رقم العضوية : 82616
تاريخ التسجيل : 03Dec2010
المشاركات : 6,066
النوع : ذكر
الاقامة : حلمية الكلاماتا :)))
السيارة: Ex Sunny M/F/O 2011
السيارة[2]: Polo M/F/O 1995
دراجة بخارية: مولتوسيكل :)
الحالة :
ههههههههههههههههههههههه
الف حمد لله علي السلاااااااااااااامة يادووووووووك
رجاء حااااااااااار
بدء السلسة الجديدة في سلسة منفصلة بعنوان
الجزء الثاني : التيدا ونسلسل المؤامرة :))
أُمـــ الغوالــــــــــــــــي ..... أُسطــــورة لـــــهــــــا تاريـــــخ
[img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
[marq="4;right;2;scroll"]Eng.Hussein GaMal[/marq]
[marq="4;left;2;scroll"]Mob. +20111 960-9399[/marq]
رقم العضوية : 37338
تاريخ التسجيل : 05Apr2009
المشاركات : 767
النوع : ذكر
الاقامة : طنطا
السيارة: تيدا 2009 فول أوبشن بلس
السيارة[2]: دوجان 1995
دراجة بخارية: بعتها من زمان
الحالة :
رقم العضوية : 82470
تاريخ التسجيل : 01Dec2010
المشاركات : 2,895
النوع : ذكر
الاقامة : el mehalla elkobra
السيارة: cerato 10
السيارة[2]: corolla 15
دراجة بخارية: :(
الحالة :
رقم العضوية : 107820
تاريخ التسجيل : 16Jul2011
المشاركات : 1,679
النوع : ذكر
الاقامة : cairo
السيارة: Fait127
السيارة[2]: Nissan Tiida 2012
دراجة بخارية: no
الحالة :
والله على قد ما الواحد ميتمناش ان يكون فى اجزاء تانى بس بصراحه انا كنت مبسوط لما لقيت القصص رجعت من تانى وان الموضوع اللى كان نايم لعده شهور بدء الكلام فيه من تانى.
وربنا مايجبش حاجه وحشه لحد.
رقم العضوية : 37338
تاريخ التسجيل : 05Apr2009
المشاركات : 767
النوع : ذكر
الاقامة : طنطا
السيارة: تيدا 2009 فول أوبشن بلس
السيارة[2]: دوجان 1995
دراجة بخارية: بعتها من زمان
الحالة :
[img2]http://img833.imageshack.us/img833/2356/76956994.jpg[/img2]
[img2]http://img607.imageshack.us/img607/6920/22196331.jpg[/img2]
من قال "سبحان الله العظيم وبحمده" غرست له نخلة في الجنة
رقم العضوية : 37338
تاريخ التسجيل : 05Apr2009
المشاركات : 767
النوع : ذكر
الاقامة : طنطا
السيارة: تيدا 2009 فول أوبشن بلس
السيارة[2]: دوجان 1995
دراجة بخارية: بعتها من زمان
الحالة :
الجزء الثالث
الحلقة الأولى
العار
بصوا بقى يا رجالنتا
هي الحكاية بدأت لما روحت توكيل نيسان في طنطا
هي مش بدأت كده بالظبط .. هي بدأت أول لما لمبة الإيرباج نورت في الطابلوهبردو هي مش بدأت كده بالظبط .. هي بدأت بعد ما غسلت العربية في المغسلة اللي على ناصية شارعنالا لا هي مش بدأت كده بالظبط .. بصوا بقى هي الحكاية لسه ما بدأتش أصلالما تبدأ هبقى أقوللكمسلام عليكم
وبعدين بقى .. مش عايزين الطوب يشتغل من أولها كده
الحكاية وما فيها إني روحت يوم الجمعة اللي فاتت المغسلة اللي دايما بغسل العربية فيها عشان صعبت عليا من منظر جواليص الطين اللي عليها من آخر شتواية
وبعد ساعتين روحت استلم العربية .. لقيتها خست طن ونص بعد مانزلت الأحمال اللي كانت شايلها قبل الغسيل
المهم مشيت بيها شوية لاقيت لمبة الإير باج عمالة تنور وتطفي بانتظام كل ثانية .. يعني أكيد في حاجة غلط
مع إني غسلت العربية دي في نفس المغسلة دي يجي عشرتاشر مرة قبل كده
بس بصراحة كل مره ببقى حاطط ايدي على قلبي خايف لحسن يحصل أي حاجة بسبب ضغط الميه عند الموتور .. بس ماكنش بيحصل حاجة
