الموضوع: تجربة شد مع جيتز مانوال

المشاركة الأصلية كتبت بواسطة moamen_badboy

انا شايف فى منافسة بين الفيرنا والبروتون
وانا معايا ال 2 الحمد لله
الفيرنا على فكرة مش عربية اى كلام زى ما الناس فاكرة
الموتور بتاعها شديد خصوصا لو 1600 زيى كده
ومش بعيدة ان هو يفسح الواجا والساجا لو السواق كويس
بس بالنسبة للجين 2 صعب قوى الصراحة
بس على السرعات لحد ال 70 مثلا ممكن الفيرنا تسبق شوية
لكن بعد كده صعب قوى... المقارنة مش موجودة
بس برده ده كله يرجع للسواق
يعنى واحد صاحبى معاه جين 2 كان بيشد مع واحدة وراكبة سوزوكى التو
والبنت ظبطته خالص يا عينى وانا راكب جنبه عمال اضحك عليه من اللى البنت عملته فيه
يعنى انا شايف السواق 75% من الشد

سوزوكي التو ظبطت صحبك ابو جين 2 اوووووووووووووبس

طب تجيلي انا بالساجا و اسبلها غيارين

والله اللعبة كلها فى السواق

العبد لله مقطع سيراتو كوبية (ايووووووووووة سيراتو كوبيه سامعك يا الى بتشتم) من 0-110 الفارق شاسع جدااااااااااااااااااااااا ا لصالح الفيرنا
ع الاولانى السيراتو كنت شايفه جنبى من اول التانى (واهم حاجة النتشة بتاعة التانى) كنت شايف السيراتو فى المرايا الى فى النص مش جنبى ولا قريب حتى.

والسيراتو الى اتقطعت دى موجودة هنا فى المنتدى و صاحبها حبيبى وحيعترف لوحده.

الساجا مش 1300 برضو ؟ ولا فى 1600 ؟؟
لو 1300 بس يبقى اقدر اقول بكل ثقة انها متطلعش من الفيرنا على الاطلاق ولو طلعت يبقى عيب سواق الفيرنا.

تسمحولي أدلوا بدلوي معاكوا من غير دلدئة ..... :)

مواتير الفيرنا و الجيتز في الشد حلوة قوي علشان وزن العربية و فتيس الهيونداي أنا شايف أنه فتيس حلو قوي و مستجيب .

عربيات بروتون عربيات تقيلة في الوزن و بالتالي الطلعة مش خفيفة بالعكس الطلعة بطيئة .
و اللي هايفرق حاجتين ملهومش تالت

السواق ................ السرعة العالية بثبات

لو السباق في طريق مستقيم أستقامة تامة

الفيرنا أو الجيتز تفوز لغاية 170 على ما أعتقد (نظريا )
لو الطريق فيه أي منحنيات
البروتون هاتفوز ............ لأن العربيتين دول من هيونداي مش ثابتين في المنحنيات و بالتالي لازم يهدي و يفقد سرعة بعكس البروتون هايكمل من غير تهدية .

و في النهاية
اللي يكسب يكسب ......... العربية بتوديني الشغل و بتقضي مشاويري و مخليني ملك زماني .
كسبت أيه او خسرت أيه من الشد مع حد ؟؟؟؟
بل بالعكس جازفت بحياتي ........ و حياة غيري على الطريق ...... و كمان عرضت عربيتي للخطر .

ربنا يستر طريقكم و طريقنا