الموضوع: تعالوا نعرف ازاي ننضف فوانيس العربية الامامية و الفوجات

المشاركة الأصلية كتبت بواسطة m_newyork

مع اخترامي الشديد وفهمي المتواضع بس كده انا بخرب الفانوس وبعدين مؤكد في كريمات وادوات لازاله الصفار من علي الفانوس ثانيه الفانوس من جوه بيكون في اتربه فقط وده بيتنضف بالبلاور والكريمات والملمعات بتظف الفانوس لاكن الصنفره والكلام ده خراب اصلي مش هبوظ فانوس ب500او 1000 بحاجات غلط واتمني تقبل مروروي

حضرتك شايف انها غلط براحتك ديه وجهة نظر و احترمها لكن فيه مقولة بتقول اسأل مجرب و لا تسألش دكتور محدش اجبرك تستخدمها لكن فيه غيرك استخدمها و النتيجة كانت مذهلة

بالاضافة ان قبل كل ده زي ما مهو واضح اني حاطط طريقتين اول طريقة بالصنفرة و ديه لحالات الاصفرار المستعصية و الحالة التانية بالبولش اللي هي الكريمات اللي حضرتك بتقول عليها اسمه بلاستيك بولش و ده تم ذكره في الموضوع برده
بالنسبة الحالات المستعصية شوف لانوس مثلا موديل قديم فانوسها لو متغيرش بيكون عامل ازاي بعد مرور مدة كبيير ابقي تابع في الشارع و اتفرج
صاحب العربية ياما يغير الباغة ياما يرمي القديم و يجيب جديد ياما يستخدم الطريقة اللي كتبتها و يرجع الفانوس جديد بدون مصاريف

بالنسبة الطريقة التانية بتاعت البولش ديه لو الاصفرار بسيط يعني متجبليش عربية لسه موديل حديث و فانوسها لسه نضيف و تقولي اعملها بصنفرة يبقي العيب علي العقل

و مفيش حاجة اسمها استخدام بلاور لتنضيف الفانوس جوة هو لو الفانوس جواه بقع البلاور هيطلعه هو احنا بنضف كيسة كومبيوتر و لا ايه هههههه و لنفترض جواه تراب بس هل حضرتك شايف ان الفانوس ليه فتحات كتيير التراب هيطلع منه بسهولة ببلاور ؟؟ اكيد لأ البلاور هيكون مفيد لتنضيف التراب من حوض العربية و الصالون
راجع الموضوع كويس هتلاقي ان بعد فك الفانوس و فك اللمبات و الاسلاك بيتنضف بالمية و الصابون و يتساب ينشف في الشمس و يركب تاني

و زي مقولت حضرتك شايف انها غلط براحتك لكن قبل ما تكلم يا ريت تجرب شوف فانوس قديم او بلاش فانوس شوف حتة بلاستيك مصفرة جداااا مرمية في الشارع و جرب عليها الطريقة الاول و احكم اذا كان كلامي صح ولا غلط
لأن ده برده نفس اللي بعمله دلوقتي عشان اقدر اطلعلكم تركيبة عشان تعالج شروخ الازاز بجرب ع ازاز قديم قبل ما انقل لكم التجربة
اتمني حضرتك متجيش ساعتها تقولي اضيع ازاز بــ 4 الاف جنيه في طريقة غلط هههههههه

نورت يا باشا الموضوع بمرورك الكريم