المره دي بقى حصلت الحاجة .. عشان أحرم تصعب عليا تاني
المهم قلت يمكن المية عملت قفلة في حاجة .. أو إن الحساس جه عليه حاجة .. أو الفيوز عايز يتفك ويتركب تاني أو يتغير خالص
بصيت في حوض الموتور على أي حاجة مش طبيعة .. لقيت كله تمام
جربت أعمل ريسيت للعربية وفكيت كابل البطارية وركبته تاني .. مفيش فايدة
قلت يا واد يا هوبا مابدّهاش .. أروح للتوكيل أحسن وأضمن
بس السؤال بقى .. أروح أنهي توكيل؟؟؟؟
معقولة أسافر أكتر من 100 كيلو لأوتو إيجيبت عشان أطفي لمبة؟؟؟ لأ طبعا .. وبعدين مفيش وقت للسفر ده
طيب أروح السبع بتاع المنصورة عند حبيبي المهندس مصطفى المحلاوي .. بردو مفيش وقت وخصوصا اليومين دول .. في ضغط في الشغل مش طبيعي .. انتوا عارفين بقى الحمى القلاعية والأفلام دي
خلاص بقى مفيش غير الاتحاد الوطني في طنطا اللي بيني وبينه 5 دقايق
بس لو تفتكروا أنا ليا تجربة مريرة مع التوكيل ده وكنت معاهد نفسي إني ما أروحش هناك تانيوده لينك التجربةhttp://www.nilemotors.net/Nile/228543-a.html
بس بعد النظر والتدقيق .. وبعد التفكير العميق .. قمت بنصاحة أهلي قلت يا واد يا عم الشيخ هوبا كده كده العملية بسيطة .. وخصوصا إن الناس اللي كانوا هناك كلهم سابوا المركز وراحوا مركز جديد خاص عندنا .. وفي طقم جديد غير القديم
وبعدين آخرتها إيه يعني .. هيوصلوا الجهاز بالعربية .. ويحددوا العيب فين .. ولو حاجة بسيطة هيخلصوها على طول .. ولو حاجة عويصة وهتحتاج شغل هقولهم سيبوها زي ما هي
وقد كان
روحت يوم الاتنين الصبح الساعة 9 ونص من غير ميعاد ولا حجز .. وقلت للمهندس الوحيد اللي هناك عالمشكلة .. قالي ماشي هنكشف عليها بالكمبيوتر ونشوف .. وهتتكلف 65 جنيهقلتله ماشي .. سألني عملت صايانات عندهم قبل كده .. قلتله مره واحدة يتيمة أيام المهندس فلان .. وبصراحة حرمت .. وقلتله بصراحة نفسي أغير فكرتي عن المكان .. قالي بإذن الله
بدأ الفني في العربية على طول .. مش عشان خاطر أنا واسطة ولا حاجة .. ولا عشان يكسبوا الزبون بحسن المعاملة .. ولكن لسبب بسيط جدا .. إن ماكنش عندهم غيري أنا وميكروباص واحد كمان وبس
وبعد حوالي عشر دقايق شغل بالكمبيوتر .. لآقيت المهندس بيقولي خلاصقلتله طفت؟ .. قالي كله تمامقلتله كانت المشكله في إيه؟قالي الجهاز قرأ إيرور في الدايرة بتاعة الإير باج .. وكان في إيرور بردو في الفتيس "زي تهنيجة كده" ولغينا الإيرور بالكمبيوتر وكله تمام
وكتبلي الفاتورة وقالي 60 جنيهطلعت أحاسب لقيت الفاتورة مكتوب فيها المصنعية 60 وضريبة مبيعات 6 جنيهاستغربت جدا .. هي المصنعية عليها ضريبة مبيعات؟!!!وبسألكم نفس السؤال يمكن أنا اللي مش فاهم .. هي المصنعية عليها ضريبة مبيعات؟!!!مش المفروض إن ضريبة المبيعات دي بتبقى على السلع المباعة زي قطع الغيار ؟
المهم .. دفعت الـ66 جندي وقلت الحمد لله إن العربية خلصت على خير .. ومحصلش غلبه زي ما أنا متعود دايما إنه يحصل معايا
وبس يا سيدي .. خدت العربية وروحت عالبيت
ودي النهاية الطبيعية لأي عربية طبيعة مع أي واحد طبيعي
لكن معايا أنا فالوضع مختلف تماما .. زي ما انتوا عارفين .. نحن نخلتف عن الأخرين
قبل ما أوصل البيت بصيت لقيت اللمبة نورت تاني .. يادي الحوسة يا ولاد
هو مفيش حاجة تخلص معايا كده بالساهل أبدا .. عالعموم الحمد لله على كل حال
لف وارجع تاني
روحت لهم وقلتلهم اللمبة نورت تاني !!!
