويل مش اوتوماتيك طيب احنا اشترنا العربيه اوتوماتيك مش مانويل ايه الحل فى موضوع الفتيس

يا ريت حضرتك توضحلنا بالظبط مشكلتك مع الفتيس.
ارتفاع الصوت بتاع الموتور الموضوع ده فسره المهندس سبعاوي في موضوع انا كنت عامله وده الرابط بتاعه سؤال محيرني في الmmt والأوتوماتيك بتاع الكورولا الجديدة.

موضوع ان العربية ال rpm بيعلي معاك اثناء الغيار الأول في الطلع بتاعت العربية انا برده كان عندي نفس المشكلة حلها زي ما قالك التوكيل طب ازاي؟
حضرتك اكيد كنت معاك اوتوماتيك قبل العربية دي ولازم تعامل دواسة البنزين بتاعت ال ام ام تي غير دواسة الأوتوماتيك .
تعامل رجليك مع الدواسة لازم يكون خفيف جدا لأن الدواسة من سنة ضغط بسيطة هتلاقي العربية ما شاء الله بتسحب معاك.
انا مثلا في الطلعة بتاعت العربية كان ال rpm بيعلي معايا لغاية 5 دلوقتي لما اتعودت مش بخليه يعدي ال3 ولما بنسي ولاقي ال rpm يعلي بزود غيار من الريشة ال+ اللى ورا الدريكسيون.
فيه حاجة كمان لازم تعرفها ان الكمبيوتر بتاع الفتيس بيقرأ طريق قيادتك يعني لما تكبس علي الدواسة زيادة كده الكمبيوتر قرأ انم عايز سحب وعزم عالي فينقل علي rpm عالي ولما تديله سنة بنزين فيقرأ انك عايز تمشى سواقة هادية فينقل علي rpm منخفض.