راح الفني جايب الجهاز تاني ووصله تاني وقالي كل حاجة طبيعية الجهاز مش قارئ أي حاجة مش طبيعية .. بس اللمبة مش راضية تطفيقلتله وبعدين يعني ..دخل العربية ونفخ بالهوا في حوض الموتور عشان لو في أي شوية ميه من الغسيل على أي حاجة تنشفواشتغل بالجهاز شوية لحد اللمبة ما طفتقلتله كده خلاص .. قالي خلاصقلتله طيب لو نورت تاني .. قالي هي مفيش فيها حاجة غلط يعني مفيش منها خوفقلتله يعني أمشي بيها منورة كده .. طب لو حصل عطل بجد في الإير باج هاعرف إزاي؟!!!قالي إن شاء الله مش هتنور .. قلت يارب
لسه بارجع بالعربية عجلة واحده بس .. اللمبة نورت
قلت الله .. شغل العفاريت بدأ أهو
وصل الجهاز تالت مره وطفى اللمبة تالت مره وراحت منورة تالت مرةجرب رابع وخامس وسادس ... مفيش فايدةوالغريب إن الجهاز مش قارئ أي أعطال في أي حته
جا فني تاني وتالت ورابع .. بردو مفيش فايدةقالوا خلاص نفك الحساس وننظفه .. يمكن!!!
وعشان يفكوا الحساس لازم يفكوا الشبكة الفيبر اللي تحت الكبوت وفوق الإكصدام
وهما بيفكوا الشبكة كان شكلهم أول مره يفكوا شبكاتكانوا حوالي أربع فنيين بيفكوا فيها .. شكلهم مش عارفين مكان السامير فين أصلا
المهم فكوها والحمد لله وفكوا الحساس ونظفوه وركبوا كل حاجة .. وجرب يا معلم
تتوقعوا إيه اللي حصل؟؟؟
لسه اللمبة منورة
يجربوا بالجهاز تاني .. قصدي عاشر .. ولا حياة لمن تنادي
لحد الظهر ما أذن وهما لسه بيجربوا .. والمركز كله مفيهوش غير عربيتي بس .. حتى المكروباص اللي كان مونسها مشي من زمان
والفنيين اللي في المركز كانوا منقسمين لقسمينقسم شغال في العربية اليتيمة بتاعتي .. والقسم التاني قاعدين بره في الهوا بيعبوا الشمس في أزايز وبيحكوا في مغامراتهم مع صيد السمك
أما انا فكنت ندمان أشد الندم على حاجة واحدة بس .. إني ماجيبتش معايا بُلغة "ولا مؤاخذة" عشان أضرب نفسي بيها عاليوم اللي فكرت فيه إني أروح بالعربية هناك
المهم ... بعد تجارب مطولة قالوا هنفك الشيلد اللي تحت الإير باج ونركب واحد جديد ونجرب .. يمكن!!!
والشيلد ده عبارة عن جزء تحت طارة الدركسيون هو اللي العقل المدبر للأجزاء الكهربائية في المنطقة ديزي الإير باج والكلاكس والمالتي فنكشن ودراع المساحات ودراع النور
طيب إيه علاقة الشيلد ده بغسيل العربية؟؟؟؟ولو فعلا الشيلد بايظ .. إشمعنا الإير باج بس؟؟؟طيب لو هو بايظ فعلا ماظهرش ليه على الكمبيوتر؟؟؟
المهم سيبتهم يفكوه .. ماهو الغريق بيتعلق في قشاية .. وأهو عك بعك بقىودي صورته بعد الفك
[img2]http://img818.imageshack.us/img818/8528/14032012503.jpg[/img2]
[img2]http://img11.imageshack.us/img11/4008/14032012504.jpg[/img2]
[img2]http://img23.imageshack.us/img23/7638/14032012505.jpg[/img2]
فكوا الشيلد .. وركبوا الجديد .. وقبل الفني ما يفقل وقف فجأة وفك تاني ولف الشيلد كذا لفه كده على تظبيطة معينة وقفل على كده
طبعا كل ده وأنا واقف بتفرج وساكت .. ومبفكرش غير في حاجة واحدة بس
هي إيه؟؟؟؟؟
في البُلغة طبعا .. متصحصحوا معايا أمال
المهم .. وصلوا الجهاز وطفوا اللمبة .. واطلع جرب يا معلم
ركبت ورا مع اتنين فنيين قدام .. واحنا بنجرب الفني اللي كان بيركب الشيلد قال لزميله بصوت واطي: على فكرة الشيلد الجديد ده كان هيبوظ .. قاله إزاي؟قاله بيبقى له ظبطة معينة كده لأن فيه جزء بيلف مع الطارة وجزء ثابت .. ولو مش مظبوط في النص بالظبط هتلاقيه باظ لما تلف الطارة لآخرها
طبعا الشيلد ده مش رخيص .. تمنه 471 جنيه و32 قرش .. قال يعني واقف عليهم بـ470 وهما كسبانين فيه جنيه و32 قرش
المهم جربنا العربية لمدة حوالي 10 دقايق .. والحمد لله اللمبة مطفية
واحنا بنجرب العربية ربنا كرمهم وجت عربية صني للمركز عشان تعمل صيانة .. ماهو الخير لما بيهل بيهل مرة واحدة
قابلنا الفني اللي كان أول واحد يشتغل في عربيتي الصبح وهو بيجرب الصني .. بس مكانش بيجربها .. ده كان بيفحتها .. بعد ما بعد عن المركز شوية اشتغل بيها بقى أمريكاني وحوارات .. وإحنا مقابلينه بعربيتنا .. راح الاتنين الفنيين اللي معايا ضحكوا وقالوا يخرب بيتك يا فلان .. إنت مبتجيش المركز ده غير عشان تجرب العربيات بس
حاجة قمة في الإهمال والتسيب .. وفوق كل ده عدم الخبرة في الشغل
إنتوا عارفين إني عمري ما بهاجم حد مع إني حصل معايا حاجات كتير قبل كده
بس الصراحة الوضع ده مينفعش يتسكت عليهالمركز هناك محدش بيعمر فيه .. كل شهرين تلاتة يجيبوا طقم جديد يتعلموا ويعكوا في عربيات الناس وبعدين يسيبوا المركز ويروحوا حته أفضل
حتى المهندس الوحيد اللي هناك هو فعلا شاب محترم ومؤدب .. بس بصراحة خبرته صفر .. كل ما حد يسأله عن أي حاجة يقوله لحظة واحدة .. وينادي على الفني قدامه ويسأله والفني يرد عليه
المهندس آخره الأعمال الإدارية وإصدار جوب العمل والفواتير والذي منه
حتى العربيات اللي بتجيلهم مابيحطوش كيس على الكرسي وورقة عالدواسة عشان يحموها من الشحموقدام عينيا واحد بيقول للمهندس خليهم ياخدوا بالهم عشان المرة اللي فاتت بهدلوا الفرش بتاع العربية
بصراحة .. مع إني باحترم شركة نيسان في مصر جدا .. بس حسيت إن المركز ده وصمة عار في جبين نيسان في مصر ولازم تشوف له حل
وافتكرت إني زمان كنت بفكر أجيب صني زيرو ولما دخلت على كونتاكت كارز عشان أشوف إمكانياتها وسعرها وتعليقات الناس عليها .. لقيت تعليق صد نفسي .. كان كله عن توكيل طنطا
المهم .. وصلنا المركز وأنا ببص على الشيلد القديم المفكوك وأقول في نفسي شكلك مظلوم ياعم الشيلد وانت ملكش دعوة بحاجة .. بس هي هتلبس فيك انت وخلاص مع إنك سليم
وده طبعا نابع عن احساس داخلي عميق .. وأنا إحساسي العميق لا ممكن ينزل الأرض آآآآآآآبببببدا
المهم رجعنا المركز .. وقالولي كده تمام اللمبة طفية أهه .. قلتلهم طيب فكوا الشيلد بتاعكم بقى وركبلي الشيلد القديم
استغربوا وقالوا ليه يعني ما اللمبة طفية أهه .. قلتلهم بكل ثقة: ولو ركبتوا القديم اللمبة هتطفي بردو
"تقولي جبت الثقة دي منين أقولك معرفش"
ابتسموا باستهزاء كده وقالوا يعني لو ركبنا القديم اللمبة هتطفي بردو دا انت كده بتقول علينا يعني مابنفهمش خالصقلتلهم لأ لا سمح الله .. بس أنا جاي هنا ومش عامل حسابي عالشيلد دهولو اللمبة ماطفيتش هاجيلكم تاني أغيره وأنا عامل حسابي
مع إن الفلوس دي كان أمرها أسهل ما يمكن .. بس أنا كان في حاجة في دماغي
بعد شوية شد وجذب الفني قالي خلاص عايزني أفكهولك .. هفكه بس تدفع فك وتركيب .. قلتله بس فك انت بس
بصراحة مش فاهم اللي يقول إدفع وما تدفعش .. الفني ولا المهندس
المهم راح الفني للمهندس وكلمه على جنب .. وبعدين المهندس قالي زي ما الفني قاله إني أدفع فك وتركيب .. قلتله كام يعني .. قالي زي الصبح 66 جنيهقلته مفيش مشكلة بالنسبة لي .. بس أنا مش عارف إنتوا معاملتكم عاملة كده ليه ... أنا روحت السبع في المنصورة وروحت أوتو إيجيبت وكانت الطريقة غير كده تماما .. والناس هناك كانت بتحاول تخدم على أد مايقدروا .. وبعدين عايز أسألك سؤال يا باشمهندس .. هو في حاجة إسمها ضريبة مبيعات عالمصنعية؟!!!قالي هما بياخدوا مننا ضريبة على كل حاجةقلتله بس أول مرة أشوف الحكاية دي .. اللي أنا أعرفه إن المصنعية ممكن آخد عليها خصم .. مش ضريبة!!!
سكت شوية وبعدين قالي .. اللي تشوفهقلتله لأ اللي تشوفه إنت .. واللي هتقولي عليه هدفعة .. مع إنهم كل اللي عملوه في العربية كان عبارة عن تجارب بسقالي خلاص مفيش حاجةوفعلا مدفعتش حاجةوركبوا الشيلد القديم
وكانت المفاجأة
اللمبة مطفية
جربت العربية .. ولسه مطفيةبقوا مش مصدقين .. قلتلهم أصل أنا راجل بركة .. سلام عليكم
كانت الساعة وقتها 2 إلا تلت
خدت العربية وقلت يا فكيك .. إبقوا تعالوا "تيييييييت" على تربتي لو جيت هنا تاني
روحت البيت .. وكله تماموطلعت اتغديت .. وآخر انسجام
وبعد العصر نزلت عشان أروح العيادة .. البهايم مستنياني يا بلد
حطيت المفتاح في الكونتاكت وشغلت العربية .. واللمبة طبيعية وكله تمام
يعني خلاص الجزء التالت من مسلسل المؤامرة هيخلص بسرعة كده وبالسهولة دي ؟؟؟
مش معقول ..
في إيه تااااااااااااني
جاي أطلع من الركنة وكسرت الدركسيون لآخره .. سمعت صوت طقة جوه الطارة مكان الشيلد .. نفس صوت قص الضافر بالقصافةقلبي طب .. بس اللمبة مطفية وتمامقلت أجرب بقيت الزراير لقيت المالتي فنكشن مش شغالة .. مع العلم بإنها كانت شغالة قبل الصوت ده على طول
قلت يا حوستك يا امّا
يعني أكيد الباشا ركبه غلط .. وماظبطهوش في النص زي ما كان بيقول
مشيت وأنا هطق من جنابي .. لولا إن الحزام كان ماسكهم كويس
حسيت إني خلاص هيجيلي استبحس في نافوخي
واللي زود الطين بله .. إني بعد ما ركنت عند العيادة وطالع .. لقيت اللمبة نورت تاني
واللي زاد وغطّى .. إني لما ركنت تاني الكلاكس فصل هو كمانقولولي أعمل إيه بقى ؟!!!
بس بصراحة هما يشكروا .. الواحد لازم يقول اللي ليه واللي عليه .. لأني أول ما روحت لهم طلبت منهم حاجة ونفذوها تمام .. قلتلهم نفسي أغير فكرتي عن المركز .. وفعلا قاموا بالواجب وغيروا الفكرة تماما .. من السيء .. للأسوأ .. والأبشع
كان نفسي أرجع لهم في ساعة ما المالتي فانكشن باظت .. بس أعمل إيه .. مقدرش أسيب الشغل
مصر محتجاني .. والبهايم محتجاني
أسيبهم إزاي مع الحمى القلاعية دي
وبعد حيرة طويلة وتفكير ملوش مثيلفضّلت أقعد مع الزباين وأسيب التوكيل
ويا توكيل النهارده بفلوس .. بكره يبقى ...... بفلوس بردو .. هو في توكيل في الدنيا دي ببلاش!!!
وبالفعل .. روحت تاني يوم الصبح .. اللي هو امبارح الثلاثاء .. وصلت الساعة 9 ونص بردو
وهنا .. بدأت المواجهة
فيس تو فيس
المواجهة دي طبعا حصل فيها كلام كتير وحوارات .. وشوية شد واشتغالاتهنعرفها بإذن الله في الحلقة الجاية
اللي هتكون بعنوان:
إلبس بقى يا ريس
بس على فكرة .. عايز أطلب منكم طلب واحد بس قبل ما الحلقة الجديدة تنزل:
محدش عنده بُلغة سلف؟؟؟؟؟
[img2]http://img688.imageshack.us/img688/5580/i9mlosqf.jpg[/img2]
[img2]http://img833.imageshack.us/img833/2356/76956994.jpg[/img2]
[img2]http://img607.imageshack.us/img607/6920/22196331.jpg[/img2]
من قال "سبحان الله العظيم وبحمده" غرست له نخلة في الجنة
رقم العضوية : 82470
تاريخ التسجيل : 01Dec2010
المشاركات : 2,895
النوع : ذكر
الاقامة : el mehalla elkobra
السيارة: cerato 10
السيارة[2]: corolla 15
دراجة بخارية: :(
الحالة :
هههههههههه حلقة جامدة يادوك .. عندي اليكتريك ينفع بدل البلغة؟؟؟ :d توكيل بيستهبل وواضح كده انهم خربولك العربية
رقم العضوية : 37338
تاريخ التسجيل : 05Apr2009
المشاركات : 767
النوع : ذكر
الاقامة : طنطا
السيارة: تيدا 2009 فول أوبشن بلس
السيارة[2]: دوجان 1995
دراجة بخارية: بعتها من زمان
الحالة :
رقم العضوية : 82616
تاريخ التسجيل : 03Dec2010
المشاركات : 6,066
النوع : ذكر
الاقامة : حلمية الكلاماتا :)))
السيارة: Ex Sunny M/F/O 2011
السيارة[2]: Polo M/F/O 1995
دراجة بخارية: مولتوسيكل :)
الحالة :
ياوقعة مبربربربربربرة ...... بلغــــــــــة ؟؟؟
في اغنية سمعتها لمطرب قدير في توكتوك كان ماشي جنبي وكان حزين برده .... كلمات الاغنية بتقول
"محدش عنده بلغة سلف ....... اداري صوابعي جوااااها " هههههههههههههههه
--------------------
كان فيه موضوع هنا يادوك عن موضوع لمبة الايرباج وطريقة حلها ازاي
بس خلاص كده انت عديت المرحلة ديه ............ اطلع علي القاهرة واخلص علشان محدش يلعب فيها كتير
وتبق طمنا عملت ايه :))
أُمـــ الغوالــــــــــــــــي ..... أُسطــــورة لـــــهــــــا تاريـــــخ
[img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
[marq="4;right;2;scroll"]Eng.Hussein GaMal[/marq]
[marq="4;left;2;scroll"]Mob. +20111 960-9399[/marq]
رقم العضوية : 37338
تاريخ التسجيل : 05Apr2009
المشاركات : 767
النوع : ذكر
الاقامة : طنطا
السيارة: تيدا 2009 فول أوبشن بلس
السيارة[2]: دوجان 1995
دراجة بخارية: بعتها من زمان
الحالة :
[img2]http://img833.imageshack.us/img833/2356/76956994.jpg[/img2]
[img2]http://img607.imageshack.us/img607/6920/22196331.jpg[/img2]
من قال "سبحان الله العظيم وبحمده" غرست له نخلة في الجنة
المفضلات